കെട്ടിട നിർമാണം നടക്കുന്ന സ്ഥലത്ത് ​ഗുണ്ട ആക്രമണം, തർക്കം തീർക്കാനെത്തി, എസ്ഐക്ക് ക്രൂര മർദ്ദനം

പ്രശ്‌നം പരിഹരിക്കാൻ ശ്രമിച്ച ഉദ്യോഗസ്ഥരെ പ്രതികൾ അസഭ്യം വിളിച്ചു. എസ്.ഐ ശശിധരനും സി.പി. അരുണിനും മർദനമേറ്റു. വിവരമറിഞ്ഞ് കൂടുതൽ പോലീസ് എത്തിയാണ് പ്രതികളെ കസ്റ്റഡിയിൽ എടുത്തത്. ശേഷാ സെൻ മറ്റൊരു കേസിൽ ജാമ്യത്തിൽ ഇറങ്ങിയിട്ട് മൂന്നാഴ്ചയാകുന്നതേയുള്ളൂ. പരുക്കേറ്റ പോലീസ് ഉദ്യോഗസ്ഥർ കോഴഞ്ചേരി ജില്ലാശുപത്രിയിൽ ചികിൽസ തേടി. പ്രക്കാനം, ഇലവുംതിട്ട, മെഴുവേലി പ്രദേശങ്ങളിൽ അടുത്ത കാലത്തു് സാമൂഹ്യ വിരുദ്ധ ആക്രമണങ്ങൾ കൂടിയിട്ടുണ്ട്. പ്രതികളെ പലരെയും പോലീസ് കസ്റ്റഡിയിൽ എടുക്കുന്നുണ്ടെങ്കിലും വീണ്ടും ഇത് ആവർത്തിക്കുകയാണ്. രാഷ്ട്രീയ ഇടപെടീലാണ് ഇലവുംതിട്ട പോലീസ് സ്റ്റേഷൻ പരിധിയിൽ മിക്കപ്പോഴും പ്രതികൾ വലിയ പരുക്കില്ലാതെ പുറത്തിറങ്ങാൻ കാരണം പലരും വീണ്ടും കുറ്റകൃത്യങ്ങൾ ആവർത്തിക്കുകയാണ്.