5ജി നെറ്റ്‌വർക്ക്; ജൂഹി ചൗളയ്ക്ക് 20 ലക്ഷം രൂപ പിഴ ശിക്ഷ, ഹർജി തള്ളി ഹൈക്കോടതി

രാജ്യത്ത് 5 ജി നെറ്റ്‌വർക്ക് സ്ഥാപിക്കുന്നതിനെതിരെ രംഗത്തെത്തിയ ബോളിവുഡ് നടിയും പരിസ്ഥിതി പ്രവർത്തകയുമായ ജൂഹി ചൗളയ്ക്ക് തിരിച്ചടി. നടിയുടെ ഹര്‍ജി തള്ളിയ ഡൽഹി ഹൈക്കോടതി കോടതിയുടെ വിലപ്പെട്ട സമയം പാഴാക്കിയതിന് താരത്തിനെതിരെ 20 ലക്ഷം രൂപ പിഴ ശിക്ഷ വിധിച്ചിരിക്കുകയുമാണ്. രാജ്യത്ത് 5ജി സേവനങ്ങള്‍ നടപ്പാക്കുന്നതിനെതിരെ നടി സമര്‍പ്പിച്ച ഹർജിയിലാണ് കോടതി വിധി വന്നിരിക്കുന്നത്. നടിയുടേത് മാധ്യമങ്ങളുടെ ശ്രദ്ധ നേടുന്നതിനായുള്ള നീക്കമാണെന്നും കോടതി നിരീക്ഷിച്ചു. ജസ്റ്റിസ് ജി.ആര്‍. മെഹ്തയുടെ സിംഗിള്‍ ബെഞ്ചാണ് ഹര്‍ജി പരിഗണിക്കുകയുണ്ടായ്.

Also Read: ‘കണ്ണുകളും ആ ശബ്ദവുമാണ് അദ്ദേഹത്തിന്റെ ഏറ്റവും വലിയ പവർ’: മോഹൻലാലിനെ കുറിച്ച് ലൂസിഫർ താരം സച്ചിൻ ഖേദേക്കർ

വ്യക്തമായ കാരണങ്ങൾ നിരത്താത്ത ന്യൂനതകളുള്ള അടിസ്ഥാനമില്ലാത്ത ഹർജിയാണ് താരം സമര്‍പ്പിച്ചിരിക്കുന്നതെന്നും ഇതിലൂടെ നിയമ വ്യവസ്ഥ ദുരുപയോഗം ചെയ്തതായി നിരീക്ഷിച്ചുകൊണ്ടാണ് കോടതി 20 ലക്ഷം രൂപ പിഴ അടയ്ക്കാൻ വെർച്വൽ വാദം കേൾക്കുന്നതിനിടെ ഉത്തരവിട്ടത്. ഹര്‍ജിയിൽ മറ്റ് 2 വാദികളോടും പിഴ നൽകാൻ കോടതി നിർദ്ദേശിച്ചിട്ടുമുണ്ട്. കഴിഞ്ഞ തിങ്കളാഴ്ചയാണ് രാജ്യത്ത് 5 ജി നെറ്റ്‌വർക്ക് സ്ഥാപിക്കുന്നതിനായുള്ള നീക്കങ്ങൾ തടയണമെന്ന് ആവശ്യപ്പെട്ട് ജൂഹി ചൗള ഹർജി നൽകിയിരുന്നത്.

Also Read: അലംകൃതയുടെ നോട്ട്ബുക്ക് നോക്കി ഞെട്ടിയ സുപ്രിയ മേനോന്‍! അല്ലിക്ക് ഇങ്ങനൊരു കഴിവുണ്ടെന്ന് അറിഞ്ഞില്ലെന്ന് ആരാധകര്‍!

ഇതുമൂലം രാജ്യത്ത് ഉണ്ടാകാനിടയുള്ള പാരിസ്ഥിതിക, ആരോഗ്യപ്രശ്നങ്ങളൊക്കെ ചൂണ്ടിക്കാട്ടിയാണ് താരം ഹർജി നൽകിയിരുന്നത്. 5 ജി തരംഗങ്ങളുടെ റേഡിയേഷന്‍ മൂലം മനുഷ്യനും സഹജീവികള്‍ക്കും എന്തൊക്കെ ദോഷമുണ്ടാക്കുമെന്ന് പഠനം നടത്തണമെന്നും അവര്‍ ആവശ്യപ്പെട്ടിരുന്നു. നടിയുടെ ഹര്‍ജിയിലെ വെര്‍ച്വല്‍ ഹിയറിംഗിനിടെ ജൂഹി അഭിനയിച്ച ബോളിവുഡ് സിനിമകളിലെ പാട്ടുകള്‍ പാടിക്കൊണ്ട് ഒരാള്‍ രംഗത്തെത്തിയതും കഴിഞ്ഞ ദിവസം ചർച്ചയായിരുന്നു. ഇവർക്കെതിരെ കാരണം കാണിക്കൽ നോട്ടീസയക്കാനും കോടതി നിർദ്ദേശിക്കുകയുണ്ടായി.

Also Watch :