സര്‍ക്കാരില്‍ നിന്ന് ലഭിച്ച ധനസഹായത്തെച്ചൊല്ലി തർക്കം; യുവതി അമ്മായിഅമ്മയുടെ മുഖത്ത് തിളച്ച എണ്ണ ഒഴിച്ചു

ഹൈദരാബാദ്: 55കാരിയായ അമ്മായിഅമ്മയുടെ മുഖത്ത് 25കാരി തിളച്ച എണ്ണ ഒഴിച്ചു. മുഖത്തും കയ്യിലും തോളിലും പൊള്ളലേറ്റ മധ്യവയസ്കയെ ആശുപത്രിയിൽ പ്രവേശിപ്പിച്ചിരിക്കുകയാണ്. സർക്കാരിൽ നിന്ന് ലഭിച്ച ധനസഹായത്തെച്ചൊല്ലിയുള്ള തർക്കത്തിനൊടുവിലാണ് ചുക്കാ ലക്ഷ്മി ആക്രമിക്കപ്പെടുന്നതെന്നാണ് റിപ്പോർട്ട്.

ആന്ധ്രാപ്രദേശിലെ കൃഷ്ണ ജില്ലയില്‍ ശനിയാഴ്ച രാത്രിയാണ് സംഭവം. സർക്കാർ ധനസഹായം ലഭിക്കുന്നതിനുള്ള പദ്ധതിയിൽ ചുക്കാ ലക്ഷമി രജിസ്റ്റർ ചെയ്തിരുന്നു. സംസ്ഥാന സർക്കാർ പദ്ധതിയിലൂടെ അടുത്തിടെ ഇവർക്ക് 18,000 രൂപ ലഭിക്കുകയും ചെയ്തു. ഇതിന് പിന്നാലെ ഇവരുടെ മരുമകൾ ചുക്ക സ്വരൂപ പണം ആവശ്യപ്പെടുകയായിരുന്നു.

Also Read : തിരുവനന്തപുരത്ത് യൂബർ ടാക്സി ഡ്രൈവർ കൊല്ലപ്പെട്ടു; കഴുത്തിലും കാലിലും കുത്തേറ്റ നിലയിൽ മൃതദേഹം

പണം നൽകണമെന്ന ആവശ്യം ലക്ഷ്മി നിരസിച്ചതാണ് പ്രകോപനത്തിന് കാരണമെന്നാണ് പരാതിയിൽ പറയുന്നത്. രണ്ട് മണിക്കൂർ നേരം ഇരുവരും ഇതിനെച്ചൊല്ലി വഴക്കിട്ടിരുന്നെന്നാണ് ടൈംസ് നൗ റിപ്പോർട്ട് ചെയ്യുന്നത്. വാക്ക് തർക്കത്തിന് പിന്നാലെ ലക്ഷ്മി ഉറങ്ങാൻ പോയപ്പോഴാണ് സ്വരൂപ ഇവരെ ആക്രമിക്കുന്നത്.

Also Read : തിരുവനന്തപുരത്ത് യൂബർ ടാക്സി ഡ്രൈവർ കൊല്ലപ്പെട്ടു; കഴുത്തിലും കാലിലും കുത്തേറ്റ നിലയിൽ മൃതദേഹം

ഉറങ്ങുകയായിരുന്ന ലക്ഷ്മിയുടെ നേര്‍ക്ക് സ്വരൂപ തിളച്ച എണ്ണ ഒഴിക്കുകയായിരുന്നു. മുഖത്തും കയ്യിലും പൊള്ളലേറ്റ ലക്ഷ്മിയെ ഉടന്‍ തന്നെ സര്‍ക്കാര്‍ ആശുപത്രിയില്‍ കൊണ്ടുപോയി. ലക്ഷ്മിക്ക് 30 ശതമാനം പൊള്ളലേറ്റതായും ഇവരുടെ ആരോഗ്യനില തൃപ്തികരമാണെന്നും പോലീസ് അറിച്ചു. മൊഴിയുടെ അടിസ്ഥാനത്തിൽ സ്വരൂപയ്ക്കും ഭർത്താവ് ശിവ നാരായണനുമെതിരെ കേസ് എടുത്ത് അന്വേഷണം ആരംഭിച്ചതായി പോലീസ് അറിയിച്ചു.