ഇഞ്ചിത്തൈര് 101 കറികള്‍ക്ക് സമാനമായതിന് പുറകില്‍, ഗുണം

ഇഞ്ചിത്തൈരിന് പുറകില്‍ ചരിത്രവുമുണ്ട്. വിക്രമാദിത്യന്റെ കൊട്ടാരത്തിലെ വരരുചി ഒരിക്കല്‍ ഒരു യാത്രയ്ക്കിടെ വിശപ്പോടെ ഒരു ബ്രാഹ്‌മണ ഗൃഹത്തിലെത്തി. അവിടെ അവരെ പരീക്ഷിയ്ക്കാന്‍ ബ്രാഹ്‌മണനോട് ആവശ്യപ്പെട്ടത് 101 വിഭവങ്ങള്‍ കൂട്ടി ഉണ്ണണം, മൂന്നുപേരെ തിന്നണം, നാലുപേര്‍ ചുമക്കണം എന്നാണ്. ഇത് കേട്ട ബ്രാഹ്‌മണന്റെ ബുദ്ധിമതിയായ മകള്‍ ഇഞ്ചിത്തൈര് നല്‍കുകയായിരുന്നു. നൂറ് ധാരാളമുള്ള, അതായത് പാല്‍പ്പശ ധാരാളമുള്ള ഒന്നാണ് ഇഞ്ചി. ഇതിനാല്‍ ഇതും ഇഞ്ചിയും ചേര്‍ത്ത് നൂറ്റൊന്നായി. ഇങ്ങനെ ഇഞ്ചി 101 കറികള്‍ക്ക് സമമായി. മൂന്നുപേരെ തിന്നണം എന്നത്
മുറുക്കാനും നാലുപേര്‍ ചുമക്കണം എന്നത് കട്ടിലുമായിരുന്നു. ഇഞ്ചിത്തൈര് ചിലയിടത്ത് 106 കറികള്‍ക്കും മറ്റു ചിലയിടത്ത് 108 കറികള്‍ക്കും സമാനം എന്നു പറയാറുണ്ട്.

ഡയറ്റ് നോക്കുന്നോ? സ്വാദിഷ്ടമായ സാലഡ് കഴിക്കാം

ഇഞ്ചിയും തൈരും തന്നെയാണ് പ്രധാന ചേരുവകള്‍. ഇഞ്ചി ആരോഗ്യപരമായ പല ഗുണങ്ങളാലും മികച്ചതാണ്. ഇഞ്ചി വയറിന്റെ ആരോഗ്യത്തിന് ഏറെ നല്ലതാണ്. ഗ്യാസ്, അസിഡിറ്റി പ്രശ്‌നങ്ങള്‍ക്ക് ഏറെ നല്ലതാണിത്. ദഹനം എളുപ്പമാക്കാനും നല്ലതാണ്. ഇതു പോലെ തൈരും പ്രോട്ടീന്‍, കാല്‍സ്യം സമ്പുഷ്ടമാണ്.വയര്‍ ശാന്തമാക്കാന്‍ ഇതേറെ നല്ലതാണ്. ആയുര്‍വേദത്തില്‍ ഇഞ്ചി ഏറെ നല്ലതാണ്.

സദ്യയുടെ വിവിധ വിഭവങ്ങള്‍ കഴിയ്ക്കുമ്പോള്‍ വയറിന്റെ ആരോഗ്യത്തിന് സഹായിക്കുന്ന ഒന്നാണ് ഇഞ്ചിയും തൈരും ചേര്‍ന്ന കോമ്പോ കഴിയ്ക്കുന്നത്. ഇത് ദഹനം എളുപ്പമാക്കും. നല്ല ദഹനത്തിന്, ഗ്യാസ്, അസിഡിറ്റി പ്രശ്‌നങ്ങള്‍ അകറ്റാന്‍ എല്ലാം ഇതേറെ നല്ലതാണ്. സദ്യയ്ക്ക് പല വിഭവങ്ങളും മധുരമുള്ളതാകും. പ്രത്യേകിച്ചും ചില കറികളും പായസവുമെല്ലാം. ഇതിന്റെ മട്ട് മാറാന്‍ ഏറെ നല്ലതാണ് ഇത്.

ഇത് തയ്യാറാക്കാനും ഏറെ എളുപ്പമാണ്. പല രീതിയിലും ഇതുണ്ടാക്കുന്നുണ്ട്. എങ്കിലും ഏറെ സിംപിളായി ഇതുണ്ടാക്കാന്‍ വേണ്ടത് ഇഞ്ചിയും തൈരും തന്നെയാണ്. ഇഞ്ചി ചെറുതായി അരിഞ്ഞെടുക്കണം. ധാരാളം വേണം. ഇതുപോലെ തന്നെ പച്ചമുളകും ചെറുതായി അരിഞ്ഞെടുക്കണം. ഇത് മെല്ലെ ചതയ്ക്കണം. വല്ലാതെ ചതയരുത്. തൈര് കട്ടത്തൈരാണ് ഇത് തയ്യറാക്കാന്‍ വേണ്ടത്. അല്‍പം പുളിയുള്ളത് മതിയാകും. അധികം പുളി പാടില്ല. ചെറിയ പുളി മതിയാകും. ഈ ചേരുവകള്‍ എല്ലാം ചേര്‍ത്തിളക്കാം. ആവശ്യത്തിന് ഉപ്പും ചേര്‍ക്കാം. ഇത് അല്‍പസമയം മുന്‍പേ തയ്യാറാക്കുന്നതാണ് ഇതിന്റെ സ്വാദ് ശരിയായി ലഭിയ്ക്കാന്‍ നല്ലത്.