Jibin George | Samayam Malayalam | Updated: 06 Jun 2021, 11:38:00 AM
ലക്ഷക്കണക്കിന് രൂപയുടെ ദുരിതാശ്വാസ സാമഗ്രികൾ മോഷ്‌ടിച്ചുവെന്ന പരാതിയിലാണ് സുവേന്ദു അധികാരിക്കും സഹോദരൻ സൗമേന്ദു അധികാരിക്കുമെതിരെ പോലീസ് കേസ് രജിസ്‌റ്റർ ചെയ്‌തിരിക്കുന്നത്
സുവേന്ദു അധികാരി. Photo: TOI
ഹൈലൈറ്റ്:
- സുവേന്ദു അധികാരിക്കും സഹോദരനുമെതിരെ കേസ്.
- ദുരിതാശ്വാസ സാമഗ്രികൾ മോഷ്‌ടിച്ചെന്ന് പരാതി.
- പ്രതികരിക്കാതെ സുവേന്ദു അധികാരി.
കൊൽക്കത്ത: പശ്ചിമ ബംഗാൾ പ്രതിപക്ഷ നേതാവ് സുവേന്ദു അധികാരിക്കും സഹോദരൻ സൗമേന്ദു അധികാരിക്കുമെതിരെ പോലീസ് കേസ്. ലക്ഷക്കണക്കിന് രൂപയുടെ ദുരിതാശ്വാസ സാമഗ്രികൾ മോഷ്‌ടിച്ചുവെന്ന് ചൂണ്ടിക്കാട്ടിയാണ് കാന്തി പോലീസ് കേസ് രജിസ്‌റ്റർ ചെയ്‌തത്.
കാന്തി മുൻസിപ്പൽ അഡ്‌മിനിസ്ട്രേറ്റീവ് ബോർഡ് അംഗം രത്നദീപ് മന്നയുടെ പരാതിയിലാണ് അന്വേഷണം. പോലീസ് നടപടിയിൽ സുവേന്ദു ഇതുവരെ പ്രതികരണം നടത്തിയിട്ടില്ല.
മെയ് 12നാണ് ലക്ഷക്കണക്കിന് രൂപയുടെ മോഷണം നടന്നതെന്നാണ് പരാതിയിൽ പറയുന്നത്. സുവേന്ദു അധികാരിയുടെയും സൗമേന്ദു അധികാരിയുടെയും നിർദേശപ്രകാരം മുൻസിപ്പാലിറ്റി ഓഫീസ് ഗോഡൗണിൽ നിന്ന് മോഷണം നടക്കുകയായിരുന്നു. ലക്ഷക്കണക്കിന് രൂപയുടെ വസ്‌തുക്കളാണ് കടത്തിക്കൊണ്ട് പോയതെന്നും പരാതിയിൽ വ്യക്തമാക്കുന്നു.
മോഷണം വേഗത്തിലാക്കാൻ കേന്ദ്ര സേനയെ ഉപയോഗിച്ചതായും പരാതിയിൽ ഉന്നയിച്ചിട്ടുണ്ട്. ദുരിതാശ്വാസ സാമഗ്രികൾ തൃണമൂൽ കോൺഗ്രസ് നേതാക്കൾ കടത്തിക്കൊണ്ട് പോകുന്നുവെന്ന ബിജെപിയുടെ ആരോപണം ശക്തമായിരുന്നു. ഇതിനിടെയാണ് പുതിയ പരാതിയിൽ പോലീസ് കേസെടുത്തത്. ജലവിഭവ വകുപ്പിൽ ജോലി വാഗ്‌ദാനം ചെയ്‌ത് 2019ൽ പണം വാങ്ങിയ സംഭവത്തിൽ സുവേന്ദു അധികാരിയുടെ അടുത്ത അനുയായി രഖാൽ ബേറ അറസ്‌റ്റിലായ ദിവസം തന്നെയാണ് സുവേന്ദു അധികാരിക്കും സഹോദരൻ സൗമേന്ദു അധികാരിക്കുമെതിരെ പോലീസ് കേസെടുത്തത്.
“ആ ഗട്ട്‌സ്” മുഖ്യമന്ത്രി കാണിക്കുമോ? പിന്തുണക്കുമെന്ന് കെ മുരളീധരന്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : fir has been filed against the bjp leader suvendu adhikari and his brother soumendu adhikari
Malayalam News from malayalam.samayam.com, TIL Network
Podcast: Play in new window | Download