ഇത്തരത്തില്‍ വയറിന് മാത്രം വ്യായാമം ചെയ്യുമ്പോള്‍ അത് ശരീരത്തിന്റെ മറ്റ് ഭാഗങ്ങളെ കാര്യമായി ബാധിക്കുന്നുണ്ട്. ഇത്തരത്തില്‍ വയറിന് അമിതമായി വ്യായാമം ചെയ്യുമ്പോള്‍ ഉണ്ടാകുന്ന ദോഷഫലങ്ങള്‍ എന്തെല്ലാമെന്ന് നോക്കാം.
അമിതമായി വയര്‍ വെക്കുന്നതിന് പിന്നിലെ കാരണം
പലര്‍ക്കും തങ്ങള്‍ക്ക് വയര്‍ അമിതമായി ചാടുന്നു എന്നതാണ് പ്രശ്‌നം. വയര്‍ വെക്കുന്നതിനു പിന്നില്‍ പല കാരണങ്ങള്‍ ഉണ്ട്. അതില്‍ തന്നെ ഏറ്റവും പ്രധാനപ്പെട്ടത് നമ്മളുടെ ജീവിതരീതികള്‍ തന്നെയാണ്. പ്രത്യേകിച്ച് അമിതമായി മധുരം കഴിക്കുന്നതും കാര്‍ബോഹൈഡ്രേറ്റ് അടങ്ങിയ ആഹാരങ്ങള്‍ കഴിക്കുന്നതെല്ലാം തന്നെ നമ്മളുടെ വയര്‍ ചാടുന്നതിന് കാരണമാകുന്നു.
രണ്ടാമത്തെ കാര്യം യാതൊരു വിധത്തിലുള്ള ഫിസിക്കല്‍ ആക്ടിവിറ്റീസും ഇല്ലാത്തത് തന്നെയാണ്. അതുപോലെ അമിതമായി സ്‌ട്രെസ്സ് അനുഭവിക്കുന്നവരില്‍ വയര്‍ ചാടുന്നത് കണ്ട് വരുന്നുണ്ട്. ഇത് മാത്രമല്ല, ചിലര്‍ക്ക് എത്ര വ്യായാമം ചെയ്താലും വയര്‍ കുറഞ്ഞെന്ന് വരില്ല. ഇതിന് പ്രധാന കാരണം ഇവരുടെ ജന്മനായുള്ള ശരീരപ്രകൃതി അങ്ങിനെയായത് ആണ്. നല്ല പോലെ ഉറക്കം ഇല്ലെങ്കില്‍ അതും നിങ്ങളുടെ വയര്‍ ചാടുന്നതിന് കാരണമാകുന്നു.
ശരീരഭാരം കുറയ്ക്കാന്‍
ശരീര ഭാരം കുറക്കാൻ ഉപയോഗിക്കാം ഈ ടിപ്സ്
വയര്‍ കുറയ്ക്കാന്‍
വയര്‍ കുറയ്ക്കാന്‍ ഏറ്റവും ആദ്യം തന്നെ നല്ലപോലെ വ്യായാമം ചെയ്യണം. അതുപോലെ തന്നെ നല്ല ഹെല്‍ത്തി ഡയറ്റ് പിന്തുടര്‍ന്നാല്‍ നിങ്ങള്‍ക്ക് ഒരു പരിധിവരെ നിങ്ങളുടെ വയര്‍ കുറച്ച് മനോഹരമാക്കി നിലനിര്‍ത്താന്‍ സാധിക്കുന്നതാണ്. ഇതിനായി നിങ്ങളുടെ ഡയറ്റില്‍ നിന്നും ആദ്യം തന്നെ മധുരം ഒഴിവാക്കണം. അതുപോലെ ചോറ് അല്ലെങ്കില്‍ കാര്‍ബ്‌സ് അമിതമായി അടങ്ങിയ ആഹാരങ്ങള്‍ കഴിക്കുന്നത് കുറയ്ക്കണം. നല്ലപോലെ പ്രോട്ടീന്‍ ഫൈബര്‍ എന്നിവ അടങ്ങിയ ആഹാരങ്ങള്‍ കഴിക്കാവുന്നതാണ്.
അതുപോലെ, ഒരു ദിവസം കുറഞ്ഞത് 8 മണിക്കൂര്‍ ഉറങ്ങാന്‍ സാധിച്ചാല്‍ അത് ദഹനത്തെ സഹായിക്കും. നിങ്ങളിലെ സ്‌ട്രെസ്സ് കുറയ്ക്കാന്‍ നന്നായി ഉറങ്ങുന്നത് സഹായിക്കും. അതുപോലെ, എന്നും കൃത്യസമയത്ത് ആഹാരം കഴിക്കാന്‍ ശ്രദ്ധിക്കുന്നതും നല്ലതാണ്. ഇത് കൂടാതെ, മദ്യപാനം പുകവലി എന്നീ ദുശ്ശീലങ്ങളോട് വിടയും പറഞ്ഞാല്‍ നല്ല ആലില വയര്‍ നിങ്ങള്‍ക്കും സ്വന്തമാക്കാന്‍ സാധിക്കും.
വ്യായാമം അമിതമായാല്‍
പലരും വയര്‍ എങ്ങിനെയെങ്കിലും കുറയണം എന്ന ലക്ഷ്യത്തോടെ വയറിന് മാത്രം വ്യായാമം ചെയ്യുകയോ അല്ലെങ്കില്‍ വയറിന് അമിതമായി വ്യായാമം ചെയ്യുന്നതോ കാണാം. എന്നാല്‍, ഇത്തരത്തില്‍ വയറിന് മാത്രം അമിതമായി വ്യായാമം ചെയ്താല്‍ അത് ചില ആരോഗ്യ പ്രശ്‌നങ്ങളിലേയ്ക്ക് നമ്മളെ നയിക്കാം. അവ എന്തെല്ലാമെന്ന് നോക്കാം.
ഇതില്‍ ഏറ്റവും പ്രധാനപ്പെട്ട ആരോഗ്യ പ്രശ്‌നമായി ചൂണ്ടികാണിക്കുന്നത് ഡിസ്‌ക്ക് ബള്‍ജ് ആകുന്നതാണ്. നമ്മള്‍ ഏതെങ്കിലും ഫിസിക്കല്‍ ആക്ടിവിറ്റി അമിതമായി ചെയ്്താല്‍ അത് നമ്മളുടെ ഡിസ്‌ക്കിനെ ബാധിക്കുകയും ഡിസ്‌ക്ക് ബള്‍ജാവുകയും ചെയ്യും. ഈ അവസ്ഥ വന്ന് കഴിഞ്ഞാല്‍ കടുത്ത ബാക്ക് പെയ്ന്‍ നിങ്ങള്‍ക്ക് അനുഭവപ്പെടാം. അതുപോലെ വേദന കാരണം കൃത്യമായി നടക്കാന്‍ പറ്റാത്ത അവസ്ഥ, കാല്‍ ചലിക്കുമ്പോള്‍ വേദന എന്നിങ്ങനെ പല ബുദ്ധിമുട്ടുകള്‍ അനുഭവപ്പെടുന്നു.
പുറം വേദന
കഠിനമായിട്ടുള്ള പുറം വേദന മറ്റൊരു പ്രശ്‌നമായി കാണാം. നമ്മള്‍ അമിതമായി വയറിന് വ്യായാമം ചെയ്യുമ്പോള്‍ വയറിലെ മസില്‍സ് മാത്രമാണ് ബലപ്പെടുന്നത്. എന്നാല്‍ ശരീരത്തിന്റെ മറ്റ് ഭാഗത്തെ പേശികള്‍ക്ക് ബലം കുറയുകയും ഇത് ബാക്ക് പെയ്ന്‍ പോലെയുള്ള ആരോഗ്യ പ്രശ്‌നങ്ങളിലേയ്ക്ക് നയിക്കുകയും ചെയ്യുന്നുണ്ട്. നമ്മളുടെ ശരീരത്തിലെ പുറകുവശത്തെ പേശികളും ബലപ്പെടടാല്‍ മാത്രമാണ് എല്ല് തേയ്മാനം പോലെയുള്ള ആരോഗ്യ പ്രശ്‌നങ്ങള്‍ ഒഴിച്ച് നിര്‍ത്താന്‍ സാധിക്കുക. അതിനാല്‍, അമിതമായി വയറിന് മാത്രം വ്യായാമം ചെയ്യാതിരിക്കുക.
പേശികളിലേയ്ക്കുള്ള രക്തോട്ടം കുറയുന്നു
നമ്മള്‍ വയറിന് മാത്രം ശ്രദ്ധ കേന്ദ്രീകരിച്ച് വ്യായാമം ചെയ്യുമ്പോള്‍ പലതരം ആരോഗ്യ പ്രശ്‌നങ്ങള്‍ ഉണ്ടാകുന്നുണ്ട്. അതില്‍ തന്നെ ഒരു പ്രധാന ആരോഗ്യ പ്രശ്‌നമാണ് പേശികളിലേയ്ക്കുള്ള രക്തോട്ടം കുറയുന്നത്. നമ്മള്‍ക്കറിയാം പേശികളാണ് നമ്മളുടെ ശരീരത്തിന് ബലം നല്‍കുന്നത്. ബോഡ ഫിറ്റാക്കി നിര്‍ത്തുന്നതും പേശികള്‍ തന്നെ. ഇത്തരത്തില്‍ പേശികള്‍ നല്ല ആരോഗ്യത്തോടെ ഇരിക്കണമെങ്കില്‍ അതിലേയ്ക്ക് കൃത്യമായ രക്തോട്ടം വേണം.
എന്നാല്‍, വയറിന് മാത്രം ശ്രദ്ധ കേന്ദ്രീകരിച്ച് വ്യായാമം ചെയ്യുമ്പോള്‍ വയറ്റിലെ മസിലുകള്‍ ബലപ്പെടും. എന്നാല്‍ ബാക്കി മസിലുകളുടെ ആരോഗ്യം പതിയെ ക്ഷയിക്കുകയും ഇതിലേയ്ക്ക് രക്തോട്ടം കുറയുകയും ചെയ്യുന്നു. ഇത് ശരീരത്തിന് തളര്‍ച്ച, ക്ഷീണം, അമിതമായിട്ടുള്ള വേദന എന്നിവയെല്ലാം വരുന്നതിന് കാരണമാകുന്നുണ്ട്.
ശ്രദ്ധിക്കേണ്ട കാര്യങ്ങള്‍
വ്യായാമം ചെയ്യുമ്പോള്‍ എപ്പോഴും ബാലന്‍സ് ചെയ്ത് ചെയ്യാന്‍ ശഅരദ്ധിക്കുക. ശരീരത്തിന്റെ എല്ലാ ഭാഗത്തിനും കൃത്യമായ അളവില്‍ ബാലന്‍സ്ഡ് ആയിട്ടുള്ള വ്യായാമം ലഭിക്കുന്നതാണ് എല്ലായ്‌പ്പോഴും നല്ലത്. ഒരു ശരീരഭാഗം മാത്രം ശ്രദ്ധിച്ച് അമിതമായി വ്യായാമം ചെയ്യുന്നത് നമ്മളുടെ മൊത്തത്തിലുള്ള ബോഡിയ്ക്ക് നല്ലതല്ല. വയര്‍ മാത്രം കുറഞ്ഞ് മറ്റ് ശരീരഭാഗങ്ങളുടെ ആരോഗ്യം നശിച്ചാലും ആരോഗ്യം നഷ്ടപ്പെടും. അതിനാല്‍, എല്ലാം ബാലന്‍സ് ചെയ്ത് ചെയ്യാന്‍ ശ്രദ്ധിക്കാം.