അഴുക്കുചാൽ വൃത്തിയാക്കിയില്ല; കരാറുകാരന്‍റെ ശരീരത്ത്​ മാലിന്യമിട്ട്​ എംഎൽഎ, വീഡിയോ

മുംബൈ: അഴുക്കുചാൽ വൃത്തിയാക്കാത്തതിനെ തുടർന്ന് മഹാരാഷ്‌ട്രയിൽ ശിവസേന എംഎൽഎ കരാറുകാരൻ്റെ തലയിലും ശരീരത്തും മാലിന്യമിട്ടു. ചാന്ദിവാലി നിയമസഭാ മണ്ഡലത്തിൽ നിന്നുള്ള ജനപ്രതിനിധിയായ ദിലീപ് ലാൻഡെയും പ്രവർത്തകരും ചേർന്നാണ് നഗരമധ്യത്തിൽ അതിക്രമം നടത്തിയതെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്‌തു.

കടകളും മാളുകളും തുറക്കാം; ലോക്ക് ഡൗൺ നിയന്ത്രണങ്ങളിൽ ഇളവുകളുമായി ഡൽഹി
ശനിയാഴ്‌ച നടന്ന സംഭവത്തിൻ്റെ ദൃശ്യങ്ങളും വാർത്തകളും ഇന്ന് പുറത്തുവന്നതോടെയാണ് എംഎൽഎയുടെ നടപടി വിവാദത്തിലായത്. കഴിഞ്ഞ ദിവസങ്ങൾ മഴ ശക്തമായതോടെ നഗരത്തിൽ വെള്ളക്കെട്ട് രൂക്ഷമായി. ഇതോടെ മാലിന്യം റോഡിൽ നിറയുകയും തുടർന്ന് അഴക്കുചാൽ അടയുകയും ചെയ്‌തു. ഇതോടെ കരാറുകാരനെ സംഭവസ്ഥലത്തേക്ക് വിളിച്ചുവരുത്തി.

സ്ഥലത്തെത്തിയ കരാറുകാരനോട് തർക്കിച്ച എംഎൽഎ ദിലീപ് ലാൻഡെ അദ്ദേഹത്തോട് വെള്ളം നിറഞ്ഞ റോഡിൽ ഇരിക്കാൻ ആവശ്യപ്പെട്ടു. തുടർന്ന് പ്രവർത്തകരോട് റോഡിൽ നിന്നും മാലിന്യമെടുത്ത് കരാറുകാരൻ്റെ ശരീരത്തിലിടാൻ ആവശ്യപ്പെട്ടു. പ്രവർത്തകർ നിർദേശം അനുസരിക്കുകയും ചെയ്‌തു.

ഐഷയ്ക്ക് പിന്തുണ; ലക്ഷദ്വീപ് ബിജെപിയിൽ കൂട്ട രാജി തുടരുന്നു; 15 പേർ പാർട്ടി വിട്ടു
സംഭവം വിവാദമായതോടെ പ്രതികരണവുമായി എംഎൽഎ രംഗത്തുവന്നു. റോഡിൽ വെള്ളക്കെട്ട് രൂക്ഷമായതോടെ ജനങ്ങളുടെ ഭാഗത്ത് നിന്നും എതിർപ്പ് ശക്തമായിരുന്നു. കഴിഞ്ഞ 15 ദിവസമായി കരാറുകാരനെ ബന്ധപ്പെടുകയും മാലിന്യം നീക്കണമെന്ന് ആവശ്യപ്പെടുകയും ചെയ്‌തു. അദ്ദേഹം എത്താത്തതിനെ തുടർന്ന് ശിവസേന പ്രവർത്തകർ രംഗത്തിറങ്ങി റോഡ് വൃത്തിയാക്കി. ഇതിനിടെയാണ് കോൺട്രാക്‌ടർ സ്ഥലത്ത് എത്തിയത്. ഇത് അദ്ദേഹത്തിൻ്റെ ജോലിയാണെന്ന് മനസിലാക്കി നൽകേണ്ടത് ആവശ്യമായിരുന്നു. ജനങ്ങളുടെ പഴി കേൾക്കേണ്ടത് താനാണ്”- എന്നും എംഎൽഎ ദിലീപ് ലാൻഡെ പറഞ്ഞു.