Deepu Divakaran |
Samayam Malayalam | Updated: 7 Nov 2022, 5:55 pm
ഉത്തർപ്രദേശിലെ ഫറൂക്കബാദിൽ സഹോദരിയെയും കാമുകനെയും യുവാവ് കഴുത്തറത്ത് കൊലപ്പെടുത്തി. 24 കാരനായ രാം കരൺ, 16 കാരി ശിവാനി എന്നിവരാണ് ദുരഭിമാനക്കൊലയ്ക്ക് ഇരയായത്.
ഹൈലൈറ്റ്:
- ഉത്തർപ്രദേശിൽ ദുരഭിമാനക്കൊല.
- സഹോദരിയെയും കാമുകനെയും യുവാവ് കൊലപ്പെടുത്തി.
- സംഭവത്തിനു പിന്നാലെ പോലീസ് സ്റ്റേഷനിൽ കീഴടങ്ങി.
ഞായറാഴ്ച രാവിലെയാണ് ഗ്രാമത്തെ നടുക്കിയ സംഭവം. ശിവാനിയും അയൽവാസിയായ രാം കുമാറും പ്രണയത്തിലായിരുന്നു. ഒരേ സമുദായക്കാരാണെങ്കിലും ശിവാനിയുടെ കുടുംബത്തിന് രാം കുമാറുമായുള്ള ബന്ധത്തോടു താൽപര്യമില്ലായിരുന്നു. ശനിയാഴ്ച രാത്രി ശിവാനിയെ കാണാതായതോടെ സഹോദരൻ നീതു കുമാറിൻ്റെ നേതൃത്വത്തിൽ കുടുംബക്കാരൊന്നടങ്കം തെരച്ചിൽ നടത്തിയിരുന്നു. ഞായറാഴ്ച പുലർച്ചെ മൂന്നുമണിയോടെ ഇരുവരെയും കണ്ടെത്തിയതോടെ മർദിക്കുകയായിരുന്നു. തുടർന്ന് കഴുത്തറുത്ത് അഴുക്കുചാലിൽ തള്ളുകയായിരുന്നുവെന്നാണ് പ്രതിയുടെ കുറ്റസമ്മതം. പുലർച്ചെ ആറുമണിയോടെ പ്രതി നീതു കുമാർ പോലീസ് സ്റ്റേഷനിലെത്തി കീഴടങ്ങുകയായിരുന്നു.
രാം കരണിൻ്റെ കുടുംബക്കാരുടെ പരാതിപ്രകാരം അന്വേഷിക്കാനായി ഇറങ്ങിയപ്പോഴേക്കും ഇരുവരും കൊല്ലപ്പെട്ടിരുന്നുവെന്ന് ഗ്രാമത്തലവൻ അൻവർ ഹുസൈൻ പറഞ്ഞു. പെൺകുട്ടിയുടെ കുടുംബം ഇരുവരുടെയും ബന്ധത്തിന് എതിരായിരുന്നു. ഇരു കുടുംബങ്ങളും ഒരേ സമുദായക്കാരാണെന്നും അദ്ദേഹം പറഞ്ഞു. യുവാവിൻ്റെയും പെൺകുട്ടിയുടെയും മൃതദേഹം അഴുക്കുചാലിൽ നിന്ന് പുറത്തെടുത്ത് പോസ്റ്റോമോർട്ടത്തിനായി അയച്ചുവെന്ന് എസ്പി അശോക് കുമാർ മീന അറിയിച്ചു. കൊല്ലപ്പെട്ട യുവാവിൻ്റെ കുടുംബത്തിൻ്റെ പരാതിപ്രകാരം അഞ്ചുപേർക്കെതിരെ കേസെടുത്തു. കൃത്യം നടത്തിയ നീതു കുമാറിനെ അറസ്റ്റു ചെയ്തെന്നും മറ്റ് പ്രതികൾക്കായി തെരച്ചിൽ ഊർജിതമാക്കിയെന്നും എസ്പി കൂട്ടിച്ചേർത്തു.
കല്യാണം കഴിക്കാൻ വരൻ എത്തിയത് സൈക്കിളിൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Podcast: Play in new window | Download