സദ്ഗുരുവിൻ്റെ ആരോഗ്യത്തിന് പിന്നിൽ ഈ പ്രഭാത ഭക്ഷണമാണ്, ഗുണങ്ങൾ നിരവധി

ലളിതമായ ജീവിതം നയിക്കുന്ന അദ്ദേഹത്തിൻ്റെ പ്രഭാത ഭക്ഷണമാണ് എന്താണെന്നായിരിക്കും പലരും ചിന്തിക്കുന്നത്. അത് മറ്റൊന്നുമല്ല മുളപ്പിച്ച ഉലുവയാണ്. രാവിലെ പ്രഭാച പ്രഭാത ഭക്ഷണമായി ദോശയും പുട്ടും ഇഡ്ഡിലിയുമൊക്കെ കഴിക്കുന്ന നമുക്ക് ഒരുപക്ഷേ ഈ പ്രഭാത ഭക്ഷണത്തെ പെട്ടെന്ന് അംഗീകരിക്കാൻ കഴിയില്ലായിരിക്കും. എന്നാൽ പല തരത്തിലുള്ള ആരോഗ്യ ഗുണങ്ങളാണ് മുളപ്പിച്ച പയറും അതുപോലെ മുളപ്പിച്ച ഉലുവയും നൽകുന്നതെന്നാണ് സദ്ഗുരു പറയുന്നത്.

Yogi’s breakfast for healthy living എന്ന ഇൻസ്റ്റഗ്രാം വീഡിയോയിയൂടെ ആണ് അദ്ദേഹം ഈ കാര്യം വെളിപ്പെടുത്തിയിരിക്കുന്നത്. ഇവ രണ്ടും കഴിക്കുന്നതിൻ്റെ ഗുണങ്ങളും പറയുന്നുണ്ട്. 50 വയസ് മുതലുള്ളവർ പ്രഭാത ഭക്ഷണമായി ഇത് കഴിക്കുന്നത് ആരോഗ്യത്തിന് പല തരത്തിലുള്ള നേട്ടങ്ങളാണ് നൽകുന്നത്.

രക്തത്തെ ശുദ്ധീകരിക്കാൻ സഹായിക്കുന്നതാണ് ഉലുവ മുളപ്പിച്ചത്. കൂടാതെ പ്രോട്ടീനുകൾ, ധാതുക്കൾ, വൈറ്റമിനുകൾ എന്നിവയാലും സമ്പുഷ്ടമാണ് മുളപ്പിച്ച ഉലുവയും പയറും. രക്തസമ്മ‍ർദ്ദവും പ്രമേഹവും നിയന്ത്രിച്ച് നി‍ർത്താൻ ഏറെ നല്ലതാണ് മുളപ്പിച്ച പയറും ഉലുവയും. മുലയൂട്ടുന്ന അമ്മമാ‍ർ ഇത് കഴിക്കുന്നത് വളരെ നല്ലതാണ്. മുടിയും നഖവും വളരാനും ഇത് ഏറെ നല്ലതാണെന്നും സദ്ദഗുരു പറയുന്നു.

മുളപ്പിച്ച ഉലുവയുടെ ഗുണങ്ങൾ

രാത്രിയിൽ വെള്ളത്തിൽ കുതിർത്ത് വച്ച ശേഷം അടുത്ത ദിവസം രാവിലെ കുഴിയുള്ള പാത്രത്തിലോ മറ്റോ വച്ചാണ് ഇത് മുളപ്പിച്ച് എടുക്കേണ്ടത്. പയറും ഉലുവയുമൊക്കെ ഒരേ രീതിയിൽ തന്നെ മുളപ്പിച്ച് എടുക്കാവുന്നതാണ്. ധാരാളം പോഷക ഗുണങ്ങൾ അടങ്ങിയ ഭക്ഷണമാണ് മുളപ്പിച്ച പയറും ഉലുവയും. എല്ലാ പ്രായക്കാർക്കും ഒരുപോലെ കഴിക്കാൻ സാധിക്കുന്നതാണ്. പ്രത്യേകിച്ച് ഉയർന്ന അളവിൽ കൊളസ്ട്രോൾ, പ്രമേഹം എന്നിവ ഉള്ളവർ ഇത് കഴിക്കാൻ ശ്രമിക്കുക. നാരുകൾ അടങ്ങിയിരിക്കുന്നത് കൊണ്ട് തന്നെ അമിതഭാരം കുറയ്ക്കാൻ ആഗ്രഹിക്കുന്നവർക്ക് ഏറെ നല്ലതാണ് ഉലുവ മുളപ്പിച്ചത്. അതുപോലെ മുലയൂട്ടുന്ന അമ്മമാർക്കും ഇത് വളരെ നല്ലതാണ്.
English Summary: Fenugreek sprouts benefits

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ പ്രശ്നങ്ങളുള്ളവർ ഡോക്ടറുടെ നിർദേശം തേടുക.കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.