വിവാഹക്ഷണക്കത്തിൽ പേരില്ല; കത്തിക്കുത്തിൽ നാല് പേർക്ക് പരിക്ക്

ഹൈദരാബാദ്: വിവാഹക്ഷണക്കത്തിൽ പേര് ഉൾപ്പെടുത്താത്തതിനെ തുടർന്നുണ്ടായ തർക്കത്തിൽ കുടുംബത്തിലെ അംഗങ്ങൾ തമ്മിൽ കത്തിക്കുത്ത്. കുത്തേറ്റ് പരിക്കേറ്റ നാല് പേരെ ആശുപത്രിയിൽ പ്രവേശിപ്പിച്ചു. തെലങ്കാനയിലെ തുക്കറാംഗതെയിലാണ് സംഭവം. പരിക്കേറ്റവർ അപകടനില തരണം ചെയ്തതായി പോലീസ് പറഞ്ഞു.

എട്ട് വയസുകാരിയെ കഴുത്ത് ഞെരിച്ച് കൊലപ്പെടുത്തി; പീഡനം നടന്നിട്ടില്ലെന്ന് ഡോക്ടർമാർ, അന്വേഷണം ആരംഭിച്ച് പോലീസ്
ജൂൺ 16ന് നടന്ന ഒരു വിവാഹത്തിൻ്റെ ക്ഷണക്കത്തിൽ പേര് ചേർത്തില്ലെന്ന് ആരോപിച്ച് കഴിഞ്ഞ ഞായറാഴ്ചയാണ് ബന്ധുക്കൾ തമ്മിൽ ഏറ്റുമുട്ടിയത്. ക്ഷണക്കത്തിൽ തങ്ങളുടെ മാതാപിതാക്കളുടെ പേരുവിവരങ്ങൾ ചേർത്തില്ലെന്ന് ആരോപിച്ച് സഹോദരങ്ങളായ ശേഖർ (24), സർവേഷ് (20) എന്നിവർ ബന്ധുവായ ബന്ധുവായ യദ്ഗിരി എന്നയാളുമായി തർക്കം ആരംഭിച്ചു.

യദ്ഗിരിയുടെ ഭാര്യ ഇടപ്പെട്ടത് മൂലമാണ് തങ്ങളുടെ മാതാപിതാക്കളുടെ പേര് മാത്രം ക്ഷണക്കത്തിൽ ചേർക്കാതിരുന്നതെന്നായിരുന്നു സഹോദരങ്ങളുടെ ആരോപണം. തർക്കത്തിനിടെ യദ്ഗിരിയുടെ ഭാര്യ മോശം വാക്ക് ഉപയോഗിച്ച് അധിക്ഷേപിച്ചെന്ന് യുവാക്കൾ പറഞ്ഞതായി തുക്കറാംഗതെ ഇൻസ്പെക്ടർ ആർ യെല്ലപ്പ പറഞ്ഞു.

വെങ്ങാനൂരിൽ യുവതി തീകൊളുത്തി മരിച്ചു; ഓടിരക്ഷപെടാൻ ശ്രമിച്ച ഭർത്താവ് പിടിയിൽ
വീട്ടുകാർ തമ്മിലുള്ള പ്രശ്നം പറഞ്ഞവസാനിപ്പിക്കാൻ യദ്ഗിരി ബന്ധുക്കളെയും കൂട്ടി യുവാക്കളുടെ വീട്ടിലെത്തി. തെറ്റിദ്ധാരണകൾ ഉണ്ടെങ്കിൽ സംസാരിച്ച് പ്രശ്നം അവസാനിപ്പിക്കാനാണ് ഇയാൾ എത്തിയത്. എന്നാൽ സംസാരം സംഘർഷത്തിലേക്ക് നീങ്ങുകയും ശേഖർ കത്തിയെടുത്ത് ബന്ധുക്കളെ കുത്തുകയുമായിരുന്നു. സർവേഷും സഹോദരനൊപ്പം ചേർന്ന് ബന്ധുക്കളെ ആക്രമിച്ചു. ഒളിവിൽ പോയ പ്രതികൾക്കായി തെരച്ചിൽ തുടരുകയാണെന്ന് പോലീസ് പറഞ്ഞു.