മെന്‍സ്ട്രല്‍ കപ്പ് ഉപയോഗിച്ചോളൂ, ഇത് വജൈനൽ അണുബാധ കുറയ്ക്കുമെന്ന് പഠനം

പണ്ട് കാലത്ത് സ്ത്രീകൾ തുണിയാണ് ഉപയോഗിച്ചിരുന്നത്, ഈ രീതി മാറിയാണ് സാനിറ്ററി പാഡുകൾ വന്നത്. പുത്തൻ സാങ്കേതിക വിദ്യ വന്നതോടെ ആണ് പുതിയ മെന്‍സ്ട്രല്‍ കപ്പുകൾ കോളിളക്കം സൃഷ്ടിച്ചത്. ആര്‍ത്തവത്തിന് ഉപയോഗിക്കുന്ന അതി നൂതന സംവിധാനമാണ് നിലവിലുള്ള മെന്‍സ്ട്രല്‍ കപ്പുകള്‍. കപ്പിൻ്റെ രൂപം പോലെ ഇരിക്കുന്നത് കാരണമാണ് ഇങ്ങനൊരു പേര് തന്നെ വന്നത്. കപ്പിൻ്റെ രൂപത്തിലിരിക്കുന്ന ഇതിൽ ആർത്തവ രക്തം സംഭരിച്ച് കളയാൻ സാധിക്കും. സാനിറ്ററി പാഡുകളെക്കാൾ കൂടുതൽ ഗുണങ്ങൾ ഉള്ളത് കൊണ്ട് തന്നെ ഇത് മികച്ചൊരു ഓപ്ഷനായി പല പെൺകുട്ടികളും സ്വീകരിക്കാറുണ്ട്. എന്നാൽ ഭൂരിഭാഗം പേരും ഭയം മൂലം കപ്പുകൾ ഉപയോഗിക്കുന്നില്ലെന്നുള്ള മറ്റൊരു യാഥാർത്ഥ്യം. പലര്‍ക്കും ഇതെക്കുറിച്ച് പല തെറ്റിദ്ധാരണകളുമുണ്ട്.

മെന്‍സ്ട്രല്‍ കപ്പിലേക്ക് മാറുന്നത് ആരോഗ്യ ഗുണങ്ങൾ നൽകുന്നുവെന്ന് ഗവേഷകരുടെ പുതിയ കണ്ടുപിടിത്തം സൂചിപ്പിക്കുന്നത്. കപ്പ് ഉപയോഗിക്കുന്നവരിൽ അണുബാധയ്ക്കുള്ള സാധ്യത കുറയുമെന്നാണ് പുതിയ പഠനം കണ്ടെത്തിയിരിക്കുന്നത്. കെനിയ ആസ്ഥാനമായുള്ള ഇല്ലിനോയിസ് യൂണിവേഴ്‌സിറ്റി ചിക്കാഗോയിലെ ഗവേഷകരാണ് ഇത് സംബന്ധിച്ച് പഠനം നടത്തിയത്. പഠനത്തിന്റെ അവസാനം, ആർത്തവ കപ്പുകളുള്ള പെൺകുട്ടികൾക്ക് വജൈനൽ ഇൻഫെക്ഷൻ ഉണ്ടാകാനുള്ള സാധ്യത 26% കുറവായിരുന്നു. കൂടാതെ ഒരു കപ്പ് ഉപയോഗിക്കാത്ത പെൺകുട്ടികളേക്കാൾ ഒപ്റ്റിമൽ യോനി മൈക്രോബയോം ഉണ്ടാകാനുള്ള സാധ്യത 37% കൂടുതലാണ്.

മൊത്തത്തിൽ, ആർത്തവ കപ്പുകൾ ലൈംഗികമായി പകരുന്ന അണുബാധകളുടെ സാധ്യത കുറയ്ക്കുന്നതായി തെളിയിച്ചിട്ടില്ല. എന്നാൽ പ്രായവും, പെൺകുട്ടികൾ ലൈംഗികമായി സജീവമാണോ എന്നതുപോലുള്ള ആശയക്കുഴപ്പമുണ്ടാക്കുന്ന ഘടകങ്ങളെ ഗവേഷകർ നിയന്ത്രിച്ചപ്പോൾ, ആർത്തവ കപ്പ് ഉപയോഗിക്കുന്നവരിൽ മൂത്രാശയ അണുബാധകൾ കുറയുന്നതായി കണ്ടെത്തിയിരുന്നു. പെൺകുട്ടികളുടെ ആർത്തവ ആരോഗ്യത്തിൽ മെൻസ്റ്റുറൽ കപ്പിനുള്ള പങ്ക് വളരെ വലുതാണെന്ന് പഠനത്തിൽ പങ്കെടുത്ത സുപ്രിയ മേത്ത പറഞ്ഞു. പഠനത്തിന്റെ ഭാഗമായി സംഘം വജൈനൽ അണുബാധയും അതുപോലെ ലൈംഗികമായി പകരുന്ന അണുബാധകളും പരിശോധിച്ചിരുന്നു. ആർത്തവ കപ്പുകൾ അണുബാധകൾ കുറയ്ക്കുന്നതായി ഇതുവരെയുള്ള ഫലങ്ങൾ കണ്ടെത്തിയിട്ടുണ്ട്. മറ്റ് ഏത് ഉപകരണത്തേക്കാളും മെൻസ്റ്റുറൽ കപ്പുകളാണ് കൂടുതൽ ഫലപ്രദമെന്ന് മേത്തയും സൂചിപ്പിക്കുന്നു. കപ്പുകളെ അപേക്ഷിച്ച് ടാംപൂണുകൾ ബാക്ടീരിയകളെ കൂടുതലായി വരുത്തുന്നു എന്നാണ് പഠനം പറയുന്നത്.

English Summary: Menstrual cup and women health

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ പ്രശ്നങ്ങളുള്ളവർ ഡോക്ടറുടെ ഉപദേശം തേടുക.
കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.