തിലകനും ജഗതിയും ഇന്നസെൻ്റുമൊക്കെ ചേരുന്ന മലയാള ടച്ചുള്ള ‘ഫാസ്റ്റ് എക്സ്’, പൊട്ടി ചിരിച്ച് കാഴ്ചക്കാർ

കാഴ്ചക്കാരെ പൊട്ടി ചിരിപ്പിക്കുന്ന വീഡിയോ എന്തായാലും സോഷ്യൽ മീഡിയയിൽ വൈറലായി കഴിഞ്ഞു എന്ന് തന്നെ പറയാം. കൃത്യമായി താരങ്ങളുടെ തലകൾ എഡിറ്റ് ചെയ്ത് ചേർത്തിരിക്കുന്നത് ഏറെ രസകരമാണെന്നാണ് പലരുടെയും അഭിപ്രായം. മുൻപ് ഗോഡ് ഫാദർ സിനിമയുടെ രംഗങ്ങളും ഇതുപോലെ എഐ ടൂൾ ഉപയോഗിച്ച് എഡിറ്റ് ചെയ്തിരുന്നത്. വമ്പൻ സ്വീകരണമായിരുന്നു ആ വീഡിയോയ്ക്കും ലഭിച്ചത്.
എഐ സാങ്കേതികത ഉപയോഗിച്ച് എത്രത്തോളം പെർഫക്റ്റ് എഡിറ്റിങ്ങ് നടക്കുമെന്നാണ് ഇപ്പോൾ ഈ വീഡിയോയിലൂടെ കാണിക്കുന്നത്.

ലോകത്തെ തന്നെ മാറ്റി മാറിച്ചുകൊണ്ട് എഐ അനുദിനം വളർന്നുകൊണ്ടിരിക്കുകയാണെന്ന് തന്നെ പറയാം. ഹാരിപോട്ടർ സിനിമയിലെ താരങ്ങളെ സബ്യസാചി വസ്ത്രങ്ങൾ അണിയിച്ച് പുനരാവിഷ്കാരം നടത്തിയതും സോഷ്യൽ മീഡിയ ഏറ്റെടുത്തിരുന്നു. തൃശൂർ പൂരത്തിലെ എ ഐ ആവിഷ്കാരം, സ്വാതന്ത്ര്യ സമര സേനാനികളുടെ എഐ സെൽഫികൾ എന്നിവയെല്ലാം ഈ അടുത്തിടെ വളരെ പ്രശസ്തമായിരുന്നു. എന്തായാലും സംഗതി സോഷ്യൽ മീഡിയയിൽ വലിയ ഹിറ്റാണ്.

പക്ഷെ ഇത്തരം ടൂളുകൾ ദുരുപയോഗം ചെയ്യാതിരിക്കേണ്ടതും വളരെ പ്രധാനമാണ്. ഗോഡ് ഫാദറിൻ്റെ എഐ ആവിഷ്കാരം ചെയ്ത കലാകാരനും വീഡിയോ വൈറലായതോടെ തനിക്ക് ഭയമാണ് തോന്നുന്നതെന്ന് പറഞ്ഞത് ഏറെ ശ്രദ്ധ നേടിയിരുന്നു. എഐ മനുഷ്യ ബുദ്ധിയെ മറികടക്കുമെന്നാണ് എഐയുടെ സൃഷ്ടാവായ ജെഫ്രി ഹിൻ്റൺ മുൻപ് പ്രതികരിച്ചിരിന്നത്.

English Summary: Fast x malayalam comedy remake

കൂടുതൽ വൈറൽ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.