സ്കൂൾ യൂണിഫോമിൽ ഒരു തകർപ്പൻ കാവാലയ നൃത്തം, പൊളിച്ചടുക്കി പിള്ളേർ
Authored by റ്റീന മാത്യു | Samayam Malayalam | Updated: 9 Aug 2023, 9:33 pm
ജയിലർ സിനിമയിൽ തമന്ന തകർത്താടിയ കാവാലയ ഗാനത്തിനൊപ്പമാണ് വിദ്യാർത്ഥികൾ ചുവടുവയ്ക്കുന്നത്. സംഗതി സോഷ്യൽ മീഡിയയിൽ വൈറലായി കഴിഞ്ഞു.
പ്രായഭേദമന്യേ എല്ലാവരും റീൽസിനൊപ്പം ചുവട് വയ്ക്കുന്നു എന്നതാണ് മറ്റൊരു പ്രത്യേകത. സെലിബ്രിറ്റികൾ മുതൽ സാധാരണക്കാർ വരെ നൃത്തം ചെയ്യുന്ന ഇതുവരെ ദശലക്ഷകണക്കിന് ആളുകളാണ് കണ്ടത്. ഇപ്പോഴിതാ ഈ ഗാനത്തിന് ചുവടുവയ്ക്കുന്ന ഒരു കൊച്ചു മിടുക്കൻ്റെ വീഡിയോയാണ് സോഷ്യൽ മീഡിയയിൽ വൈറലാകുന്നത്.
Also Read: എൻ്റമ്മേ ഇത് ഈ ചേച്ചി തന്നെയാണോ? ചന്ദ്രിക ചേച്ചിയുടെ മേക്കോവർ കണ്ട് അന്തംവിട്ട് സോഷ്യൽ മീഡിയ
സ്കൂൾ യൂണിഫോമിൽ ഒരു കൂട്ടം കുട്ടികളാണ് ഗാനത്തിനൊപ്പം ചുവടുവയ്ക്കുന്നത്. സ്കൂളിലെ ഏതോ പരിപാടിയ്ക്ക് ശേഷമാണ് ഈ ഗാനം വേദിയിൽ നിന്ന് കേൾക്കുന്നത്. പാട്ട് കേട്ട ഉടൻ തന്നെ ഒരു കൂട്ടം വിദ്യാർത്ഥികൾ ഗാനത്തിൽ തമന്ന ചെയ്യുന്ന അതേ സ്റ്റെപ്പുകൾ അനുകരിക്കാനും തുടങ്ങി. എല്ലാവരും കളിക്കുന്നുണ്ടെങ്കിലും ക്യാമറ കണ്ണുകൾ പോയത് ഇവരുടെ മധ്യത്തിൽ നിന്ന് കളിക്കുന്ന ഒരു മിടുക്കനിലേക്കാണ്.
ഒരു പേടിയും മടിയുമില്ലാതെ ഏറെ രസകരമായാണ് ആ കുട്ടി നൃത്ത ചുവടുകൾ വയ്ക്കുന്നത്. പാട്ടിലുള്ളത് പോലെ അതേ ചുവടുകൾ തെറ്റാതെ കളിക്കുന്നുണ്ടെന്നതാണ് മറ്റൊരു പ്രത്യേകത. എന്തായാലും സംഗതി സോഷ്യൽ മീഡിയയിൽ വമ്പൻ ഹിറ്റായി കഴിഞ്ഞു. ഏത് സ്ഥലത്ത് നിന്നുള്ള വീഡിയോ ആണെന്നോ ഏത് സ്കൂളാണെന്നോ വ്യക്തമല്ല. ബലറാം എന്ന വ്യക്തിയുടെ ഇൻസ്റ്റഗ്രാം പേജിലൂടെ ആണ് വീഡിയോ പുറത്ത് വന്നിരിക്കുന്നത്. ഒരു മില്യണിൽ അധികം ആളുകൾ ഇതിനോടകം വീഡിയോ കണ്ട് കഴിഞ്ഞു. സൂപ്പർ കൂൾ വീഡിയോയ്ക്ക് എന്തായാലും നല്ല പ്രതികരണങ്ങളാണ് ലഭിക്കുന്നത്.
റ്റീന മാത്യു നെ കുറിച്ച്
റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക