ഇഞ്ചിപ്പുല്ല് ചായ കുടിച്ചോളൂ, പല രോഗങ്ങളെയും തുരത്താം

ധാരാളം ഔഷധ ഗുണങ്ങളുള്ള ഒരു സസ്യമാണ് ലമൺഗ്രസ്സ് എന്ന പേരിലും അറിയപ്പെടുന്ന ഇഞ്ചിപ്പുല്ല്. അരോമാറ്റിക് ഓയിൽ വിഭാഗത്തിൽ പെരുന്ന ചെടിയാണിത്. അതുകൊണ്ട് തന്നെ പല സുഗന്ധ ദ്രവ്യങ്ങളും തയ്യാറാക്കാൻ ഇത് ഉപയോഗിക്കുന്നു. പല തരത്തിലുള്ള ഔഷധങ്ങൾ തയ്യാറാക്കാനും ഇഞ്ചിപ്പുല്ല് ഉപയോഗിക്കാറുണ്ട്. കൂടാതെ ഭക്ഷണ പാനീയങ്ങളിലും ഇഞ്ചിപ്പുല്ല് ചേർക്കാം. ആരോഗ്യ ഗുണങ്ങളുടെ കാര്യം വരുമ്പോൾ ഇഞ്ചിപ്പുല്ല് ചേർത്ത ചായയെ കുറിച്ച് പറയാതിരിക്കാൻ വയ്യ.

മെറ്റബോളിസം വർധിപ്പിക്കാനും ദഹനപ്രക്രിയ എളുപ്പത്തിലാക്കാനും ഇഞ്ചിപ്പുല്ല് ചേർത്ത ചായ സഹായിക്കും. കൂടാതെ ഇത് ഉത്കണ്ഠയും സമ്മർദ്ദവും കുറയ്ക്കുകയും കോശങ്ങളെ കേടുപാടുകളിൽ നിന്ന് സംരക്ഷിക്കുകയും ഹൃദ്രോഗ സാധ്യത കുറയ്ക്കുകയും ശരീര ഭാരം നിയന്ത്രിക്കുകയും ചെയ്യുന്നു.

ഇഞ്ചിപ്പുല്ല് ചായ തയ്യാറാക്കുവാൻ, ഇഞ്ചിപ്പുല്ല് പൊടി ചൂടുവെള്ളത്തിൽ ചേർത്ത് 5 മുതൽ 10 മിനിറ്റ് വരെ തിളപ്പിക്കുക. അത് കഴിഞ്ഞ് നിങ്ങൾക്ക് ചായ അരിച്ചെടുത്ത് കുടിക്കാം. ഇഞ്ചിപ്പുല്ല് ചായ നൽകുന്ന ഗുണങ്ങൾ.

1. ആന്റിഓക്സിഡന്റ് – ആന്റിമൈക്രോബയൽ ഗുണങ്ങൾ

ജേർണൽ ഓഫ് അഗ്രികൾച്ചർ ആൻഡ് ഫുഡ് കെമിസ്ട്രി നടത്തിയ ഒരു പഠനമനുസരിച്ച്, ഇഞ്ചിപ്പുല്ലിൽ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് രോഗമുണ്ടാക്കുന്ന ഫ്രീ റാഡിക്കലുകളെ ചെറുക്കാനും പ്രതിരോധശേഷി വർദ്ധിപ്പിക്കാനും സമ്മർദ്ദം കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും.

ഈ ചായയുടെ ആന്റിമൈക്രോബയൽ ഗുണങ്ങൾ ബാക്ടീരിയയെ അകറ്റുന്നു, അതുവഴി പല്ല് നശിക്കുന്നത് തടയുകയും വായയുടെയും പല്ലിന്റെയും ആരോഗ്യം വർദ്ധിപ്പിക്കുകയും ചെയ്യുന്നു.
Cinnamon Tea: തടി കുറയ്ക്കാൻ കറുവപ്പട്ട ചായ ഈ രീതിയിൽ കുടിക്കണം
2. വീക്കം കുറയ്ക്കാൻ സഹായിക്കുന്നു

ഹൃദയ, ശ്വാസകോശ സംബന്ധമായ അസുഖങ്ങൾ, മുറിവ് തുടങ്ങിയ പ്രശ്നങ്ങളുടെ വികാസവുമായി വീക്കം ബന്ധപ്പെട്ടിരിക്കുന്നു. ഇഞ്ചിപ്പുല്ലിൽ അടങ്ങിയ രണ്ട് പ്രധാന സംയുക്തങ്ങളായ സിട്രൽ, ജെറേനിയൽ എന്നിവ ഇതിന് വീക്കം തടയുന്ന ആന്റി ഇൻഫ്ലമേറ്ററി ഗുണങ്ങൾ നൽകുന്നു.

അതിനാൽ, ഈ ചായ നിങ്ങളുടെ ദിനചര്യയിൽ ചേർക്കുന്നത് ഗുരുതരമായ ആരോഗ്യപ്രശ്നങ്ങൾ ഉണ്ടാകുന്നത് തടയാനും അണുബാധകൾക്കെതിരെ പോരാടാനും മുറിവുകളിൽ നിന്നും വീക്കത്തിൽ നിന്നും ആശ്വാസം നൽകാനും സഹായിക്കും.

3. ദഹനത്തെ സഹായിക്കുന്നു

ദഹനക്കേട് മൂലം ബുദ്ധിമുട്ടുകയാണോ? ഇനി വിഷമിക്കേണ്ട, ചെറുചൂടുള്ള ഇഞ്ചിപ്പുല്ല് ചായ മലബന്ധം ഒഴിവാക്കാനും വയറുവേദനയിൽ നിന്ന് മോചനം നേടാനും നിങ്ങളെ സഹായിക്കും. ആമാശയത്തിലെ അൾസർ കൈകാര്യം ചെയ്യുന്നതിനും ദഹനം സുഗമമാക്കുന്ന മലവിസർജ്ജനം മെച്ചപ്പെടുത്തുന്നതിനും ഈ ചായ ഉപകരിക്കുന്നു.

ഇത് ആസിഡ് റിഫ്ലക്സ് സന്തുലിതമാക്കുകയും പിഎച്ച് അളവ് നിലനിർത്തുകയും ആമാശയത്തിലെ പാളിയെ കേടുപാടുകളിൽ നിന്ന് സംരക്ഷിക്കുകയും ചെയ്യുന്നു.

അതിനാൽ, ചെറുചൂടുള്ളതും സുഖപ്രദവുമായ ഒരു കപ്പ് ലെമൺഗ്രാസ് ടീ അഥവാ ഇഞ്ചിപ്പുല്ല് ചായ പതിവായി കുടിക്കുക, അതിന്റെ ആരോഗ്യ ഗുണങ്ങൾ ആസ്വദിക്കുക.