Anjaly C | Samayam Malayalam | Updated: May 12, 2022, 4:36 PM
പരമ്പരാഗതമായ യോഗാ അഭ്യാസത്തെക്കുറിച്ച് നാം പലരും കേട്ടിട്ടുണ്ട്. എന്നാല്‍ ഏരിയല്‍ യോഗ എന്താണെന്ന് പലര്‍ക്കും അറിയില്ല. പരമ്പരാഗത യോഗയും ഡാല്‍സും കൂട്ടി കലര്‍ത്തി കൊണ്ടുവന്ന വളരെ ആരോഗ്യപരമായി ഉപകാരമുള്ള യോഗയാണ് ഏരിയല്‍ യോഗ.
ഹൈലൈറ്റ്:
- ആന്റി ഗ്രാവിറ്റി യോഗയെപ്പറ്റി പലര്‍ക്കും അറിവില്ല
- മെയ് വഴക്കത്തിന് ഏറ്റവും അനിയോജ്യമാണിത്
- നടുവേദന കുറയ്ക്കുവാനും സഹായിക്കുന്നു
ജിമ്മില്‍ പോകാതെതന്നെ വീട്ടില്‍ ഇരുന്ന് ഒരാള്‍ക്ക് തന്റെ ആരോഗ്യം മെച്ചപ്പെടുത്തണമെങ്കില്‍ അതിന് ഏറ്റവും നല്ല മാര്‍ഗ്ഗമാണ് യോഗ. കാലത്തിനൊത്ത് മാറാത്തതായി ഒന്നും ഇല്ല. അതുപോലെതന്നെ ഇന്ന് പരമ്പരാഗതമായ യോഗ പ്രാക്ടീസുകള്‍ മാറിപുതിയ രീതിയില്‍ കൂടുതല്‍ ഉപയോഗപ്രദവും എല്ലാവര്‍ക്കും ഇണങ്ങുന്ന പലരീതിയിലുള്ള യോഗകള്‍ പ്രാബല്യത്തിലുണ്ട്. അതില്‍ ഒന്നാണ് ഏരിയല്‍ യോഗ.
എന്താണ് ഏരിയല്‍ യോഗ?
നമ്മള്‍ പരമ്പരാഗതമായി അഭ്യസിക്കുന്ന യോഗകളെല്ലാം പ്രധാനമായും ലക്ഷ്യം വെയ്ക്കുന്നത് മനസ്സിനും ശരീരത്തിനും വേണ്ടി മാത്രമാണ്. എന്നാല്‍ ഐരിയല്‍ യോഗ ഇതില്‍ നിന്നും അല്‍പ്പം വ്യത്യസ്തനാണ്. ഡാന്‍സും യോഗയും മിക്‌സ് ചെയ്ത് ഉണ്ടാക്കിയെടുത്ത് യോഗയുടെതന്നെ ഒരു സങ്കരയിനം അഭ്യാസപ്രകടനമാണ് ഏരിയല്‍ യോഗ. ഈ യോഗ പ്രധാനമായും അറിയപ്പെടുന്നത് ആന്റി- ഗ്രാവിറ്റി യോഗ എന്നാണ്. എന്തുകൊണ്ടാണ് ഇതിനെ ഇങ്ങനെ വിളിക്കുന്നത് എന്നതാകും സംശയം അല്ലെ! കാരണമുണ്ട്.
സാധാരണ നമ്മള്‍ നിലത്ത് പായ വിരിച്ച് അതില്‍ ഓരോ യോഗാ പോസുകള്‍ ചെയ്യും ഇരിന്നിട്ടും നിന്നിട്ടും പരമ്പരാഗതമായ യോഗ നമുക്ക് ചെയ്യാവുന്നതാണ്. എന്നാല്‍, ഏരിയല്‍ യോഗയിലേയ്ക്ക് വരുമ്പോള്‍ നമ്മളുടെ ശരീരഭാരം താങ്ങുന്ന ഊഞ്ഞാല്‍പോലെ തുണിയില്‍ തീര്‍ത്ത തൊട്ടിലില്‍ കിടന്നാണ് ഈ യോഗ അഭ്യസിക്കുന്നത്.
കൃത്യമായിപ്പറഞ്ഞാല്‍ നമ്മള്‍ ഡാന്‍സ് റിയാലിറ്റി ഷോകളില്‍ കാണുന്ന മെയ്വഴക്കം കാണിക്കുവാന്‍ മുകളില്‍ നിന്നും നീണ്ടുകിടക്കുന്ന തുണിയില്‍ തൂങ്ങി നിലത്തുതൊടാതെ ബോഡി ഫ്‌ലക്‌സിബിലിറ്റി കാണിക്കുന്നതുപോലെതന്നെയാണ് ഈ യോഗയും ചെയ്യുന്നത്. നിലത്തുതൊടാതെ തങ്ങളുടെ ഭാരം മുഴുവന്‍ ഈ ഊഞ്ഞാലില്‍ ആശ്രയിച്ച് പതുക്കെ ചെയ്തുപഠിക്കുന്ന രീതിയാണ് ഏരിയല്‍ യോഗയ്ക്കുള്ളത്. തുടക്കകാര്‍ക്കും പരമ്പരാഗത യോഗാഭ്യസികള്‍ക്കും ചെയ്തുപഠിക്കാവുന്ന യോഗയാണിത്.
ഇതിന്റെ പ്രധാന ഗുണങ്ങളിലേയ്ക്ക് കടക്കാം
പരമ്പരാഗതയോഗപോലതന്നെ ഈ യോഗയ്ക്കും നിരവധി ആരോഗ്യഗുണങ്ങളുണ്ട് ഐരിയല്‍ യോഗയ്ക്കും. തടികുറയ്ക്കുന്നതുമുതല്‍ ശരീരത്തിന്റെ മെയ്വഴക്കം കൂട്ടുന്നതിനും ഇത്തരം യോഗകള്‍ അഭ്യസിക്കുന്നവരും കൂടിവരികയാണ്. അതുകൊണ്ടുതന്നെ ഇതിന്റെ പ്രധാന ഗുണങ്ങള്‍ എന്തെന്ന് നമുക്ക് നോക്കാം.
1. മെയ്വഴക്കം കൂട്ടുന്നു
ഏരിയല്‍ യോഗയില്‍ അഭ്യസിക്കുന്ന വ്യക്തി നിലത്തുതൊടാതെ ശരീരം ഭാരം ഒരു ഊഞ്ഞാലില്‍ സന്തുലിതാവസ്ഥിയില്‍ നിലനിര്‍ത്തികൊണ്ടാണ് ഓരോ യോഗാ മുറകള്‍ അഭ്യസിച്ചെടുക്കുന്നത്. അതുകൊണ്ടുതന്നെ ഇത്തരത്തില്‍ അഭ്യസിച്ചെടുക്കുന്നതിന് സ്ഥിരമായി പ്രാക്ടീസും അനവാര്യമാണ്. തുടര്‍ച്ചയായി ശരീരഭാരം ബാലന്‍സ് ചെയ്ത് ഓരോ യോഗാമുറകള്‍ അഭ്യസിക്കുന്നതിലൂടെ ആ വ്യക്തി നല്ല മെയ്‌വഴക്കവും നേടിയെടുക്കുകയാണ്.
2. പുറം വേദനയ്ക്കും നടുവേദനയ്ക്കും ഉത്തമം.
ശരീരഭാരം ഒരു വസ്തുവില്‍ നിഷിപ്തമായതിനാല്‍ ഇത് അഭ്യസിക്കുന്നവര്‍ക്ക് തങ്ങളുടെ ജോയിന്റുകള്‍ക്ക് കൂടുതല്‍ ഭാരം നല്‍കേണ്ടതായിട്ട് വരുന്നില്ല. അതുകൊണ്ടുതന്നെ തുടര്‍ച്ചയായിട്ടുള്ള ഇത്തരം പ്രാക്ടിസിലൂടെ മസില്‍സ് കൂടുതല്‍ ബലവത്താക്കി എല്ലുകള്‍ക്ക് കൊടുക്കുന്ന ഭാരം കുറയ്ക്കുവാന്‍ സഹായിക്കും.
3. ശ്വസനം നല്ലരീതിയില്‍ ആക്കുന്നതിന് സഹായിക്കും
ഓരോ യോഗാഭ്യാസത്തിനനുസരിച്ച് ശ്വസനം നിയന്ത്രിച്ചും നന്നായി വായുവിനെ ഉള്ളിലേയ്‌ക്കെടുത്തും ഓരോ മുറകള്‍ പ്രാക്ടീസ് ചെയ്യുന്നതിനാല്‍ നമ്മളുടെ ശ്വസനപ്രക്രിയ നല്ലരീതിയില്‍ നടക്കുന്നതിന് ഇവ സഹായിക്കും. മാ്തരവുമല്ല തൂങ്ങിക്കിടന്ന് ചെയ്യുന്നതിനാല്‍ ഇത്തരത്തിലുള്ള അഭ്യാസങ്ങള്‍ വളരെ എളുപ്പത്തില്‍ ചെയ്‌തെടുക്കുവാനും സാധിക്കും.
4. കാലറീസ് കുറയ്ക്കുന്നു
സാധാരണയോഗയില്‍ നിന്നും വ്യത്യസ്തമായി ശരീരത്തെ ബാലസ് ചെയ്ത് യോഗചെയ്യുന്നതിനാല്‍ നമ്മള്‍ ഓരോ ചലനങ്ങള്‍ക്കും ശ്രദ്ധയും ഒപ്പം ഉര്‍ജവും ആവശ്യമാണ്. ഇത്തരത്തില്‍ ശരീരത്തെ കൂടുതല്‍ പ്രവര്‍ത്തിപ്പിച്ച് ഓരോ ആഭ്യാസവും നീക്കവും ചെയ്യുന്നതിനാല്‍ കാലറി കുറയ്ക്കുവാന്‍ ഏരിയല്‍ യോഗ സഹായിക്കും.
5. മാനസിക സമ്മര്‍ദ്ദം കുറയ്ക്കുന്നു
നിങ്ങള്‍ നന്നായി മാനസിക സമ്മര്‍ദ്ദത്തിലായിരിക്കുന്ന അവസ്ഥയില്‍ തെരഞ്ഞെടുക്കാവുന്ന ഒരു യോഗാപ്രാക്ടീസാണിത്. വളരെ ശ്രദ്ധയും ക്ഷമയും ആവശ്യമുള്ളതിനാല്‍ ഓരോ യോഗാഭ്യസത്തിലൂടെ നിങ്ങള്‍ സ്വയം മെഡിറ്റേഷന്‍ നടത്തപ്പെടുന്നു. മനസ്സ് ശാന്തമാകുന്നു. അങ്ങിനെ നിങ്ങള്‍ക്ക് മാനസിക സമ്മര്‍ദ്ദം കുറയ്ക്കാവുന്നതാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : what is aerial yoga benefits of aerial yoga
Malayalam News from Samayam Malayalam, TIL Network