ഹോസ്റ്റൽ ജീവനക്കാരിയെ മർദിച്ച പോലീസുകാരനെ സസ്പെൻഡ് ചെയ്തു. വെള്ളിയാഴ്ച ഉച്ചകഴിഞ്ഞു ഗഞ്ച് പോലീസ് സ്റ്റേഷൻ പരിധിയിലാണ് സംഭവം. വനിതാ ഹോസ്റ്റലിൽ പ്രവേശിച്ച പോലീസുകാരൻ ജീവനക്കാരിയെ മർദിക്കുകയായിരുന്നു.
ഹൈലൈറ്റ്:
- ട്രാഫിക് പോലീസുകാരനെ സർവീസിൽനിന്നു സസ്പെൻഡ് ചെയ്തു.
- ഹോസ്റ്റൽ ജീവനക്കാരിയെ മർദിച്ച സംഭവത്തിലാണ് നടപടി.
- സംഭവം ഛത്തീസ്ഗഡിൽ.
വനിതാ ഹോസ്റ്റലിൽ പ്രവേശിച്ച പോലീസുകാരൻ ജീവനക്കാരിയെ ആക്രമിക്കുന്നതു പുറത്തുവന്ന സിസിടിവി ദൃശ്യങ്ങൾ വ്യക്തമാണ്. ജീവനക്കാരിയുടെ മുടിയിൽ പിടിച്ചു വലിച്ചിഴക്കുന്നതടക്കം ദൃശ്യങ്ങളിൽ കാണാം. അക്രമത്തെ തുടർന്നു ജീവനക്കാരിയും ഹോസ്റ്റൽ ഉടമയും മുതിർന്ന പോലീസ് ഉദ്യോഗസ്ഥരെ സമീപിച്ചിരുന്നു. ഹോസ്റ്റലിൽ എത്തിയ ഇൻസ്പെക്ടർ അസഭ്യം പറഞ്ഞു മർദിക്കുകയായിരുന്നുവെന്നാണ് ജീവനക്കാരി പരാതിയിൽ പറയുന്നത്. ഇതേ തുടർന്നു, സീനിയർ എസ്പി പ്രശാന്ത് അഗർവാളാണ് ഉദ്യോഗസ്ഥനെതിരെ നടപടിയെടുത്തത്. ട്രാഫിക് പോലീസ് ഇൻസ്പെക്ടറെ സസ്പെൻഡ് ചെയ്തതായി എസ്പി അറിയിച്ചു.
തണ്ണിമത്തൻ കൃഷിയിൽ അഭിമാന നേട്ടവുമായി സലിം | Watermelon cultivation
ഇൻസ്പെക്ടറുടെ അച്ചടക്കമില്ലായ്മയും മര്യാദയില്ലാത്ത പെരുമാറ്റവും പോലീസ് വകുപ്പിന്റെ പ്രതിച്ഛായയ്ക്ക് മങ്ങലേൽപ്പിച്ചുവെന്നും അടിയന്തര പ്രാബല്യത്തിൽ സസ്പെൻഡ് ചെയ്യുന്നതായും സസ്പെൻഷൻ ഉത്തരവിൽ വ്യക്തമാക്കുന്നു. പോലീസുകാരൻ തന്നെ ആക്രമിക്കുകയും അധിക്ഷേപകരമായ പരാമർശങ്ങൾ നടത്തിയതായും ഹോസ്റ്റൽ ഉടമ മാധ്യമങ്ങളോടു പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക