‘ആഴ്ചകളായി ഉറങ്ങിയിട്ട്’; ഡിഐജി വിജയകുമാർ സ്വയം നിറയൊഴിച്ച് ജീവനൊടുക്കി; അനുശോചിച്ച് സ്റ്റാലിൻ
ഡിഐജിയുടെ മരണത്തിൽ അന്വേഷണം ആരംഭിച്ചിട്ടുണ്ട്. മൃതദേഹം കോയമ്പത്തൂരിലെ മെഡിക്കൽ കോളജ് ആശുപത്രിയിലേക്ക് മാറ്റിയിരിക്കുകയാണ്. ഇന്ന് രാവിലെ ക്യാമ്പിലാണ് സംഭവം
ഹൈലൈറ്റ്:
- ഡിഐജി ആത്മഹത്യ ചെയ്തു
- മരിച്ചത് കോയമ്പത്തൂർ ഡിഐജി വിജയകുമാർ
- അനുശോചിച്ച് എംകെ സ്റ്റാലിൻ
ആത്മഹത്യയുടെ കാരണം ഇതുവരെയും വ്യക്തമല്ല. വിജയകുമാർ വിഷാദരോഗത്തിന് ചികിത്സ തേടിയിരുന്നതായി റിപ്പോർട്ടുകൾ പുറത്തുവരുന്നുണ്ട്. 6.45 ഓടെയാണ് നടത്തത്തിന് ശേഷം വിജയകുമാർ ക്യാമ്പ് ഓഫീസിലെത്തിയത്. ഇതിന് പിന്നാലെ 6.50 ഓടെ ഇദ്ദേഹം സ്വയം നിറയൊഴിക്കുകയായിരുന്നെന്നാണ് റിപ്പോർട്ട്.
Also Read : രാഹുൽ ഗാന്ധിയ്ക്ക് എംപി സ്ഥാനം തിരികെ ലഭിക്കുമോ? അപ്പീലിൽ വിധി ഇന്ന്
കെഎസ്‌ഇബി കുഴിച്ച ചാലിൽ മിനി ലോറി താഴ്ന്നു
ഡ്യൂട്ടിയിലുണ്ടായിരുന്ന മറ്റു പോലീസ് ഉദ്യോഗസ്ഥർ വിവരമറിയിച്ചതിനെത്തുടർന്ന് മുതിർന്ന ഉദ്യോഗസ്ഥർ സ്ഥലത്തേക്ക് എത്തുകയായിരുന്നു. ഏതാനും ആഴ്ചകളായി തനിക്ക് ശരിയായി ഉറങ്ങാൻ കഴിയുന്നില്ലെന്നും കടുത്ത വിഷാദത്തിലായിരുന്നുവെന്നും വിജയകുമാർ സഹപ്രവർത്തകരോട് പറഞ്ഞിരുന്നു. ആത്മഹത്യയുടെ കാരണം ഇതുവരെ വ്യക്തമായിട്ടില്ലെന്ന് പോലീസ് പറഞ്ഞു.
Also Read : സംസ്ഥാനത്ത് വീണ്ടും മഴ ശക്തമാകും; രണ്ട് ജില്ലകളിൽ റെഡ് അലേർട്ട്
വിജയകുമാർ 2009ലാണ് സർവീസിൽ പ്രവേശിച്ചത്. കാഞ്ചീപുരം, കടലൂർ, നാഗപട്ടണം, തിരുവാരൂർ എന്നിവിടങ്ങളിൽ എസ്പിയായി പ്രവർത്തിച്ചു. കഴിഞ്ഞ ജനുവരി ആറിനാണ് കോയമ്പത്തൂർ ഡിഐജിയായി ചുമതലയേറ്റത്. വിജയകുമാറിന്‍റെ മരണത്തിൽ അനുശോചിച്ച് മുഖ്യമന്ത്രി എംകെ സ്റ്റാലിൻ രംഗത്തെത്തി.
(ശ്രദ്ധിക്കുക,ആത്മഹത്യ ഒന്നിനും പരിഹാരമല്ല. നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ; ദിശ ഹെല്‍പ്പ്‍ലൈന്‍ – 1056 (ടോള്‍ ഫ്രീ)
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക