പാകം ചെയ്തതും അല്ലാത്തതുമായ ഭക്ഷണങ്ങൾ ഒരുമിച്ച് കഴിക്കാൻ പാടില്ല, അതിന് പിന്നിൽ ഒരു കാരണമുണ്ട്

ദഹനം സങ്കീർണമാക്കുന്നു

പാകം ചെയ്തതും അല്ലാത്തതുമായ ഭക്ഷണങ്ങൾ ഒരുമിച്ച് കഴിക്കുന്നത് ദഹന സംബന്ധമായ പ്രശ്നങ്ങൾക്ക് കാരണമാകുന്നു. പാകം ചെയ്ത ഭക്ഷണങ്ങൾക്ക് എളുപ്പത്തിൽ ദഹിക്കാൻ കഴിയുന്നു. ഇത് പാകം ചെയ്തത് ആയത് കൊണ്ട് തന്നെ വേഗത്തിൽ ശരീരത്തിന് പോഷകങ്ങൾ ആഗിരംണം ചെയ്യാൻ സാധിക്കുന്നു. അതേസമയം, പാകം ചെയ്യാത്ത ഭക്ഷണങ്ങൾ വളരെ വൈകി മാത്രമേ ദഹിക്കുകയുള്ളൂ.

നല്ല ഉറക്കം കിട്ടാൻ കഴിക്കേണ്ട ഭക്ഷണങ്ങൾ

ദഹനത്തെ ബാധിക്കുന്നു

ഏതൊരു ഭക്ഷണത്തിൻ്റെയും എല്ലാ ആരോഗ്യ ഗുണങ്ങളും ലഭിക്കാനും പോഷകങ്ങൾ നന്നായി ആഗിരണം ചെയ്യാനും കഴിയുമെങ്കിൽ അത് ആരോഗ്യകരമാണ്. ഇത് ഫുഡ് ഡൈജസ്റ്റബിലിറ്റി എന്നറിയപ്പെടുന്നു. കഴിക്കുന്ന ഭക്ഷണം അസംസ്‌കൃത രൂപത്തേക്കാൾ പാകം ചെയ്ത രൂപത്തിലാണെങ്കിൽ, അത് കൂടുതൽ ദഹിക്കുന്നതും പോഷക വിരുദ്ധ ഘടകങ്ങളുടെ അഭാവവുമാണ്. സസ്യഭക്ഷണത്തിലെ പോഷകങ്ങൾ ആഗിരണം ചെയ്യാനുള്ള ശരീരത്തിന്റെ കഴിവിനെ തടയുന്ന സംയുക്തങ്ങളാണ് ആന്റി ന്യൂട്രിയന്റുകൾ. കുടലിലെ വാതക രൂപീകരണത്തിന് പോലും ഇവ കാരണമായേക്കാം.

ദഹന സംബന്ധമായ പ്രശ്നങ്ങൾ

പാകം ചെയ്തതും അല്ലാത്തതുമായ ഭക്ഷണങ്ങൾ യോജിപ്പിക്കുന്നത് ദഹനം സംബന്ധമായ പ്രശ്നങ്ങൾക്ക് കാരണമാകുന്നു. വയറിൽ ഗ്യാസ് കയറാനും ദഹനം നടക്കാതിരിക്കാനുമൊക്കെ ഇത് കാരണമാകും. കാരണം, പാകം ചെയ്ത ഭക്ഷണത്തേക്കാൾ അസംസ്കൃത ഭക്ഷണങ്ങൾ ദഹിപ്പിക്കുന്നതിന് നമ്മുടെ ശരീരത്തിന് വളരെയധികം ഊർജ്ജവും പരിശ്രമവും ആവശ്യമാണ്. ഭക്ഷണം ചവച്ച് കഴിക്കുന്നതാണ് ദഹനത്തിൻ്റെ ആദ്യപടി. ചവച്ചരച്ച് കഴിച്ചില്ലെങ്കിൽ അത് ദഹനത്തിൽ പ്രശ്നങ്ങളുണ്ടാക്കുന്നു. ഭക്ഷണം പാകം ചെയ്യുമ്പോൾ ഇതിലെ നാരുകളും മറ്റും വേഗത്തിൽ ആഗിരണം ചെയ്യാൻ സഹായിക്കുമെന്നും ഗോയൽ പറയുന്നു.

എന്താണ് പ്രശ്നം?

ഭക്ഷണം ശേഷം വയർ വീർക്കുന്നത് ഒരു രോഗമല്ല, മറിച്ച് അതൊരു അവസ്ഥയാണ്. തെറ്റായ ഭക്ഷണശൈലി, മലബന്ധം എന്നിവയെല്ലാം ഈ അവസ്ഥയ്ക്ക് കാരണമാകാറുണ്ട്. എണ്ണ, ഉപ്പ് മറ്റ് ഔഷധ സസ്യങ്ങൾ എന്നിവ ഉപയോഗിച്ചാണ് ധാന്യങ്ങൾ, പച്ചക്കറികൾ, പയർവർഗ്ഗങ്ങൾ, ബീൻസ് എന്നിവയൊക്കെ പാകം ചെയ്യുന്നത്. പാകം ചെയ്യുന്നതോടെ ഈ ഭക്ഷണങ്ങളുടെ രാസ പൂരകം തന്നെ മാറുന്നുണ്ട്. മറുവശത്ത് – പഴങ്ങളും പച്ചക്കറി സലാഡുകളും പോലുള്ള അസംസ്കൃത ഭക്ഷണങ്ങളിൽ സജീവമായ ഫ്രൂട്ട് ആസിഡുകൾ, എൻസൈമുകൾ എന്നിവ സജീവമാണ്. ഈ ഭക്ഷണങ്ങളിൽ ജീവനുള്ള ബാക്ടീരിയകൾ ഉണ്ടാകാനുള്ള സാധ്യതയും വളരെ കൂടുതലാണ്.

ശ്രദ്ധിക്കേണ്ട കാര്യങ്ങൾ

പാകം ചെയ്ത ഭക്ഷണം കഴിക്കുമ്പോൾ അത് കഴിച്ച് അര മണിക്കൂറിന് ശേഷം വെള്ളം കുടിക്കാൻ ശ്രമിക്കുക. ഫ്രൂട്ട്സ് അല്ലെങ്കിൽ പച്ചക്കറികൾ കൊണ്ടുള്ള സാലഡുകൾ കഴിക്കാൻ ആഗ്രഹിക്കുന്നുണ്ടെങ്കിൽ അത് കഴിച്ച് രണ്ട് മണിക്കൂറിന് ശേഷം മാത്രം പാകം ചെയ്ത ഭക്ഷണം കഴിക്കുക. അത് മാത്രമല്ല പഴങ്ങളും പച്ചക്കറികളും ഒരുമിച്ച് കഴിക്കാൻ പാടില്ല. ഒരു സമയം ഇതിലേതെങ്കിലും ഒരെണ്ണം കഴിക്കുക. പാകം ചെയ്തതും അല്ലാത്തുമായ ഭക്ഷണം ഒരുമിച്ച് കഴിക്കാതിരിക്കുന്നത് കുടലിൻ്റെ ആരോഗ്യത്തെ സഹായിക്കും.

English Summary: Issues of cooked and uncooked foods

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ പ്രശ്നങ്ങളുള്ളവർ ഡോക്ടറുടെ നിർദേശപ്രകാരം മാത്രം പിന്തുടരുക.

​കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​