ആർത്തവ സമയത്ത് ലീക്ക് ഉണ്ടായാൽ പേടിക്കുക അല്ല ചെയ്യേണ്ടത്, മറിച്ചോ?

അനുഭവം പങ്കുവെച്ച് നടി

ഈ അടുത്ത കാലത്ത് മലയാള നടി സ്വാസിക ഒരു പൊതുപരിപാടിയിൽ വച്ച് പിരീഡ്സ് ലീക്കായതിനെക്കുറിച്ച് സംസാരിച്ചത് ഏറെ വൈറലായിരുന്നു. പരിപാടിയിൽ ദീ‍ർഘനേരം ഇരുന്നത് കൊണ്ടോ കാലാവസ്ഥ പ്രശ്നം കൊണ്ടോ ഓവർ ഫ്ലോ ഉണ്ടാകുകയും വസ്ത്രങ്ങളിൽ സ്റ്റേൻസ് ഉണ്ടാകുകയും ചെയ്തെന്ന് നടി വെളിപ്പെടുത്തി. അത്രയും ക്യാമറയ്ക്ക് മുൻപിൽ നടന്ന സംഭവമാണെങ്കിലും അതിൻ്റെ ഒരു ചിത്രമോ വീഡിയോയോ ഇതുവരെ പുറത്ത് വന്നിട്ടില്ലെന്നും നടി പറഞ്ഞിരുന്നു. ആർക്കും എപ്പോൾ വേണമെങ്കിലും ഇത്തരം അനുഭവങ്ങൾ ഉണ്ടാകാം. എന്നാൽ ഈ ഒരു അവസ്ഥ ഉണ്ടായാൽ എങ്ങനെ അതിനെ കൈകാര്യം ചെയ്യുന്നു എന്നതാണ് ഏറ്റവും പ്രധാനം.
​

ആർത്തവക്രമക്കേടും കാരണങ്ങളും വേണ്ട പ്രതിവിധിയും ഇവ

വിഷമിക്കാതിരിക്കുക

ആർത്തവരക്തം ലീക്ക് ആകുന്നത് ഒരു വലിയ പ്രശ്നമായി കരുതേണ്ട ആവശ്യമില്ല. നിങ്ങളുടെ വ്യക്തിത്വത്തെ അളക്കുന്നതല്ല ആ സംഭവമെന്ന് മനസിലാക്കാൻ ശ്രമിക്കുക. ഈ ഒരു സംഭവം ഒന്നിൽ നിന്നും നിങ്ങളെ പിന്തിരിപ്പിക്കാതിരിക്കാൻ ശ്രമിക്കുക. സ്വയം ദേഷ്യമോ വിഷമോ തോന്നാതിരിക്കാനും പ്രത്യേകം ശ്രദ്ധിക്കണം. ഇത് എല്ലാവർക്കും സംഭവിക്കാവുന്നതാണെന്ന് മനസിലാക്കുക.

മറയ്ക്കാൻ ശ്രമിക്കുക

പ്രതീക്ഷിക്കാതെ ഇങ്ങനെ ഒരു സംഭവം ഉണ്ടാകുന്നത് തികച്ചും സ്വാഭാവികമാണ്. എപ്പോഴും കൈയിൽ മറ്റൊരു ബദൽ മാർഗം കണ്ട് കരുതേണ്ടത് കുറച്ച് പ്രധാനമാണ്. വസ്ത്രങ്ങളിൽ കറ പറ്റിയാൽ അത് മറയ്ക്കാൻ എന്തെങ്കിലും ഒരു മാർഗം കണ്ടെത്തുക. മറ്റ് വസ്ത്രങ്ങളോ അല്ലെങ്കിൽ ജാക്കറ്റോ ഉപയോഗിച്ച് ആ കറ മറയ്ക്കാൻ ശ്രമിക്കുക. പെട്ടെന്ന് മറ്റൊരു പരിഹാര മാർഗം കണ്ടെത്താൻ സാധിച്ചില്ലെങ്കിൽ ഇത്തരത്തിൽ കറ മറയ്ക്കുന്നത് ഒരു നല്ല മാർഗമാണ്.

ബാത്ത്റൂം കണ്ടെത്താൻ ശ്രമിക്കുക

ആർത്തവ ക്രമക്കേടുകളെ കുറിച്ച് നിങ്ങൾക്ക് ആർത്തവ ഉത്കണ്ഠയുണ്ടാകാം, എന്നാൽ പൊതുസ്ഥലത്ത് ആർത്തവക്കറ പുറത്ത് വന്നാൽ അതിൽ വിഷമിക്കുകയോ അല്ലെങ്കിൽ ലജ്ജിക്കേണ്ടതില്ലെന്നാണ് വിദഗ്ധർ പറയുന്നത്. പെട്ടെന്ന് ആ‍ർത്തവ ചോർച്ച ഉണ്ടായാൽ തീ‍ർച്ചയായും ആദ്യം ചെയ്യണ്ടേത് ഒരു ബാത്ത്റൂം കണ്ടെത്തുക എന്നതാണ്. ടിഷ്യൂ പേപ്പർ ഉണ്ടെങ്കിൽ അത് ഉപയോഗിച്ച് ഒരു സാനിറ്ററി പാഡ് മോഡൽ തയാറാക്കാൻ ശ്രമിക്കുക. ഇത് പലപ്പോഴും ഒരു പരിഹാര മാർഗമായി ഉപയോഗിക്കാവുന്നതാണ്. ആരെങ്കിലും പാഡ് വാങ്ങാൻ പോയിട്ടുണ്ടെങ്കിൽ തീർച്ചയായും ബാത്ത്റൂമിൽ തുടരുന്നത് ഒരു നല്ല കാര്യമാണ്.

ശാന്തമാകാൻ ശ്രമിക്കുക

ഇത്തരം സന്ദർഭങ്ങളിൽ മനസിനെ പെട്ടെന്ന് ബാധിക്കുമെന്നത് യാഥാർത്ഥ്യമാണ്. പക്ഷെ മനസിനെ പഴയ നിലയിലാക്കാൻ ശ്രമിക്കേണ്ടത് ഏറെ പ്രധാനമാണ്. ഒരു പ്രാവശ്യം ഇത്തരത്തിലൊരു അനുഭവമുണ്ടായാൽ എവിടെയെങ്കിലും പോകുമ്പോൾ പിന്നെയും പേടി ഉണ്ടാകുന്നത് സ്വാഭാവികമാണ്. അതുകൊണ്ട് തന്നെ മനസിനെ ശാന്തമാക്കേണ്ടത് ഏറെ പ്രധാനമാണ്. ഇത് കാരണം ഉറക്ക പ്രശ്നവും മറ്റ് മാനസിക സമ്മർദ്ദവും ഉണ്ടാകാനുള്ള സാധ്യത ഏറെ കൂടുതലാണ്. അതുകൊണ്ട് തന്നെ ഇത്തരം മാനസിക ബുദ്ധിമുട്ടുകൾ വേഗത്തിൽ മാറ്റാൻ ശ്രമിക്കുക.

English Summary: Periods leak tips

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ വിദഗ്ധരുടെ അഭിപ്രായം തേടിയ ശേഷം മാത്രം പിന്തുടരുക.

​കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​