വനിത കോൺസ്റ്റബിളിനെ പോലീസുകാരനായ ഭർതൃപിതാവ് ബലാത്സംഗം ചെയ്തു; പിന്നാലെ ഭർത്താവ് യുവതിയെ മുത്തലാഖ് ചൊല്ലി

ലഖ്നൗ: ഉത്തർപ്രദേശിൽ വനിത പോലീസ് കോൺസ്റ്റബിളിനെ പോലീസ് ഉദ്യോഗസ്ഥനായ ഭർതൃപിതാവ് ബലാത്സംഗം ചെയ്തു. ഭാര്യ പീഡനത്തിനിരയായ വിവരമറിഞ്ഞ ഭർത്താവും പോലിസ് ഉദ്യോഗസ്ഥനുമായ യുവതിയെ മുത്തലാഖ് ചൊല്ലി. സംഭവത്തിൽ ഭർത്താവ് ആബിദ്, ഭർതൃപിതാവ് നസീർ അഹമ്മദ് എന്നിവർക്കെതിരെ കേസെടുത്തു.

’60 പവൻ നൽകി, 25 ലക്ഷം നൽകാനായില്ല’: 23കാരി ഭര്‍തൃവീട്ടില്‍ തൂങ്ങിമരിച്ചു, സംഭവം തമിഴ്നാട്ടിലെ തിരുവള്ളൂരിൽ
കഴിഞ്ഞ ബുധനാഴ്ച രാത്രിയാണ് യുവതി ബലാത്സംഗത്തിനിരയായത്. വിവരം പുറത്ത് പറയരുതെന്നും അറിയിച്ചാൽ കൊലപ്പെടുത്തുമെന്ന ഭീഷണിയും നസീർ അഹമ്മദ് നൽകി. ഭയന്ന് പോയ യുവതി പീഡനവിവരം ഭർത്താവും പോലീസ് ഉദ്യോഗസ്ഥനുമായ ആബിദിനെ അറിയിച്ചു. ഭാര്യ ബലാത്സംഗം ചെയ്യപ്പെട്ടുവെന്ന് വ്യക്തമായതോടെ ഇയാൾ മുത്തലാഖ് ചൊല്ലി ബന്ധം വേർപ്പെടുത്തി.

ഭർത്താവ് കയ്യൊഴിഞ്ഞതോടെ മീററ്റിലെ ഒരു പോലീസ് സ്റ്റേഷനിലെ കോൺസ്റ്റബിൽ കൂടിയായ യുവതി പോലീസിൽ പരാതി നൽകി. ബലാത്സംഗ വിവരവും ഭർത്താവ് മുത്തലാഖ് ചൊല്ലിയ വിവരവും ഇവർ മുതിർന്ന പോലീസ് ഉദ്യോഗസ്ഥരെ അറിയിച്ചു. മൂന്ന് വർഷം മുൻപാണ് ആബിദുമായുള്ള വിവാഹം നടന്നത്. ഇതിന് ശേഷം സ്ത്രീധനം അടക്കമുള്ള കാര്യങ്ങൾ ഉന്നയിച്ച് ഭർതൃവീട്ടുകാർ ഉപദ്രവിച്ചിരുന്നുവെന്നും പരാതിയിൽ പറയുന്നുണ്ട്.

സ്ത്രീധനത്തിന്‍റെ പേരിൽ കൂട്ടബലാത്സംഗവും; നവവധുവിനെ ഭർത്താവും സഹോദരന്മാരും ചേർന്ന് പീഡിപ്പിച്ചു
ഭർത്താവിൻ്റെ അമ്മയിൽ നിന്നും പീഡനം നേരിടേണ്ടി വന്നുവെന്നും പരാതിയിൽ വ്യക്തമാക്കുന്നുണ്ട്. പോലീസ് ഉദ്യോഗസ്ഥ കൂടിയായ യുവതിയുടെ പരാതിയിൽ കേസെടുത്തതായി മീററ്റ് എസ്.പി വിനീത് ഭട്ട്നഗർ പറഞ്ഞു. ഗാസിയാബാദിലെ പിഎസി റിസർവ് പോലീസിൽ ഉദ്യോഗസ്ഥനാണ് നസീർ അഹമ്മദ്.