എസ്എസ്എൽസി പരീക്ഷയിൽ തോറ്റോ? 2 ദിവസം കൊടൈക്കനാലിൽ സൗജന്യമായി താമസിക്കാം

കഴിഞ്ഞ ദിവസമാണ് സംസ്ഥാനത്തെ പത്താം ക്ലാസ് പരീക്ഷയുടെ ഫലപ്രഖ്യാപനം ഉണ്ടായത്. ഇത്തവണ എസ്എസ്എൽസി പരീക്ഷയ്ക്ക് റെക്കോർഡ് വിജയം ആണ്. പരീക്ഷയെഴുതിയവരിൽ 99.47 ശതമാനം കുട്ടികളാണ് ഇത്തവണ വിജയിച്ചത്. 0.53 ശതമാനം വിദ്യാർത്ഥികൾക്ക് മാത്രമാണ് ഇത്തവണ തുടർപഠനത്തിന്‌ യോഗ്യത നേടാനാവാതിരുന്നത്. എസ്എസ്എൽസി പരീക്ഷയിൽ പരാജയപ്പെട്ടാൽ അത് ലോകാവസാനമല്ല. വീണ്ടും വാശിയോടെ പരിശ്രമിക്കാനുള്ള അവസരമാണ് അത് ഒരുക്കുന്നത്. അതെ സമയം താത്കാലികമായി ഉണ്ടായ പരാജയം മറക്കാനും ഒന്ന് റിഫ്രഷ് ആവാനും എവിടെയെങ്കിലും പോകണം എന്നുണ്ടോ? എങ്കിൽ കൊടൈക്കാനിലേക്ക് വച്ച് പിടിച്ചോളൂ.

കൊടൈക്കനാലിലെ ദ ഹാമോക്ക്‌ ഹോം സ്‌റ്റേയ്‌സ് & കോട്ടേജെസ് ഉടമയായ സുധി ഇത്തവണത്തെ പത്താം ക്ലാസ് പരീക്ഷയിൽ പരാജയപെട്ടവർക്കായി ഒരു വമ്പൻ ഓഫറാണ് ഒരുക്കിയിരിക്കുന്നത്. കുടുംബമായി വന്ന് രണ്ട് ദിവസം കൊടൈക്കനാലിൽ അടിച്ചു പൊളിക്കാം. താമസം സുധി വക സൗജന്യം.

ട്രാഫിക്കിൽ ബോറടിച്ചാൽ എന്ത് ചെയ്യും? ചീങ്കണ്ണിയുള്ള പുഴയിലേക്ക് ചാടും

തന്റെ ഫേസ്ബുക്ക് പേജിലൂടെയാണ് ഇക്കാര്യം സുധി അറിയിച്ചത്. ‘എസ്എസ്എൽസി തോറ്റവർക്ക് കൊടൈക്കനാലിൽ ഫാമിലിയോടൊപ്പം ഫ്രീ സ്റ്റേ’ എന്നാണ് സുധി ഫേസ്ബുക്കിൽ കുറിച്ചിരിക്കുന്നത്. ഓഫർ ഈ മാസം (ജൂലൈ) അവസാനം വരെ മാത്രമാണ് എന്നും തോറ്റതിന്റെ റിസൾട്ട് പ്രൂഫ് ആയി കൊണ്ടുവന്നാൽ മാത്രം മതി എന്നും സുധി വ്യക്തമാക്കിയിട്ടുണ്ട്. പോസ്റ്റിൽ ‘തോറ്റവർ സൃഷ്ടിച്ച ലോകമാണ് ജയിച്ചവരുടെ കഥ പറഞ്ഞു കയ്യടിക്കുന്നത്’ എന്നും സുധി കുറിച്ചിട്ടുണ്ട്.

ദൈവത്തിലുള്ള വിശ്വാസം പരീക്ഷിക്കണം! ഉയർന്ന വേഗത്തിൽ കാറിന്റെ സ്റ്റിയറിങ്ങിൽ നിന്ന് കയ്യെടുത്ത് ഒരമ്മ
‘ഈ വർഷം എസ്എസ്എൽസി പരീക്ഷയിൽ പൊരുതി തോറ്റവർ ആണോ നിങ്ങൾ? നിങ്ങളെ സ്നേഹപ്പൂർവ്വം കൊടൈക്കനാലിലേക്ക്‌ ക്ഷണിക്കുന്നു’ എന്ന തലക്കെട്ടോടെയുള്ള സുധിയുടെ പോസ്റ്റ് ഏതായാലും സമൂഹ മാധ്യമങ്ങളിൽ തരംഗം സൃഷ്ടിക്കുകയാണ്. കഴിഞ്ഞ 15 വർഷമായി കൊടൈക്കനാലിൽ ഹോംസ്റ്റേ ബിസിനസ് നടത്തുകയാണ് സുധിയും കുടുംബവും.