Sumayya P | Lipi | Updated: 02 Jun 2021, 10:45:00 AM
സൗദി ആരോഗ്യമന്ത്രാലയം അംഗീകരിച്ച ഫൈസര്‍, മൊഡേണ, ഓക്‌സ്‌ഫോഡ് ആസ്ട്രാസെനക്ക, ജോണ്‍സണ്‍ ആന്റ് ജോണ്‍സണ്‍ എന്നീ വാക്‌സിനുകളില്‍ ഏതെങ്കിലും ഒന്ന് എടുത്തവര്‍ക്കേ ഇളവ് ലഭിക്കുകയുള്ളൂ
ഹൈലൈറ്റ്:
- വാക്‌സിന്‍ എടുക്കാതെ വരുന്ന വിദേശികള്‍ക്ക് ഏഴു ദിവസത്തെ ഹോട്ടല്‍ ക്വാറന്റൈന്‍ അനിവാര്യമാണ്
- ആരോഗ്യ മന്ത്രാലയത്തിന്റെ എല്ലാ പെരുമാറ്റച്ചട്ടങ്ങളും പാലിച്ചുകൊണ്ടായിരിക്കണം ക്വാറന്റൈന്‍ വാസം
റിയാദ്: പൂര്‍ണമായി വാക്‌സിനെടുത്ത് വരുന്ന വിദേശ യാത്രക്കാര്‍ക്ക് ക്വാറന്റൈന്‍ ഒഴിവാക്കാന്‍ സൗദി അറേബ്യ തീരുമാനിച്ചു. വാക്‌സിന്‍ എടുത്ത രാജ്യത്തെ ആരോഗ്യ അധികൃതര്‍ സാക്ഷ്യപ്പെടുത്തിയ വാക്‌സിനേഷന്‍ സര്‍ട്ടിഫിക്കറ്റുമായി വരുന്നവര്‍ക്കാണ് ക്വാറന്റൈന്‍ ഒഴിവാക്കി നല്‍കുകയെന്ന് ജനറല്‍ അതോറിറ്റി ഓഫ് സിവില്‍ ഏവിയേഷന്‍ അറിയിച്ചു. അതേസമയം, സൗദി ആരോഗ്യമന്ത്രാലയം അംഗീകരിച്ച ഫൈസര്‍, മൊഡേണ, ഓക്‌സ്‌ഫോഡ് ആസ്ട്രാസെനക്ക, ജോണ്‍സണ്‍ ആന്റ് ജോണ്‍സണ്‍ എന്നീ വാക്‌സിനുകളില്‍ ഏതെങ്കിലും ഒന്ന് എടുത്തവര്‍ക്കേ ഇളവ് ലഭിക്കുകയുള്ളൂ.
Also Read: 
അതേസമയം, വാക്‌സിന്‍ എടുക്കാതെ വരുന്ന വിദേശികള്‍ക്ക് ഏഴു ദിവസത്തെ ഹോട്ടല്‍ ക്വാറന്റൈന്‍ അനിവാര്യമാണ്. സൗദി അധികൃതര്‍ പ്രത്യേകമായി തയ്യാറാക്കിയ ഹോട്ടലിലായിരിക്കണം ക്വാറന്റൈന്‍. എന്നാല്‍, വിദേശ രാജ്യങ്ങളില്‍ നിന്നെത്തുന്ന സൗദി പൗരന്‍മാര്‍, സൗദി വനിതകളുടെ ഭര്‍ത്താക്കന്‍മാര്‍, സൗദികളുടെ മക്കള്‍ എന്നിവര്‍ വാക്‌സിന്‍ എടുത്തിട്ടില്ലെങ്കിലും ഹോട്ടല്‍ ക്വാറന്റൈന്‍ ആവശ്‌യമില്ല. സ്വദേശികളുടെ വീട്ടുജോലിക്കാരെയും ഹോട്ടല്‍ ക്വാറന്റൈനില്‍ നിന്ന് ഒഴിവാക്കിയിട്ടുണ്ട്. എന്നാല്‍ അവര്‍ ഏഴ് ദിവസം വീട്ടില്‍ ക്വാറന്റൈനില്‍ കഴിയുകയും ആറാമത്തെ ദിവസം പിസിആര്‍ ടെസ്റ്റ് നടത്തി കൊവിഡ് ബാധ ഇല്ലെന്ന് ഉറപ്പുവരുത്തുകയും ചെയ്യണം. ആരോഗ്യ മന്ത്രാലയത്തിന്റെ എല്ലാ പെരുമാറ്റച്ചട്ടങ്ങളും പാലിച്ചുകൊണ്ടായിരിക്കണം ക്വാറന്റൈന്‍ വാസം.
ഔദ്യോഗിക പ്രതിനിധി സംഘങ്ങള്‍, നയതന്ത്ര വിസയുള്ളവര്‍, നയതന്ത്ര പ്രതിനിധികള്‍, അവരുടെ കുടുംബാംഗങ്ങള്‍, വിമാന ജീവനക്കാര്‍, ആരോഗ്യ ഉപകരണ വിതരണക്കാര്‍ എന്നിവര്‍ക്കും ക്വാറന്റൈന്‍ ഇളവുണ്ട്. കഴിഞ്ഞ ദിവസം യുഎഇ ഉള്‍പ്പെടെ 11 രാജ്യങ്ങളില്‍ നിന്നുള്ളവര്‍ക്ക് സൗദി പ്രവേശന വിലക്ക് പിന്‍വലിച്ചിരുന്നു. ബ്രിട്ടന്‍, സ്വീഡന്‍, ജര്‍മനി, അമേരിക്ക, അയര്‍ലന്റ്, ഇറ്റലി, പോര്‍ച്ചുഗല്‍, സ്വിറ്റ്‌സര്‍ലാന്റ്, ഫ്രാന്‍സ്, ജപ്പാന്‍ എന്നിവയാണ് മറ്റ് രാജ്യങ്ങള്‍.
ബ്ലാക്ക് ഫംഗസ്: മണ്ണാര്‍ക്കാട് മരണം രണ്ടായി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : no quarantine for vaccinated travelers to saudi arabia
Malayalam News from malayalam.samayam.com, TIL Network
Podcast: Play in new window | Download