ഒരു ദിവസത്തെ അവധിയ്ക്ക് ഡോക്ടറുടെ സർട്ടിഫിക്കറ്റ് വേണമെന്ന് മേലുദ്യോഗസ്ഥൻ, തൊഴിലാളി ചെയ്തത്

ആർക്കും എപ്പോൾ വേണമെങ്കിലും പിടിപെടാവുന്ന ഒന്നാണ് അസുഖങ്ങൾ. ചിലത് ഡോക്ടറുടെ അടുത്ത് ചെന്ന് മരുന്ന് വാങ്ങി കഴിച്ചാൽ തന്നെയേ മാറൂ. എന്നാൽ ചിലത് വിശ്രമിച്ചത് മാറും. ലണ്ടനിലെ ഒരു സൂപ്പർമാർക്കറ്റിൽ ജോലി ചെയ്യുന്ന ഒരു സ്ത്രീക്ക് അടുത്തിടെ പണി ബാധിച്ചു. ഒരു ദിവസത്തേക്ക് അവധി വേണം എന്ന് മേലുദ്യോഗസ്ഥനോട് പറഞ്ഞപ്പോൾ മറുപടി ലീവ് തരാം പക്ഷെ അടുത്ത ദിവസം വരുമ്പോൾ അസുഖബാധിതയായിരുന്നു എന്ന് തെളിയിക്കുന്ന ഡോക്ടറുടെ സാക്ഷ്യപത്രവുമായി വന്നാൽ മതി എന്ന് മേലുദ്യോഗസ്ഥൻ.

ഒരു ദിവസം വിശ്രമിച്ചാൽ തീരാവുന്ന പ്രശ്നമേയുളൂ എന്ന് പറഞ്ഞെങ്കിലും മേലുദ്യോഗസ്ഥൻ സമ്മതിച്ചില്ല. ഒന്നുകിൽ ജോലിക്ക് വരിക, അല്ലെങ്കിൽ അടുത്ത ദിവസം വരുമ്പോൾ ഡോക്ടറുടെ സാക്ഷ്യപത്രവുമായി വരുക എന്നായിരുന്നു മറുപടി. ഇതിലൊന്ന് ചെയ്തില്ല എങ്കിൽ പിന്നെ ജോലിക്ക് വരേണ്ട എന്ന ഭീഷണിയും മുഴക്കി മേലുദ്യോഗസ്ഥൻ.

ഉറക്കം തൂങ്ങി ബ്രഷ് ചെയ്യുന്നവരാണോ നിങ്ങൾ? ഉടൻ നിർത്തിക്കോ…പണി കിട്ടും
മറ്റ് വഴികളില്ലാതെ സ്ത്രീ തൊഴിലാളി ഡോക്ടറെ പോയിക്കണ്ടു. ചെറിയ ഒരു പനിക്ക് എന്തിനാണ് തന്നെ വന്നു കണ്ടത് എന്ന് വിശ്രമിച്ചാൽ തീരാവുന്നതല്ലേയുള്ളൂ എന്ന് ഡോക്ടർ ചോദിച്ചപ്പോൾ നടന്ന സംഭവം യുവതി വിവരിച്ചു. കുപിതനായ ഡോക്ടർ സ്ത്രീയ്ക്ക് രണ്ടാഴ്ചത്തെ വിശ്രമം ആവശ്യമാണ് എന്ന് മെഡിക്കൽ സർട്ടിഫിക്കറ്റിൽ എഴുതി.

“ഈ സ്ത്രീ തന്നെ കാണാൻ വന്നിരിക്കുന്നു, കാരണം അവരുടെ മാനേജർ നിർബന്ധിച്ചു. ഇത് നിയമവിരുദ്ധമാണെങ്കിലും എല്ലാ ജീവനക്കാർക്കും സ്വയം സാക്ഷ്യപ്പെടുത്താൻ അനുവാദമുണ്ട്. അസുഖമുള്ളപ്പോൾ അനാരോഗ്യകരവും അപകടകരവുമായ ഈ യാത്ര നടത്താൻ ഇവർ നിർബന്ധിതയായി. രോഗിക്ക് ഇപ്പോഴും പനിയുണ്ട്. അതുകൊണ്ട് സുഖം പ്രാപിക്കാൻ ഞാൻ രണ്ടാഴ്ച മുഴുവൻ ആവശ്യമാണ്,” എന്നാണ് ഡോക്ടർ കുറിച്ചത്.

വാക്‌സിൻ സർട്ടിഫിക്കറ്റ് കൊണ്ടുനടന്ന് മടുത്തോ? ഐഡിയയുമായി കൊമേഡിയൻ
ഈ കുറിപ്പടിയുമായി പിറ്റേ ദിവസം സൂപ്പർമാർക്കറ്റിൽ എത്തിയ സ്ത്രീ തൊഴിലാളി കത്ത് എച്ആർ ഡിപ്പാർട്മെന്റിന് കൈമാറി. ഉടൻ മേലുദ്യോഗസ്ഥന് കടുത്ത ശാസനയും മുന്നറിയിപ്പും നൽകിയ അച്ചടക്ക സമിതി ഡോക്ടർ സർട്ടിഫിക്കറ്റ് അനുസരിച്ച് സ്ത്രീ തൊഴിലാളിക്ക് രണ്ടാഴ്ച വിശ്രമം അനുവദിച്ചു.