ഹൈലൈറ്റ്:
- ഗ്ലാസിൽ വെള്ളമെടുത്ത് കുടിച്ചതിൻ്റെ പേരിൽ കൊല.
- ഭിന്നശേഷിക്കാരനെ മർദ്ദിച്ച് കൊന്നു.
- ഒരാളുടെ അറസ്‌റ്റ് രേഖപ്പെടുത്തി പോലീസ്.
പാട്‌ന: ഗ്ലാസിൽ വെള്ളമെടുത്ത് കുടിച്ചതിൻ്റെ പേരിൽ ഭിന്നശേഷിക്കാരനെ തല്ലിക്കൊന്നു. ബിഹാറിലെ ബെഗുസരായ് ജില്ലയിലെ ബഡേപുര ഗ്രാമത്തിലാണ് സംഭവം. ഛോട്ടേലാൽ സഹാനി (50) എന്നയാളാണ് കൊല്ലപ്പെട്ടത്. കേസിൽ അന്വേഷണം ആരംഭിച്ച പോലീസ് ഒരാളുടെ അറസ്‌റ്റ് രേഖപ്പെടുത്തി. ഒളിവിൽ പോയവരെ പിടികൂടാനുള്ള ശ്രമം തുടരുകയാണെന്ന് പോലീസ് പറഞ്ഞു.
ദിനേശ് സഹാനി എന്നയാളാണ് അറസ്‌റ്റിലായത്. കഴിഞ്ഞ വെള്ളിയാഴ്‌ച ചൗഹാരി പോലീസ് സ്‌റ്റേഷൻ പരിധിയിലാണ് കൊലപാതകം നടന്നത്. വീട്ടിലേക്ക് എത്തുന്നതിനിടെ ഛോട്ടേലാൽ സഹാനിയും മകനും ദിനേശ് സഹാനിയുടെ വീടിന് സമീപത്തായി വെച്ചിരുന്ന കുടത്തിൽ നിന്നും വെള്ളം ഗ്ലാസിലെടുത്ത് കുടിച്ചു.
സഹാനിയും മകനും വെള്ളം കുടിക്കുന്നത് ശ്രദ്ധയിപ്പെട്ട ദിനേശ് സഹാനി മകനും ചേർന്ന് ഇവരെ ചോദ്യം ചെയ്യുകയും ക്രൂരമായി മർദ്ദിക്കുകയും ചെയ്‌തു. വടി ഉപയോഗിച്ചായിരുന്നു ആക്രമണം. ബഹളം കേട്ട് ഓടിക്കൂടിയ സമീപവാസികൾ പ്രശ്‌നത്തിൽ ഇടപെടുകയും സഹാനിയെയും മകനെയും മർദ്ദനത്തിൽ നിന്ന് രക്ഷിക്കുകയും വീട്ടിലേക്ക് പറഞ്ഞയക്കാൻ ശ്രമിച്ചു. എന്നാൽ അവശനായതോടെ നടക്കാൻ കഴിയാതെ വന്നതോടെ ഛോട്ടേലാലിനെ നാട്ടുകാർ വീട്ടിലെത്തി. ആരോഗനില കൂടുതൽ ഗുരുതരമായതോടെ ബെഗുസരായിലെ ആശുപത്രിയിലേക്ക് ഛോട്ടേലിനെ ഭാര്യ എത്തിച്ചു. ഇവിടെ നിന്നും പാട്‌ന മെഡിക്കൽ കോളേജ് ആശുപത്രിയിലേക്ക് മാറ്റിയെങ്കിലും വൈകാതെ മരണം സംഭവിച്ചു.
സാമ്പത്തികമായി പിന്നോക്കം നിൽക്കുന്ന ഛോട്ടേലാൽ സഹാനിയുടെ ചികിത്സയുടെ ചെലവുകൾ നാട്ടുകാരാണ് വഹിച്ചത്. മൃതദേഹം സംസ്‌കരിച്ചത് നാട്ടുകാരുടെ ഇടപെടൽ മൂലമാണ്. കേസിലെ മറ്റൊരു പ്രതിയായ ദീപക് സഹാനിക്കായി തെരച്ചിൽ തുടരുകയാണെന്ന് ചൗഹാരി പോലീസ് വ്യക്തമാക്കി.
“ആ ഗട്ട്‌സ്” മുഖ്യമന്ത്രി കാണിക്കുമോ? പിന്തുണക്കുമെന്ന് കെ മുരളീധരന്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : physically challenged man killed for just a glass of water in bihar’s begusarai
Malayalam News from malayalam.samayam.com, TIL Network
Podcast: Play in new window | Download