വർക്കൗട്ട് സെഷന് ശേഷം എന്ത് കഴിക്കണം?

വ്യായാമത്തിന് ശേഷം നാം കഴിക്കുന്ന ഭക്ഷണങ്ങൾ ഏതായാലും അത് ഏറ്റവും പ്രധാനപ്പെട്ടതാണെന്ന് നമുക്കറിയാം. വർക്കൗട്ടുകൾ മാത്രം എപ്പോഴും കഠിനമായി ചെയ്തത് കൊണ്ട് മാത്രം കാര്യമായില്ല. അതോടൊപ്പം ആവശ്യമായ പോഷകാഹാരങ്ങൾ ശരീരത്തിന് നൽകിയെങ്കിൽ മാത്രമേ ഇത് പേശികളുടെ വളർച്ചയ്ക്കും ആരോഗ്യത്തിനും വഴിയൊരുക്കുകയുള്ളൂ. ആരോഗ്യകരമായ പോഷകങ്ങൾ അനവധി അടങ്ങിയ ഭക്ഷണങ്ങൾ കൃത്യമായ ഇടവേളകളിൽ കഴിക്കുന്നതാണ് നമ്മുടെ ശാരീരിക ആരോഗ്യ കാര്യത്തിൽ ഏറ്റവും മികച്ച ഗുണങ്ങളെ നൽകുന്നത്. ഓരോ തവണ നിങ്ങൾ ശരീരപേശികൾ ഉപയോഗിച്ച് വ്യായാമത്തിൽ ഏർപ്പെടുമ്പോഴും നിങ്ങളുടെ ശരീരത്തിൽ നിന്ന് ഊർജ്ജവും പേശികളുടെ കരുത്തും ചോർന്നു പോകുന്നുണ്ട്. അതുകൊണ്ടുതന്നെ ശരീരത്തിൻ്റെ ഊർജ്ജവും പേശികളുടെ ബലവും വീണ്ടെടുക്കുന്നതിനായി ഇത് കഴിഞ്ഞ് കഴിക്കുന്ന ഭക്ഷണങ്ങൾ നിർണായക പങ്കുവഹിക്കുന്നുണ്ട്.

വ്യായാമത്തിന് ശേഷം നിങ്ങൾ കഴിക്കുന്നതെന്തും ശരീരം വേഗത്തിൽ ആഗിരണം ചെയ്തെടുത്ത് പേശികൾക്ക് ആവശ്യമായത് നൽകും. ഉചിതമായ അളവിലുള്ള പോഷകാഹാരങ്ങൾ നിങ്ങളുടെ ശരീരത്തിൻറെ സ്വാഭാവിക പുനസ്ഥാപിക്കൽ ഘട്ടത്തെ വേഗത്തിലാക്കുകയും അടുത്ത ദിവസം അതേ വ്യായാമങ്ങൾ ചെയ്യുമ്പോളുള്ള പേശികളുടെ വേദനയുടെ കാഠിന്യം കുറയ്ക്കുകയും ചെയ്യും. അതുകൊണ്ടുതന്നെ നിങ്ങളുടെ വർക്കൗട്ട് കഴിഞ്ഞ് കഴിക്കുന്ന ഭക്ഷണങ്ങളിൽ എപ്പോഴും ശ്രദ്ധാലുവായിരിക്കുണം. പലരും ജിമ്മിൽ പോയി കഠിനമായ വ്യായാമങ്ങളും മറ്റും ചെയ്ത ശേഷം പ്രോട്ടീൻ ബാറുകളെയും ഷെയ്ക്കുകളെയും മാത്രമാണ് കഴിക്കാൻ ആശ്രയിക്കുന്നത്. ഇത് നിങ്ങളുടെ ശരീരത്തിന് അനുബന്ധമായ ഒരു മാർഗ്ഗമല്ല. ചില ഇനം ഭക്ഷണങ്ങളിൽ മാത്രം സ്വയം പരിമിതപ്പെടുത്തുന്നത് ശരീരത്തിന് ദോഷം വരുത്തിവയ്ക്കും. പകരം ജീവിതശൈലിയും ശരീരവും ആരോഗ്യകരമാക്കി മാറ്റുന്നതിന് വൈവിധ്യമാർന്ന ഭക്ഷണങ്ങൾ ഉൾപ്പെടുത്തണം. ഇതിനു സഹായകമായ ചില ഭക്ഷണങ്ങൾ ഏതൊക്കെയാണ് എന്ന് നോക്കാം.

സ്കിപ്പിംഗ് വെറുമൊരു വ്യായാമം മാത്രമല്ല; ഇത് വഴി കിട്ടും പല ഗുണങ്ങളും
മുട്ട

ശാരീരിക വ്യായാമത്തിനു ശേഷം കഴിക്കാൻ ഏറ്റവും നല്ലത് പ്രോട്ടീൻ പോഷകങ്ങൾ കൂടുതൽ അടങ്ങിയ ഭക്ഷണങ്ങൾ ആണ്. പ്രോട്ടീൻ ഏറ്റവും കൂടുതൽ അടങ്ങിയിരിക്കുന്ന ഭക്ഷ്യ വിഭവങ്ങളിലൊന്നാണ് മുട്ട. പ്രോട്ടീനുകൾ നിങ്ങളുടെ പേശികളിലെ നഷ്ടപ്പെട്ട കരുത്ത് വേഗത്തിൽ തിരികെ കൊണ്ടുവരും. നിങ്ങളുടെ വ്യായാമത്തിന് ശേഷം കുറഞ്ഞത് മൂന്ന് മുട്ടകൾ വരെ കഴിക്കുക. പേശികളുടെ വീണ്ടെടുക്കൽ പ്രക്രിയ ത്വരിതപ്പെടുത്താൻ ഇതുവഴി നിങ്ങൾക്ക് കഴിയും. മുട്ടകളിൽ പ്രോട്ടീൻ കൂടാതെ വിറ്റാമിൻ എ, ഡി, ഇ, ബി 12, ബി 6, കെ തുടങ്ങിയ വിറ്റാമിനുകളും നിറഞ്ഞിരിക്കുന്നു. ഇതും നിങ്ങളുടെ ഫിറ്റ്നസ് യാത്രയിൽ ഏറ്റവും ഗുണം ചെയ്യുന്നതാണ്.

കോട്ടേജ് ചീസ് / പനീർ

ഇതിൽ രണ്ട് തരം പ്രോട്ടീനുകൾ അടങ്ങിയിരിക്കുന്നു. – വേ പ്രോട്ടീൻ, കെയ്സിൻ എന്നിവയാണ് അവ രണ്ടും. വ്യായാമത്തിന് ശേഷം പേശി ബലം വേഗത്തിൽ തിരികെ കൊണ്ടുവരുന്നതിനുള്ള കഴിവുകൾക്ക് പ്രസിദ്ധമാണ് ഇതിൽ ആദ്യത്തേത്. മറുവശത്ത്, നിങ്ങൾ ഉറങ്ങുമ്പോൾ പോലും ശരീരത്തിൻ്റെ വീണ്ടെടുക്കൽ ഉറപ്പാക്കുന്ന സാവധാനത്തിൽ പ്രവർത്തിക്കുന്ന പ്രോട്ടീനാണ് രണ്ടാമത്തേത്. അത്തരം പോഷകഗുണങ്ങൾ രണ്ടും അടങ്ങിയ കോട്ടേജ് ചീസ് ഒരു മികച്ച പ്രീ അല്ലെങ്കിൽ പോസ്റ്റ് വർക്കൗട്ട് ലഘുഭക്ഷണമായി കണക്കാക്കപ്പെടുന്നു. നിങ്ങളുടെ ഭക്ഷണം രുചികരമാക്കാൻ നിങ്ങൾക്ക് ഇത് ധാന്യങ്ങളോടൊപ്പം ചേർത്ത് അല്ലെങ്കിൽ ടോസ്റ്റുമായോ വറുത്ത പച്ചക്കറികളുമായോ ഒക്കെ ചേർത്ത് കഴിക്കാം

സാൽമൺ

ജിമ്മിൽ പോകുന്ന ആളുകളുടെ പ്രിയ ഭക്ഷണമാണ് സാൽമൺ ഫിഷ്. പ്രോട്ടീൻ്റെ ഉയർന്ന ഉറവിടമായ ഈ മത്സ്യം സാൽമൺ ഒമേഗ -3 ഫാറ്റി ആസിഡുകൾ, പ്രോട്ടീൻ, വിറ്റാമിൻ ബി, പൊട്ടാസ്യം, സെലിനിയം എന്നിവയുടെ സ്രോതസ്സു കൂടിയാണ്. ഇതിൽ അടങ്ങിയിരിക്കുന്ന ഒമേഗ -3 ശരീരത്തിലെ വീക്കം കുറയ്ക്കുകയും കൂടാതെ, വ്യായാമത്തിലൂടെ നഷ്ടപ്പെട്ട ഇലക്ട്രോലൈറ്റുകളെ മാറ്റിസ്ഥാപിക്കാൻ സഹായിക്കുകയും ചെയ്യുന്നു. ഇതിലെ സമ്പന്നമായ പൊട്ടാസ്യം ഉള്ളടക്കം വ്യായാമത്തിന് ശേഷം പേശികൾ നന്നാക്കാനും പുനർനിർമ്മിക്കാനും സഹായിക്കുന്നു. പ്രോട്ടീന്റെ മികച്ച ഉറവിടമായ സാൽമൺ നിങ്ങളുടെ വർക്കൗട്ട് സെഷന് ശേഷം കഴിക്കാനുള്ള ഭക്ഷണങ്ങളിലെ ഒരു മികച്ച തിരഞ്ഞെടുപ്പാണ്.

നട്ട്സ്

ബദാം, അണ്ടിപ്പരിപ്പ്, വാൽനട്ട് തുടങ്ങിയവ ഉൾപ്പെടുന്ന നട്സുകൾ അവശ്യ പോഷകങ്ങളും മൈക്രോ ന്യൂട്രിയന്റുകളും കൊണ്ട് നിറഞ്ഞിരിക്കുന്നവയാണ്. അതുകൊണ്ടുതന്നെ വ്യായാമത്തിന് ശേഷമുള്ള സമയങ്ങളിൽ കഴിക്കാൻ ഉത്തമമായതാണ് ഇവയൊക്കെ. നട്സുകൾ നിങ്ങളുടെ ശരീരത്തിന് ആവശ്യമായ പ്രോട്ടീനുകളും ഫൈബറും ആരോഗ്യകരമായ കൊഴുപ്പുകളുമെല്ലാം നൽകും. നിങ്ങളുടെ വ്യായാമത്തിന് ശേഷം രുചികരമായ ഷെയ്ക്കുകളും മറ്റും ഉണ്ടാക്കാൻ ഉണ്ടാക്കാൻ നിങ്ങൾക്ക് മത്തങ്ങ, സൂര്യകാന്തി അല്ലെങ്കിൽ ചിയ പോലുള്ള വിത്തുകൾ ചേർക്കാം.
നിങ്ങളുടെ ഇരിപ്പും നിൽപ്പും നടപ്പും ശരിയാണോ?
ക്വിനോവ

ക്വിനോവ എന്ന ധാന്യ ഭക്ഷണം വർക്കൗട്ട് പ്രിയർക്ക് വേണ്ടിയുള്ളതാണ്. വ്യായാമത്തിന് ശേഷം ശരീരത്തിന് ആവശ്യകമായ രണ്ട് ഘടകങ്ങളായ കാർബോഹൈഡ്രേറ്റുകളും പ്രോട്ടീനുകളും കൊണ്ട് നിറഞ്ഞിരിക്കുന്നു ക്വിനോവ. ഈ ധാന്യം പ്രോട്ടീന്റെ ഒരു സസ്യ അധിഷ്ഠിത സ്രോതസ്സാണ്. ഉയർന്ന പോഷകഗുണങ്ങൾ ഈ ധാന്യത്തിൽ അടങ്ങിയിട്ടുണ്ട്. കൂടാതെ ഇതിൻറെ ഏറ്റവും വലിയ പ്രത്യേകത ഗ്ലൂട്ടൻ രഹിതവുമാണ് എന്നതാണ്. കുറഞ്ഞ ഗ്ലൈസെമിക് സൂചിക ഉള്ളതിനാൽ പ്രമേഹമുള്ളവർക്ക് ഇത് ഏറ്റവും അനുയോജ്യമാണ്. ക്വിനോവയിൽ ഉയർന്ന ഫൈബർ ഘടകങ്ങൾ അടങ്ങിയിട്ടുണ്ട്, ഇത് ആരോഗ്യകരമായ ശരീരഭാരം നിലനിർത്തുന്നതിന് അനുയോജ്യമായ ഒരു ഭക്ഷണം കൂടിയാണ്. നിങ്ങൾ കഴിക്കുന്ന മറ്റേതൊരു ഭക്ഷണത്തിൽ നിന്നും അതിലടങ്ങിയിരിക്കുന്ന പ്രോട്ടീൻ ഘടകങ്ങളെ ശരീരത്തിന് കൂടുതലായി നൽകാനും ഇത് സഹായിക്കും. നിങ്ങൾക്ക് ഇത് മത്സ്യം, ചിക്കൻ, പഴങ്ങൾ അല്ലെങ്കിൽ പച്ചക്കറികൾക്കൊപ്പം ചേർത്ത് കഴിക്കാം.

വാഴപ്പഴം

വാഴപ്പഴത്തിൽ ഉയർന്ന അളവിൽ ഫൈബറും കുറഞ്ഞ കലോറിയും അടങ്ങിയിരിക്കുന്നു. ഇത് നല്ല കാർബോഹൈഡ്രേറ്റുകളുടെ ഉറവിടമാണ്. ഇത് കഴിച്ചശേഷം വർക്കൗട്ടുകൾ ചെയ്യുന്നത് നിങ്ങളുടെ കഠിനമായ വ്യായാമ സെഷനുകൾ അനായാസം മുന്നോട്ടുകൊണ്ടു പോകാൻ ആവശ്യമായ ഊർജ്ജം നൽകാൻ സഹായം ചെയ്യും. കഴിയുന്നതും വർക്ക്ഔട്ടിന് മുൻപ് പഴങ്ങൾ കഴിക്കുന്നതാണ് കൂടുതൽ നല്ലത്. വർക്കൗട്ടുകൾ കഴിഞ്ഞ ശേഷം പഴം അധികം കഴിക്കാൻ ശുപാർശ ചെയ്യപ്പെടുന്നില്ല.

പതിവായി വീട്ടിൽ തന്നെ വ്യായാമവും ജിമ്മിൽ വർക്ക്ഔട്ടുകളും ഒക്കെ ചെയ്യുന്നതിന് കഠിനമായ പരിശ്രമവും ദൃഢനിശ്ചയവും ഒക്കെ ആവശ്യമാണ്. നിങ്ങൾ ചെയ്ത ചെയ്ത വർക്കൗട്ടുകൾ ഫലം നഷ്ടപ്പെട്ടതായി മാറാതിരിക്കാൻ ആയി ചില കാര്യങ്ങൾ എപ്പോഴും ശ്രദ്ധിച്ചേ പറ്റൂ.
നിങ്ങളുടെ ഫിറ്റ്നസ് യാത്രയിൽ തടസ്സങ്ങൾ സൃഷ്ടിച്ചേക്കാൻ സാധ്യതയുള്ളത് മധുരപലഹാരങ്ങളും സംസ്കരിച്ചതും, പാക്കേജു ചെയ്തതുമായ ഭക്ഷണങ്ങളാണ്. പ്രോട്ടീൻ ബാറുകൾ അടക്കമുള്ളവ പലപ്പോഴും കൃത്രിമ ചേരുവകൾ ഉപയോഗിച്ച് തയ്യാറാക്കുന്നവയാണ്. അതുകൊണ്ടുതന്നെ കഴിവതും ഇവ ഒഴിവാക്കി പ്രകൃതിദത്തമായ രീതികൾ തന്നെ പിന്തുടരുക. നിങ്ങളുടെ വർക്കൗട്ടുകളിക്കിടയിലും അതിനു ശേഷവും ഒക്കെ സോഡ അല്ലെങ്കിൽ മധുരം കൂടുതൽ ഉള്ളതോ ആയ എനർജി ഡ്രിങ്കുകൾ കുടിക്കുന്നത് ഒഴിവാക്കണം. ഇതിനു പകരം ഏറ്റവും നല്ലത് ശുദ്ധമായ കുടിവെള്ളമോ തേങ്ങവെള്ളമോ ആണ്. ശരീരത്തിൽ അധികമായി പഞ്ചസാരയോ രാസവസ്തുക്കളോ ചേർക്കാതെ ഹൈഡ്രേറ്റ് ചെയ്യാൻ ഈ രണ്ടു പാനീയങ്ങളും നിങ്ങളെ സഹായിക്കുന്നു.