കുട്ടികളെ നിർബന്ധിച്ച് മദ്യം കുടിപ്പിച്ചു; കർണാടകയിൽ രണ്ട് പേർ അറസ്റ്റിൽ

കുട്ടികളെ-നിർബന്ധിച്ച്-മദ്യം-കുടിപ്പിച്ചു;-കർണാടകയിൽ-രണ്ട്-പേർ-അറസ്റ്റിൽ

Edited by

Samayam Malayalam | Updated: 08 Jun 2021, 04:16:00 PM

കുട്ടികള്‍ക്കായി പ്രതികള്‍ സംഘടിപ്പിച്ച ചിക്കൻ ബിരിയാണി പാര്‍ട്ടിയ്ക്കിടെയായിരുന്നു സംഭവം. കുട്ടികള്‍ക്ക് ഭക്ഷണം നല്‍കിയ ശേഷം മദ്യപിക്കാൻ നിര്‍ബന്ധിക്കുകയായിരുന്നുവെന്നാണ് റിപ്പോര്‍ട്ടിൽ പറയുന്നത്.

liquor1

പ്രതീകാത്മക ചിത്രം Photo: The Times of India/File

ഹൈലൈറ്റ്:

  • സംഭവം കര്‍ണാടകയിൽ
  • ഏഴു കുട്ടികള്‍ക്കെതിരെ അതിക്രമം
  • രണ്ട് പേര്‍ അറസ്റ്റിൽ

ബെംഗളൂരു: കര്‍ണാടകയിൽ കുട്ടികളെ നിര്‍ബന്ധിച്ച് മദ്യം കുടിപ്പിച്ച് അവശനിലയിലാക്കിയതായി കേസ്. സംഭവത്തിൽ രണ്ട് പേരെ അറസ്റ്റ് ചെയ്തെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്തത്. സോഷ്യൽ മീഡിയയിൽ പ്രചരിച്ച ദൃശ്യങ്ങള്‍ വഴിയാണ് സംഭവം പുറംലോകമറിഞ്ഞത്.

Also Read: സംസ്ഥാനങ്ങൾക്ക് സൗജന്യമായി വാക്സിൻ; വാക്സിനേഷൻ നയത്തിലെ പുതുക്കിയ മാർഗരേഖ കേന്ദ്രം പുറത്തിറക്കി

ഏഴു കുട്ടികളെയാണ് നിര്‍ബന്ധിച്ച് മദ്യം കുടിപ്പിച്ചതെന്നാണ് ടൈംസ് നൗ റിപ്പോര്‍ട്ടിൽ പറയുന്നത്. കര്‍ണാടകയിലെ രാമനഗര ജില്ലയിലെ കൊടിഹള്ളിയിലായിരുന്നു സംഭവം. ഒരു പാര്‍ട്ടിയ്ക്കിടെയാണ് ചിലര്‍ കുട്ടികള്‍ക്കും മദ്യം നല്‍കിയത്. തുടര്‍ന്ന് മദ്യപിച്ചു ബോധം നശിച്ച കുട്ടികളുടെ ദൃശ്യങ്ങള്‍ പ്രതികള്‍ പകര്‍ത്തുകയായിരുന്നു. മദ്യപിച്ച ശേഷം കുട്ടികള്‍ അവ്യക്തമായി സംസാരിക്കുന്നതും വീഡിയോയിൽ കേള്‍ക്കാമായിരുന്നു. എന്നാൽ ഈ വീഡിയോ സമൂഹമാധ്യമങ്ങളിൽ വൈറലായതോടെ പ്രതികള്‍ക്കെതിരെ നടപടിയെടുക്കണമെന്ന ആവശ്യം ശക്തമായി.

Also Read:
കൂറ്റൻ മണൽത്തിട്ട ഉയർന്നു വരുന്നു; കൊച്ചി തീരത്ത് പുതിയ ദ്വീപ്?

ഗിരീഷ്, കരിയപ്പ എന്നിവരാണ് പ്രതികള്‍ എന്നാണ് റിപ്പോര്‍ട്ടിൽ പറയുന്നത്. കുട്ടികള്‍ക്കായി ചിക്കൻ ബിരിയാണി പാര്‍ട്ടി സംഘടിപ്പിച്ചത് ഇവരാണെന്നും റിപ്പോര്‍ട്ടിൽ പറയുന്നു. ഭക്ഷണം കഴിച്ച ശേഷം കുട്ടികളെ മദ്യപിക്കാനായി പ്രതികള്‍ നിര്‍ബന്ധിക്കുകയായിരുന്നു. ഇതിനു ശേഷം പ്രതികള്‍ തന്നെ ദൃശ്യങ്ങളും പകര്‍ത്തി. പ്രതികള്‍ രണ്ടു പേരെയും പോലീസ് അറസ്റ്റ് ചെയ്തിട്ടുണ്ട്.

രാജ്യത്ത് കൊവിഡ് വൈറസിന്‍റെ പുതിയ വകഭേദം കണ്ടെത്തി

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : two arrested in karnataka after video of drunk children in party gone viral in social media
Malayalam News from malayalam.samayam.com, TIL Network

Exit mobile version