17കാരനെ തട്ടിക്കൊണ്ടു പോയി ലൈംഗികമായി പീഡിപ്പിച്ച 23 കാരി അറസ്‌റ്റിൽ

അഹമ്മദാബാദ്: പ്രായപൂർത്തിയാകാത്ത ആൺകുട്ടിയെ തട്ടിക്കൊണ്ട് പോയി ദിവസങ്ങളോളം ലൈംഗികമായി പീഡിപ്പിച്ച യുവതി അറസ്‌റ്റിൽ. ഗുജറാത്തിലെ അനന്ദ് ജില്ലയിൽ നിന്നുള്ള 17കാരനെയാണ് 23കാരി വീട്ടിൽ പാർപ്പിച്ച് പീഡനത്തിനിരയാക്കിയത്.

രാജസ്ഥാനിൽ പശുക്കടത്ത് ആരോപിച്ച് ഒരാളെ തല്ലിക്കൊന്നു; മൊബൈൽ ഫോണുകൾ മോഷ്‌ടിച്ചു
ആൺകുട്ടിയുടെ മാതാപിതാക്കൾ നൽകിയ പരാതിയിൽ തട്ടിക്കൊണ്ട് പോകലിന് കേസെടുത്ത പോലീസ് യുവതിയെ കസ്‌റ്റഡിയിലെടുക്കുകയും അറസ്‌റ്റ് രേഖപ്പെടുത്തുകയും ചെയ്‌തു. പോക്‌സോ അടക്കമുള്ള വകുപ്പുകളാണ് യുവതിക്കെതിരെ ചുമത്തിയിരിക്കുന്നത്.

മെയ് 25 മുതലാണ് ആൺകുട്ടിയെ കാണാതായത്. മകനെ കാണാനില്ലെന്ന് വ്യക്തമാക്കി മാതാപിതാക്കൾ പോലീസിൽ പരാതി നൽകുകയും ചെയ്‌തു. ദിവസങ്ങൾ നീണ്ട അന്വേഷണത്തിനൊടുവിൽ സൂററ്റിൽ നിന്ന് കുട്ടിയെ പോലീസ് കണ്ടെത്തി. യുവതിക്കൊപ്പം വീട്ടിൽ കഴിയുന്നതിനിടെയാണ് കുട്ടിയെ കണ്ടെത്തിയത്.

കൊല്ലത്ത് വീട്ടമ്മ ഷോക്കേറ്റ് മരിച്ചു; രക്ഷിക്കാനെത്തിയ ഭർത്താവിനും അയൽവാസിക്കും ജീവൻ നഷ്ടമായി
വിവാഹ വാഗ്‌ദാനം നൽകിയാണ് യുവതി കുട്ടിയെ തട്ടിക്കൊണ്ട് പോയതെന്നാണ് റിപ്പോർട്ട്. നിരവധി തവണ കുട്ടി ലൈംഗിക ചൂഷണത്തിന് ഇരയായെന്ന് പോലീസ് വ്യക്തമാക്കി. തട്ടിക്കൊണ്ട് പോകൽ, പ്രായപൂർത്തിയാത്ത കുട്ടിയെ ലൈംഗിക ചൂഷണത്തിന് ഇരയാക്കൽ, ലൈംഗിക അതിക്രമം എന്നീ കുറ്റങ്ങൾ യുവതിക്കെതിരെ പോലീസ് ചുമത്തി.