കോട്ടയത്ത് മകളെ ഷാൾ ഉപയോഗിച്ച് കഴുത്ത് ഞെരിച്ച് കൊന്നു; കിണറ്റിൽ ചാടിയ അമ്മയെ രക്ഷപെടുത്തി

കോട്ടയം: കോട്ടയം മുണ്ടക്കയത്ത് പതിനൊന്ന് വയസുള്ള മകളെ കഴുത്ത് ഞെരിച്ച് കൊന്ന ശേഷം യുവതി കിണറ്റിൽ ചാടി ആത്മഹത്യയ്ക്ക് ശ്രമിച്ചു. കൂട്ടിക്കൽ കണ്ടത്തിൽ ഷമീറിന്റെ ഭാര്യ ലൈജീനയാണ് മകൾ ഷംനയെ കഴുത്ത് ഞെരിച്ച്‌ കൊന്ന ശേഷം കിണറ്റിൽ ചാടി ആത്മഹത്യയ്ക്ക് ശ്രമിച്ചത്. എന്നാൽ, ലൈജീനയെ ഫയർഫോഴ്‌സ്‌ എത്തി രക്ഷപ്പെടുത്തി.

Also Read : രാജ്യത്ത് ഈ വര്‍ഷം അവസാനത്തോടെ 188 കോടി വാക്സിൻ ഡോസുകള്‍ നൽകും; സുപ്രീം കോടതിയിൽ കേന്ദ്ര സര്‍ക്കാര്‍

പുലർച്ചെ നാല് മണിയോടെയാണ് സംഭവം. രാവിലെ ഒരു നിലവിളി ശബ്ദം കേട്ടെത്തിയ ബന്ധുക്കളും അയൽവാസികളുമാണ് ലൈജീനയുടെ കിണറ്റിൽ കണ്ടെത്തിയത്. പിന്നീട്, മകളെ കൊലപ്പെടുത്തിയായി ലൈജിന തന്നെ നാട്ടുകാരെ അറിയിക്കുകയായിരുന്നു.

തുടർന്ന് നടത്തിയ അന്വേഷണത്തിലാണ് കഴുത്തിൽ ഷാൾ മുറുകി മരിച്ച നിലയിൽ പതിനൊന്ന് വയസുകാരിയായ ഷംനയെ കണ്ടെത്തിയത്. മകളെ കൊലപ്പെടുത്താൻ ആയി അമിത അളവിൽ ആദ്യം ഉറക്കഗുളിക നൽകിയിരുന്നതായും അറിയുന്നു. ആത്മഹത്യാ കുറിപ്പ് എഴുതി വച്ച ശേഷമാണ് മക്കളെ കൊലപ്പെടുത്തി ലൈജീന കിണറ്റിൽ ചാടിയത്.

പിന്നീട്, നാട്ടുകാർ വിളിച്ച് അറിയിച്ചതിനെത്തുടർന്ന് ഫയർഫോഴ്സെത്തി ലൈജീനയെ രക്ഷപ്പെടുത്തുകയായിരുന്നു. ഇവരെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. യുവതിയുടെ ആരോഗ്യനില തൃപ്തികരമാണെന്ന് പോലീസ് പറയുന്നു.

Also Read : രാജ്യത്ത് വീണ്ടും 50,000ത്തിലധികം കൊവിഡ് കേസുകള്‍; രോഗമുക്തി നിരക്ക് 96.75 ശതമാനം

ഭർത്താവ് വിദേശത്ത് ജോലി ചെയ്യുന്നതിനാൽ ലൈജീനയും മകൾ ഷംനയും തനിച്ചായിരുന്നു താമസിച്ച് വന്നിരുന്നത്.
കൊലപാതകത്തിന്റെ കാരണം എന്തെന്ന് ഇനിയും വ്യക്തമല്ല. ലൈജീനയെ ചോദ്യം ചെയ്ത് കാരണം മനസിലാക്കാൻ ആണ് പൊലീസ് ശ്രമം. ഇവർക്ക് മാനസിക വിഭ്രാന്തി ഉള്ളതായി നാട്ടുകാർ പറയുന്നുണ്ട്.