പ്രതിരോധ ശേഷി കുറയ്ക്കുന്ന ഈ ഭക്ഷണങ്ങളെ അകറ്റി നിർത്തിയാൽ ആരോഗ്യം സംരക്ഷിക്കാം
രോഗപ്രതിരോധ ശേഷിയെ കുറയ്ക്കുന്ന ചില ഭക്ഷണങ്ങൾ കഴിക്കുന്നത് ഒഴിവാക്കേണ്ടത് വളരെ പ്രധാനമാണ്. ഈ ലേഖനത്തിൽ പറയുന്നതും അത്തരം ചില ഭക്ഷണങ്ങളാണ്.
പഞ്ചസാര
പഞ്ചസാര ശരീരത്തിന് അത്ര നല്ലതല്ല എന്നതാണ് സത്യം. ശരീരത്തിൽ പഞ്ചസാരയുടെ അളവ് കൂടുന്നത് പല ആരോഗ്യ പ്രശ്നങ്ങൾക്കും കാരണമാകും. ഉയർന്ന പഞ്ചസാരയുടെ അളവ് നിങ്ങളുടെ ശരീരത്തിലെ വെളുത്ത രക്താണുക്കളുടെ പ്രവർത്തനത്തെ തടയുകയും ബാക്ടീരിയകളെയും വൈറസുകളെയും ചെറുക്കുന്നതിൽ പരാജയപ്പെടുകയും ചെയ്യും. ഇത് നിങ്ങളുടെ ശരീരത്തിന്റെ പ്രതിരോധ സംവിധാനത്തെ ക്രമേണ ദുർബലപ്പെടുത്തുന്നു. അതുകൊണ്ട് കൃത്രിമ പഞ്ചസാര കഴിക്കുന്നത് ഒഴിവാക്കുന്നത് നല്ലതാണ്.
മഴക്കാലത്ത് നെയ്യുടെ ഉപയോഗങ്ങൾ എന്തൊക്കെ
മഴക്കാലത്ത് നെയ്യുടെ ഉപയോഗങ്ങൾ എന്തൊക്കെ
സോഡിയം കൂടുതലുള്ള ഭക്ഷണങ്ങൾ
അമിതമായ സോഡിയം നമ്മുടെ ശരീരത്തിലെ രക്തസമ്മർദ്ദം വർദ്ധിപ്പിക്കുകയും പ്രതിരോധശേഷി കുറയ്ക്കുകയും ചെയ്യുന്നു. അതിനാൽ ബിപി ഉള്ളവരും ഹൃദയസംബന്ധമായ പ്രശ്നങ്ങൾ നേരിടുന്നവരും സോഡിയം കൂടുതലുള്ള ഭക്ഷണങ്ങൾ ഒഴിവാക്കണം. ദൈനംദിന ഭക്ഷണത്തിൽ അമിതമായി ഉപ്പ് ഉപയോഗിക്കുന്നവർ അത് കുറയ്ക്കുന്നത് ആരോഗ്യത്തിന് ഏറെ ഗുണം ചെയ്യും.
വറുത്ത ഭക്ഷണങ്ങൾ
എണ്ണയിൽ വറുത്ത ഭക്ഷണങ്ങൾ ഇഷ്ടമില്ലാത്ത ആളുകൾ വളരെ കുറവായിരിക്കും. വറുത്ത ഭക്ഷണങ്ങൾ പതിവായി കഴിക്കുന്നത് ആരോഗ്യത്തിന് അത്ര നല്ലതല്ല. ഇത് ധാരാളമായി ഉപ്പ് അടങ്ങിയിട്ടുണ്ട്. വളരെ അപൂർവവും മിതവുമായ രീതിയിൽ വറുത്ത ഭക്ഷണങ്ങൾ കഴിക്കുന്നതാണ് ആരോഗ്യത്തിന് ഏറെ നല്ലത്. പതിവായി കഴിക്കുന്നത് സമ്മർദ്ദവും വീക്കവുമുണ്ടാകാൻ കാരണമാകും. ഇത് രോഗപ്രതിരോധ ശേഷി കുറയ്ക്കാനും സഹായിക്കും.
സംസ്കരിച്ച ഭക്ഷണങ്ങൾ
ഇന്നത്തെ കാലത്ത് പുറത്ത് നിന്ന് ഭക്ഷണം കഴിക്കാൻ ഇഷ്ടമുള്ളവരാണ് ഭൂരിഭാഗം ആളുകളും. ആരോഗ്യകരമായി വീട്ടിൽ പാകം ചെയ്യുന്ന ഭക്ഷണങ്ങളെ പാടെ ഒഴിവാക്കി സംസ്കരിച്ച ഭക്ഷണങ്ങൾ പോലെയുള്ളവ കഴിക്കാൻ പലർക്കും ആഗ്രഹം കൂടുതലാണ്. എന്നാൽ ഇത് ആരോഗ്യത്തിന് അത്ര നല്ലതല്ല. സോഡ പോലുള്ള ശീതളപാനീയങ്ങൾ ആരോഗ്യത്തെ മോശമായി ബാധിക്കാറുണ്ട്. സ്ഥിരമായി ഇത് ഉപയോഗിക്കുന്നത് പ്രതിരോധശേഷി കുറയ്ക്കാൻ കാരണമാകും.
മദ്യപാനം
മദ്യപാനം ആരോഗ്യത്തിന് ഹാനികരമാണെന്ന് പലർക്കും അറിയാം. മദ്യപാനം പല തരത്തിലുള്ള ആരോഗ്യ പ്രശ്നങ്ങൾക്ക് കാരണമാകാറുണ്ട്. ഹൃദ്രോഗം പോലുള്ള പല രോഗങ്ങൾക്ക് കാരണമാകും. ദിവസവും മദ്യപിക്കുന്നവരുടെ രോഗപ്രതിരോധ ശേഷി വളരെ കുറവായിരിക്കും എന്നതാണ് യാഥാർത്ഥ്യം. ശരീരത്തിൽ അണുബാധ വർദ്ധിക്കുകയും അണുബാധയെ ചെറുക്കുന്നതിൽ നിങ്ങളുടെ ശരീരം പരാജയപ്പെടുകയും ചെയ്തേക്കാം. അതുകൊണ്ട് മദ്യപാനം പരമാവധി നിർത്തുന്നത് നല്ലതാണ്. ഗോയൽ പറയുന്നു.
English Summary: Foods which affects your immunity
Disclaimer: പൊതുവിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ പ്രശ്നങ്ങളുള്ളവർ വിദഗ്ധരുടെ അഭിപ്രായം തേടിയ ശേഷം പിന്തുടരുക.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക