സിബിഎസ്ഇ മൂല്യനിർണ്ണയം; മാർക്കിൽ തൃപ്തരല്ലാത്ത വിദ്യാർത്ഥികൾക്കുള്ള പരീക്ഷ ഓഗസ്റ്റ് 15 നും സെപ്റ്റംബർ 15 നും ഇടയിൽ

ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് മൂല്യ നിർണ്ണയത്തിൽ തൃപ്തരല്ലാത്ത വിദ്യാർത്ഥികൾക്കായുള്ള പരീക്ഷ ഓഗസ്റ്റ് 15 നും സെപ്റ്റംബർ 15 നും ഇടയിൽ നടക്കും. ഓൺലൈൻ വഴിയാണ് രജിസ്ട്രേഷൻ സംവിധാനം പ്രവർത്തിക്കുക. കൊവിഡ് പ്രതിസന്ധിയെത്തുടർന്ന് സിബിഎസ്ഇ, ഐസിഎസ്സി പന്ത്രണ്ടാം ക്ലാസ് പരീക്ഷകൾ റദ്ദാക്കിയിരുന്നു.

നവജാത ശിശുവിന് 5.2 കിലോഗ്രാം ഭാരം; അസമിലെ ഏറ്റവും ഭാരമുള്ള കുഞ്ഞെന്ന് ഡോക്‌ടർമാർ
പരീക്ഷ റദ്ദാക്കിയ പശ്ചാത്തലത്തിൽ മൂല്യനിർണ്ണയത്തിനായി മൂന്ന് വർഷത്തെ മാർക്കാണ് പരിഗണിക്കുന്നത്. ഈ മാർക്കിൽ തൃപ്തരല്ലാത്ത വിദ്യാർത്ഥികൾക്ക് അവസരം നൽകണമെന്ന് കോടതി നിർദ്ദേശിച്ചിരുന്നു.

പരീക്ഷ റദ്ദാക്കിയ തീരുമാനത്തിൽ മാറ്റമില്ലെന്ന് സുപ്രീംകോടതി ഇന്നും വ്യക്തമാക്കിയിട്ടുണ്ട്. വിദ്യാർത്ഥികളുടെ ഭാവി അനിശ്ചിതത്വത്തിലാക്കാനില്ലെന്ന് കോടതി പറഞ്ഞു. നിലവിലത്തെ മൂല്യ നിർണ്ണയത്തിൽ ക്രമക്കേടിന് സാധ്യതയുണ്ടെന്നു ചൂണ്ടിക്കാട്ടി നിരവധി ഹർജികളാണ് കോടതിക്കു മുന്നിലുള്ളത്. എതിർപ്പുകൾ പരിശോധിക്കാമെന്ന് കോടതി പറഞ്ഞു. എന്നാൽ പരീക്ഷ റദ്ദാക്കിയ തീരുമാനത്തിൽ മാറ്റമില്ലെന്നും കോടതി വ്യക്തമാക്കി.

സുഹൃത്തിന്‍റെ തോളിലിരുന്നു ഡാൻസ്; വിവാഹാഘോഷത്തിനിടെ നടുവും തല്ലി താഴെ വീണ് വരൻ; വീഡിയോ
സിബിഎസ്ഇയുടേയും ഐസിഎസ്സിയുടേയും മൂല്യ നിർണ്ണയത്തെ ഒരുപോലെ കാണരുതെന്ന് കോടതി പറഞ്ഞു. രണ്ട് വ്യത്യസ്ത മാർഗങ്ങളാണ് ഇതിനായി ഉപയോഗിക്കുന്നതെന്നും കോടതി വ്യക്തമാക്കി.