​പ്രമേഹ രോഗികള്‍ക്ക് റാഗി എത്രത്തോളം നല്ലതാണ്?​

​പ്രമേഹം എത്രവിധം​

പ്രമേഹം തന്നെ രണ്ട് തരത്തില്‍ ഉണ്ട്. ടൈപ്പ് 1 പ്രമേഹവും അതുപോലെ ടൈപ്പ് 2 പ്രമേഹവും. നമ്മളുടെ ശരീരത്തിലെ ഇമ്മ്യൂണ്‍ സിസ്റ്റം അറിയാതെ പാന്‍ക്രിയാസിലെ ഇന്‍സുലിന്‍ പ്രോഡ്യൂസിംഗ് സെല്‍സിനെ നശിപ്പിക്കുമ്പോഴാണ് ടൈപ്പ് 1 പ്രമേഹം ഉണ്ടാകുന്നത്.

ഇന്ന് മിക്കവരിലും കണ്ട് വരുന്ന ഒരു പ്രമേഹമാണ് ടൈപ്പ് 2 പ്രമേഹം. രക്തത്തിലെ പഞ്ചസ്സാരയുടെ അളവ് നിയന്ത്രിക്കാന്‍ വേണ്ടവിധത്തില്‍ ഇന്‍സുലിന്‍ ഉല്‍പാദിപ്പിക്കാതെ വരുമ്പോഴാണ്
ടൈപ്പ് 2 പ്രമേഹം പലരിലും വരുന്നത്. ഇത് കൂടാതെ, ചിലര്‍ക്ക് ഗര്‍ഭിണിയായിരിക്കുമ്പോള്‍ പ്രമേഹം വരുന്നതിന് സാധ്യതകള്‍ ഉണ്ട്. ഇതിനെയാണ് ജസ്റ്റേഷ്ണല്‍ ഡയബറ്റ്‌സ് എന്ന് വിശേഷിപ്പിക്കുന്നത്.

​പ്രമേഹത്തിന്റെ ലക്ഷണങ്ങള്‍​

നിങ്ങള്‍ക്ക് പ്രമേഹം ഉണ്ടെങ്കില്‍ ഇടയ്ക്കിടയ്ക്ക് മൂത്രം ഒഴിക്കാന്‍ തോന്നുകയും അതുപോലെ, അമിതമായി ദാഹം അനുഭവപ്പെടുകയും ചെയ്യും. പ്രമേഹം അമിതമാണെങ്കില്‍ ചിലര്‍ക്ക് നന്നായി ശരീരഭാരം കുറയുന്നത് കാണാം. അതുപോലെ, കാഴ്ച്ചയില്‍ ചില മങ്ങലുകളും കാണാം.

നിങ്ങള്‍ക്ക് ടൈപ്പ് 2 പ്രമേഹമാണ് ഉള്ളതെങ്കില്‍ പ്രാരംഭഘട്ടത്തില്‍ ലക്ഷണങ്ങള്‍ അമിതമായി കണ്ടെന്ന് വരികയില്ല. എന്നാല്‍, സാവധാനത്തില്‍ ഇവ പ്രത്യക്ഷപ്പെടാനുള്ള സാധ്യതയും ഉണ്ട്. അതിനാല്‍, നിങ്ങള്‍ക്ക് മേല്‍ പറഞ്ഞ എന്തെങ്കിലും ലക്ഷണം കണ്ട് കഴിഞ്ഞാല്‍ ഉടനെ തന്നെ ഡോക്ടറെ കാണേണ്ടത് അനിവാര്യമാണ്.

രാത്രി ഈ ആഹാരങ്ങള്‍ ആരുത്‌

​റാഗി പ്രമേഹരോഗികള്‍ക്ക് നല്ലതോ?​

നിരവധി പോഷകങ്ങളാല്‍ സമ്പന്നമാണ് റാഗി. അതിനാല്‍ തന്നെ ഇത് പ്രമേഹരോഗികള്‍ക്ക് ബ്ലഡ് ഷുഗര്‍ ലെവല്‍ നിയന്ത്രിക്കാനും സഹായിക്കുന്നുണ്ട്. റാഗിയില്‍ പൊതുവില്‍ മറ്റുധാന്യങ്ങളെ അപേക്ഷിച്ച് ഗ്ലൈസമിക് ഇന്‍ഡക്‌സ് റേയ്റ്റ് വളരെ കുറവാണ്. ഗ്ലൈസമിക് ഇന്‍ഡക്‌സ് വളരെ കുറവായതിനാല്‍ തന്നെ ഇത് രക്തത്തിലേയ്ക്ക് പുറംതള്ളുന്ന ഗ്ലൂക്കോസിന്റെ അളവും കുറവായിരിക്കും.

ഇത് കൂടാതെ, ഇതില്‍ ധാരാളം നാരുകള്‍ അടങ്ങയിരിക്കുന്നു. അതിനാല്‍ തന്നെ ഗ്ലൂക്കോസ് ലെവല്‍ വര്‍ദ്ധിക്കുന്നത് തടയാന്‍ ഇത് സഹായിക്കുന്നുണ്ട്. കൂടാതെ, ഇതില്‍ അടങ്ങിയിരിക്കുന്ന കാല്‍ത്സ്യം, അയേണ്‍, ആന്റിഓക്‌സിഡന്റ്‌സ് എന്നിവയെല്ലാം മൊത്തത്തിലുള്ള ആരോഗ്യത്തെ നിലനിര്‍ത്താനും സഹായിക്കുന്നവയാണ്.

​അമിതവണ്ണം​

പല പ്രമേഹ രോഗികളും നേരിടുന്ന മറ്റൊരു പ്രശ്‌നമാണ് അമിതവണ്ണം. റാഗിയില്‍ നന്നായി നാരുകള്‍ അടങ്ങിയിരിക്കുന്നതിനാല്‍ തന്നെ ഇത് ശരീരഭാരം വര്‍ദ്ധിക്കാതിരിക്കാന്‍ സഹായിക്കുന്നുണ്ട്. അതുപോലെ തന്നെ റാഗി ഗ്ലൂട്ടന്‍ ഫ്രീ ആയതിനാല്‍ നിങ്ങള്‍ക്ക് ദഹന പ്രശ്‌നങ്ങളും കുറവായിരിക്കും. നമ്മള്‍ കഴിക്കുന്ന ആഹാരം കൃത്യമായി ദഹിച്ചില്ലെങ്കിലും ഇത് രക്തത്തിലെ ഗ്ലൂക്കോസിന്റെ അളവ് വര്‍ദ്ധിക്കുന്നതിന് കാരണമാണ്.

​ശ്രദ്ധിക്കേണ്ടത്​

ഏതൊരു ആഹാരമായാലും കഴിക്കുമ്പോള്‍ അത് മിതമായി തന്നെ കഴിക്കാന്‍ ശ്രദ്ധിക്കണം. അമിതമായി കഴിച്ചാല്‍ റാഗിയും കുറച്ച് അപകടകാരിയാണ്. കാരണം, റാഗിയില്‍ കാര്‍ബ്‌സ് അടങ്ങിയിരിക്കുന്നതിനാല്‍ മിതമായ അളവില്‍ മാത്രം കഴിക്കാന്‍ ശ്രദ്ധിക്കുക. ഇല്ലെങ്കില്‍ അത് പ്രമേഹം കൂട്ടുന്നതിന് മറ്റൊരു കാരണമായി മാറും.