ഫൈമോസിസ്
പുരുഷന്മാര്‍ക്ക് വേദനയുണ്ടാക്കാവുന്ന ഒരു അവസ്ഥയാണ് ഫൈമോസിസ്. ഇത് ബന്ധപ്പെടുമ്പോള്‍ വേദനയുണ്ടാകുന്ന പുരുഷന്മാര്‍ മാത്രമല്ല, ആണ്‍കുട്ടികളുടെ മാതാപിതാക്കള്‍ കൂടി അറിഞ്ഞിരിയ്‌ക്കേണ്ട ഒന്നാണ്. കാരണം എങ്കില്‍ മാത്രമേ ഈ പ്രശ്‌നത്തിന് പരിഹാരം കാണാന്‍ സാധിയ്ക്കൂ.
ഫൈമോസിസ് എന്നത് ലിംഗാഗ്ര ചര്‍മം പുറകോട്ട് നീങ്ങാത്ത അവസ്ഥയാണ്. ചെറിയ കുട്ടികളില്‍ ഇത് സാധ്യമല്ലെങ്കിലും മൂന്ന് വയസിന് ശേഷം ഇത് സാധ്യമാകുന്നു. 10-12 വയസാകുമ്പോള്‍ ഇത് പൂര്‍ണമായും പുറകോട്ട് നീക്കാന്‍ സാധിയ്ക്കും. എന്നാല്‍ ഇതിന് സാധിയ്ക്കാത്ത അവസ്ഥയാണ് ഫൈമോസിസ്.
ഡെങ്കിപ്പനി അറിയേണ്ടതെല്ലാം
ഡെങ്കിപ്പനി അറിയേണ്ടതെല്ലാം
ചെറിയ കുട്ടികളില്‍
ഇത് വരാന്‍ കാരണം പലതുമുണ്ട്. ചെറിയ കുട്ടികളില്‍ ഇത് സാധിയ്ക്കില്ല. ഇത് സാധാരണയാണ്. ഇതിനാല്‍ ഈ പ്രായത്തില്‍ കുട്ടികളുടെ ഫോര്‍സ്‌കിന്‍ പുറകോട്ട് നീക്കി ക്ലീനാക്കാന്‍ ശ്രമിയ്ക്കുകയുമരുത്. ഇത് മുറിവുകള്‍ ഉണ്ടാകാനും വടുക്കളുണ്ടാകാനും ഫൈമോസിസ് എന്ന അവസ്ഥ വരാനും കാരണമാകും. അതായത് ഫോര്‍സ്‌കിന്‍ പുറകോട്ട് മാറ്റാന്‍ പറ്റാത്ത പ്രായത്തില്‍ ഇത് ബലമായി വലിച്ച് നീക്കാന്‍ ശ്രമിയ്ക്കരുത്. ഇത് ഈ പ്രായത്തില്‍ നോര്‍മലാണ്.
കൗമാരമെത്തുമ്പോള്‍
എന്നാല്‍ കൗമാരമെത്തുമ്പോള്‍ മുതല്‍ ഇത് അനായാസം പുറകോട്ട് നീക്കാന്‍ സാധിയ്ക്കും. ഈ ഭാഗം കൃത്യമായി വൃത്തിയാക്കേണ്ടത് അത്യാവശ്യവുമാണ്. ദിവസവും ഈ ഭാഗം ഇതേ രീതിയില്‍ വൃത്തിയാക്കണം. ഇതല്ലെങ്കില്‍ ഈ ഭാഗത്ത് സ്‌മെഗ്മ എന്ന ഒരു വെളുത്ത പദാര്‍ത്ഥം രൂപപ്പെടും. ഇത് കൃത്യമായി വൃത്തിയാക്കിയില്ലെങ്കില്‍ അണുബാധയ്ക്കും ഗുരുതരമായാല്‍ ഭാവിയില്‍ വന്ധ്യതാ പ്രശ്‌നങ്ങള്‍ക്കും വരെ കാരണമാകാം. ബെലനൈറ്റിസ്, ബെലനോപോസ്‌റ്റൈറ്റിസ് എന്നീ ഇന്‍ഫെക്ഷനുകള്‍ വരാന്‍ സാധ്യതയുണ്ട്. തെല്ലാം വര്‍ദ്ധിച്ച് വന്നാല്‍ ഏറെ ദോഷം വരുത്തുന്ന ഒന്നാണ്. ഇതെല്ലാം ഈ ഭാഗത്തെ കോശങ്ങള്‍ക്ക് പ്രശ്‌നം വരുത്തുന്നു. ഇതെല്ലാം പല തരം ചര്‍മ രോഗങ്ങള്‍ക്ക് വരെ കാരണമാകുന്നു.
ചെറിയ പ്രായത്തില്‍
ഫൈമോസിസിന് ചെറിയ പ്രായത്തില്‍ ബുദ്ധിമുട്ടുണ്ടാകാന്‍ സാധ്യതയില്ല. എന്നാല്‍ കൗമാരത്തിലേയ്ക്ക് കടക്കുമ്പോള്‍ ഇടയ്ക്കിടെ മൂത്ര അണുബാധയുണ്ടാകാം. ഈ ഭാഗത്ത് വേദനയുണ്ടാകാം, ഇവിടം വീര്‍ത്തു വരാം. ഇതെല്ലാം മൂത്ര വിസര്‍ജനത്തിന് വരെ ബുദ്ധിമുട്ടുണ്ടാക്കുന്നു. ഇതല്ലെങ്കില്‍ ഭാവിയില്‍ ലൈംഗിക ബന്ധത്തിന്റെ സമയം വരുമ്പോള്‍ ഇത് ഏറെ വേദനയുണ്ടാക്കുന്നു. ഇതു പോലെ തന്നെ ലൈംഗിക ബന്ധം വരെ നടക്കാതിരിയ്ക്കും. ബന്ധപ്പെടാന്‍ ശമിയ്ക്കുമ്പോള്‍ വേദന കാരണം ഉദ്ധാരണക്കുറവ് വരെ വരാം. ഇത് മനസില്‍ ഭയമുണ്ടാക്കുന്നു. പിന്നീട് സെക്‌സിനോട് ഭയവും ഉത്കണ്ഠയുമെല്ലാമുണ്ടാകുന്നു.
ഇത്തരം പ്രശ്‌നമെങ്കില്‍
ഇത്തരം പ്രശ്‌നമെങ്കില്‍ ലിംഗാഗ്ര ചര്‍മം സര്‍ജറിയിലൂടെ നീക്കുകയെന്നത് ഒരു വഴിയാണ്. ഇത് അത്ര വലിയ പ്രശ്‌നമല്ലെങ്കില്‍ ഡോക്ടര്‍ക്ക് ചില ഓയിന്റ്‌മെന്റുകളും മറ്റും നല്‍കാന്‍ സാധിയ്ക്കും. കുട്ടികളില്‍ മാത്രമല്ല, മുതിര്‍ന്നവരിലും സര്‍കംസിഷന്‍ അഥവാ ലിംഗാഗ്ര ചര്‍മം നീക്കുന്നത് സാധ്യമാണ്. ഇത് അനസ്‌തേഷ്യ നല്‍കി ചെയ്യാവുന്ന ഒന്നാണ്. ചെറിയ കുട്ടികളിലെങ്കില്‍ ഇത് ലോക്കല്‍ അനസ്‌തേഷ്യ വഴി ചെയ്യാന്‍ സാധിയ്ക്കും.