ഏമ്പക്കമിടാൻ പാടില്ല, പാചകം അറിയണം! സ്വന്തമായി ബംഗ്ലാവുള്ള വരനെ ആവശ്യമുണ്ട്

സമൂഹ മാധ്യമങ്ങളിൽ അടുത്തിടെ വൈറലായ ഒരു വിവാഹ പരസ്യമുണ്ട്. ‘സ്വന്തമായി അഭിപ്രായങ്ങളുള്ള ഫെമിനിസ്റ്റിന്’ വരനെ തേടിയുള്ളതാണ് പരസ്യം. രാജ്യത്തെ വിവാഹ പരസ്യങ്ങൾ പലതും പെൺകുട്ടിയുടെ ഭംഗി, നിറം എന്നിവയിൽ ഇപ്പോഴും ഉടക്കി നിൽകുമ്പോൾ ഈ ചിന്താഗതിക്ക് നേർ വിപരീതമാണ് ‘സ്വന്തമായി അഭിപ്രായങ്ങളുള്ള ഫെമിനിസ്റ്റിന്’ വരനെ തേടിയുള്ള പരസ്യം.

30 വയസ്സിന് മുകളിൽ പ്രായമുള്ള വിദ്യസമ്പന്നയായ യുവതിക്കാണ് വരനെ വേണം എന്ന് പരസ്യത്തിൽ പറഞ്ഞിട്ടുള്ളത്. പെൺകുട്ടിയ്ക്ക് കുറച്ച് മുടിയാണുള്ളത് എന്നും ശരീരത്തിൽ പിയേർസിങ് ചെയ്തിട്ടുണ്ട് എന്നും മുതലാളിത്ത വ്യവസ്ഥിതിയ്‌ക്കെതിരായ മേഖലയിലാണ് ജോലി ചെയ്യുന്നത് എന്നുമാണ് പെൺകുട്ടിയെപ്പറ്റി പരസ്യത്തിൽ വിവരിച്ചിരിക്കുന്നത്.

എന്നാലും എന്റെ ഗൂഗിളേ, നിങ്ങളെന്നെ സീരിയൽ കില്ലറാക്കി

തുടർന്ന് വരന് ആവശ്യമായ യോഗ്യതകളെപ്പറ്റി പറയുന്നു. സുന്ദരനായ, ആരോഗൃദൃഢഗാത്രനായ, 25 വയസ്സിനും 28 വയസ്സിനും ഇടയിൽ പ്രായമുള്ള ആളായിരിക്കണം വരൻ. സ്വന്തമായി ബിസിനസ്സും ബംഗ്ലാവുമുള്ള ഒറ്റപുത്രന്മാർ മാത്രം മുന്നോട്ട് വന്നാൽ മതി. ബംഗ്ലാവില്ലെങ്കിൽ കുറഞ്ഞത് 20 ഏക്കർ ഫാം ഹൗസ് സ്വന്തമായുണ്ടായാലും മതി. വരന് പാചകം അറിയണം എന്നും കൂർക്കം വലിക്കാനും, കീഴ്ശ്വാസം വിടാനും പാടില്ല എന്നൊക്കെയാണ് മറ്റുള്ള നിബന്ധനകൾ. താല്പര്യമുള്ളവർ curbyourpatriarchy@gmail.com (curb your patriarchy എന്നാൽ പുരുഷനിയന്തൃദമായ വ്യവസ്ഥിതി അവസാനിപ്പിക്കുക) എന്ന ജിമെയിൽ വിലാസവുമായാണ് ബന്ധപ്പെടേണ്ടത്.

കൊമേഡിയനായ അദിതി മിത്തൽ പോസ്റ്റ് ചെയ്ത പത്രകട്ടിങ്ങിന്റെ ചിത്രം വൈറലാവാൻ അധികം സമയം വേണ്ടി വന്നില്ല. ബോളിവുഡ് നടി റിച്ച ചദ്ദ ഉൾപ്പെടെ നിരവധിപേർ പരസ്യത്തിന് രസകരമായ പ്രതികരണങ്ങൾ കുറിച്ചിട്ടുണ്ട്. അതെ സമയം ഈ പത്രപരസ്യം ശരിയായത് തന്നെയോ എന്നാണ് സമൂഹ മാധ്യമങ്ങളിൽ സംശയം ഉണർന്നത്.

8 മണിക്കൂർ ജോലി 2 മണിക്കൂറിൽ തീർക്കാം! ഐഡിയ കാമുകിയോട് പറഞ്ഞു…പണി പാളി
ബിബിസിയുടെ റിപ്പോർട്ട് അനുസരിച്ച് ഇത് ഒരു പ്രാങ്ക് പരസ്യം ആണ്. 30 വയസ്സ് തികയുന്ന തന്റെ പെങ്ങൾക്ക് ഒരു സർപ്രൈസ്‌ ആയാണ് സഹോദരൻ ഇത്തരത്തിൽ ഒരു പത്രപ്പരസ്യം ഒരുക്കിയത്. ജന്മദിനത്തിന്റെ അന്ന് പത്രപ്പരസ്യവും ഇമെയിൽ ഐഡിയും പാസ്സ്‌വേർഡും സഹോദരൻ പേര് വെളിപ്പെടുത്താൻ താല്പര്യം ഇല്ലാത്ത പെങ്ങൾക്ക് നൽകി. രസകരമായ പ്രതികരണങ്ങളാണ് ഇമെയിൽ പിന്നീട് വന്നത് എന്ന് യുവതി സാക്ഷ്യപ്പെടുത്തുന്നു. അതെ സമയം വരനെ ഒരു പണപ്പെട്ടി ആയി കാണുന്നതിനെ വിമർശിച്ചും ധാരാളം ഇമെയിലുകൾ വന്നുവത്രെ.