തെരുവിൽ അലഞ്ഞ് നടന്ന് ചൈനീസ് വ്യവസായി വീട്ടിൽ വളർത്തുന്ന സിംഹം, വീഡിയോ

തെരുവിൽ-അലഞ്ഞ്-നടന്ന്-ചൈനീസ്-വ്യവസായി-വീട്ടിൽ-വളർത്തുന്ന-സിംഹം,-വീഡിയോ

| Samayam Malayalam | Updated: Aug 17, 2021, 1:30 PM

കമ്പോഡിയയുടെ തലസ്ഥാനമായ നോം പെന്നിലെ കോടീശ്വരന്മാർ താമസിക്കുന്ന തെരുവിലാണ് ചൈനീസ് വ്യവസായി ക്വി സിയാവോ വീട്ടിൽ വളർത്തുന്ന സിംഹം ഇറങ്ങി നടന്നത്. ആ സമയം തെരുവിലിറങ്ങിയ പലരും ജീവനും കൊണ്ടോടി.

Lion on the street

PC: Twitter/ Andrew MacGregor Marshall

ഹൈലൈറ്റ്:

  • മാധ്യമപ്രവർത്തകനായ ആൻഡ്രൂ മാക്ഗ്രിഗോർ മാർഷൽ ആണ് ട്വീറ്റുകളിലൂടെ സിനിമ സീൻ പോലെ തോന്നിപ്പിക്കുന്ന ചിത്രങ്ങളും വിഡിയോയും പോസ്റ്റ് ചെയ്തത്.
  • സിംഹത്തിന്റെ ടിക് ടോക് വിഡിയോകൾ വൈറലായതോടെ കംബോഡിയൻ അധികാരികൾ ഈ സിംഹത്തെ മുൻപ് കണ്ടുകെട്ടിയതാണ്.
  • കംബോഡിയൻ പ്രധാനമന്ത്രി ഹുൻ സെന്നിന്റെ നിർദേശപ്രകാരം അധികാരികൾ സിംഹത്തെ പിന്നീട് ക്വി സിയാവോയ്ക്ക് കൈമാറി.

കമ്പോഡിയ രാജ്യത്തിന്റെ തലസ്ഥാനമായ നോം പെന്നിലെ (Phnom Penh) കോടീശ്വരന്മാർ താമസിക്കുന്ന തെരുവിൽ കഴിഞ്ഞ ദിവസം പ്രഭാത നടത്തിനിറങ്ങിയ പലരും ഞെട്ടിക്കാണും. ചിലർ പേടിച്ച് സ്വന്തം ജീവൻ രക്ഷിക്കാൻ തിരിഞ്ഞ് ഓടിയിട്ടുമുണ്ടാകും. കാരണം തെരുവിൽ അവർക്ക് മുൻപിലെത്തിയത് സാക്ഷാൽ സിംഹം.

മാധ്യമപ്രവർത്തകനായ ആൻഡ്രൂ മാക്ഗ്രിഗോർ മാർഷൽ ആണ് ട്വീറ്റുകളിലൂടെ സിനിമ സീൻ പോലെ തോന്നിപ്പിക്കുന്ന ചിത്രങ്ങളും വിഡിയോയും സമൂഹ മാധ്യമങ്ങളിൽ പോസ്റ്റ് ചെയ്തിരിക്കുന്നത്. നോം പെന്നിലെ തെരുവിൽ അലക്ഷ്യമായി നടന്ന് നീങ്ങുന്ന സിംഹം പേടിപ്പെടുത്തുന്നതാണെങ്കിലും വളരെ ശാന്തനായാണ് സിംഹത്തിന്റെ നടപ്പ്. അതിന് കാരണം നോം പെന്നിൽ താമസിക്കുന്ന ചൈനീസ് വ്യവസായി ക്വി സിയാവോയുടെ വീട്ടിൽ വളർത്തുന്ന സിംഹമാണ് തെരുവിലിറങ്ങിയത്. എങ്ങനെയാണ് സിംഹം ക്വി സിയാവോയുടെ വീടിന്റെ പുറത്തെത്തിയത് എന്ന് വ്യക്തമല്ല.

മാർഷൽ ട്വീറ്റ് ചെയ്തതനുസരിച്ച് സിംഹത്തിന്റെ ടിക് ടോക് വിഡിയോകൾ വൈറലായതോടെ കംബോഡിയൻ അധികാരികൾ ഈ സിംഹത്തെ മുൻപ് കണ്ടുകെട്ടിയതാണ്. 70 കിലോഗ്രാം സിംഹത്തെ ജൂൺ 27ന് മൃഗങ്ങളെ സംരക്ഷിക്കുന്ന കേന്ദ്രത്തിലേക്ക് മാറ്റി. പക്ഷെ ഉന്നതങ്ങളിൽ നിന്നുള്ള സമ്മർദ്ദം മൂലം കംബോഡിയൻ പ്രധാനമന്ത്രി ഹുൻ സെന്നിന്റെ നിർദേശപ്രകാരം അധികാരികൾ സിംഹത്തെ ക്വി സിയാവോയ്ക്ക് കൈമാറി.

അഞ്ച് വർഷത്തിനിടെ 335 സ്ത്രീകളുമായി ‘ഡേറ്റിങ്’, ലക്‌ഷ്യം 365! ശ്രദ്ധ നേടി തമിഴ് നടൻ
ഈ സിംഹമാണ് കഴിഞ്ഞ ദിവസം തെരുവിലിറങ്ങിയത്. അതെ സമയം സിംഹം ചെറുപ്പം മുതലേ ഇണക്കി വളർത്തിയതാണെന്നും നഖങ്ങൾ പിഴുതെടുത്തിട്ടുണ്ട് എന്നും മാർഷൽ തുടർ ട്വീറ്റുകളിൽ വ്യക്തമാക്കുന്നു.

“വിദേശത്തുനിന്ന് അനധികൃതമായി കൊണ്ടുവന്ന അപൂർവയിനം സിംഹമാണത്. നിയമം അനുസരിച്ച്, കംബോഡിയയിലെ ജനങ്ങൾക്ക് വന്യജീവികളെ വീട്ടിൽ വളർത്താൻ അവകാശമില്ല, പ്രത്യേകിച്ച് അപൂർവയിനം,” സിംഹത്തെ ആദ്യം പിടിച്ചെടുത്തപ്പോൾ ഉദ്യോഗസ്ഥർ റോയിട്ടേഴ്സിനോട് പറഞ്ഞു.

ഓണസദ്യയ്ക്ക് വാഴയിലയിൽ ഇഡ്ഡലിയും ദോശയും, പൊങ്കാലയിട്ട് മലയാളികൾ
അതെ സമയം വളർത്ത് സിംഹവുമായി വീണ്ടും ഒത്തുചേർന്ന ശേഷം, തന്റെ സിംഹത്തെ തിരികെ ലഭിക്കുമെന്ന് ഒരിക്കലും പ്രതീക്ഷിച്ചിരുന്നില്ലെന്നാണ് ക്വി സിയാവോ ദി ഗ്വാഡിയനോട് പറഞ്ഞത്. “എനിക്ക് വളരെ സന്തോഷം തോന്നുന്നു. അവനെ തിരികെ ലഭിക്കുമെന്ന് ഞാൻ പ്രതീക്ഷിച്ചിരുന്നില്ല,” സിയാവോ പറഞ്ഞതായി പത്രം റിപ്പോർട്ട് ചെയ്തു.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : video of domesticated lion wandering in cambodia street goes viral
Malayalam News from malayalam.samayam.com, TIL Network

Exit mobile version