Edited by ജിബിൻ ജോർജ് | Samayam Malayalam | Updated: 17 Aug 2023, 10:07 am
പ്രണയാഭ്യർഥന നിരസിച്ചതിന് അമ്മയുടെ മുന്നിൽവെച്ച് 12വയസുകാരിയെ യുവാവ് കുത്തിക്കൊന്നു. ആക്രമണത്തിൽ ഗുരുതര പരിക്കേറ്റ പെൺകുട്ടിയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല
ഹൈലൈറ്റ്:
- 12 വയസുകാരിയെ അമ്മയുടെ മുന്നിൽവെച്ച് ഇരുപതുകാരൻ കുത്തിക്കൊന്നു.
- മഹാരഷ്ട്രയിലെ കല്യാണിൽ ഇന്നലെ രാത്രിയാണ് സംഭവം.
- പ്രതിയെ നാട്ടുകാർ പിടികൂടി പോലീസിന് കൈമാറി.
ബുധനാഴ്ച രാത്രി എട്ടുമണിയോടെ അമ്മയുടെ മുന്നിൽവെച്ചാണ് പെൺകുട്ടിക്ക് കുത്തേറ്റത്. ട്യൂഷൻ കഴിഞ്ഞ് അമ്മയോടൊപ്പം വീട്ടിലേക്ക് മടങ്ങുന്നതിനിടെ കാത്തുനിന്ന പ്രതി കുട്ടിയെ ആക്രമിച്ചു. കുട്ടിയെ രക്ഷിക്കാൻ ശ്രമിച്ച അമ്മയെ യുവാവ് തള്ളിവീഴ്ത്തി. രക്ഷപ്പെട്ടോടിയ പെൺകുട്ടിക്ക് പിന്നാലെ ഓടിയെത്തിയ യുവാവ് കെട്ടിടത്തിന്റെ ഗോവണിപ്പടിയിൽ വെച്ച് കൈയിൽ കരുതിയിരുന്ന കത്തി ഉപയോഗിച്ച് കുട്ടിയെ കുത്തി വീഴ്ത്തുകയായിരുന്നു.
Shabarimala: ശബരിമല നടതുറന്നു, സന്നിധാനത്തേക്ക് അയ്യപ്പ ഭക്തരുടെ ഒഴുക്ക്
പെൺകുട്ടിക്ക് എട്ടോളം കുത്തേറ്റെന്ന് പോലീസ് പറഞ്ഞു. തടസം പിടിക്കാനെത്തിയ അമ്മയെ തള്ളിവീഴ്ത്തിയ ശേഷം പ്രതി തുടർച്ചയായി കുത്തുകയായിരുന്നു. ബഹളം കേട്ടം എത്തിയ സമീപവാസികൾ ചേർന്നാണ് പ്രതിയെ പിടികൂടി. ഗുരുതരമായി പരിക്കേറ്റ കുട്ടിയെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സ്ഥലത്തെത്തിയ പോലീസിന് പ്രതിയെ കൈമാറുകയായിരുന്നു. പ്രാഥമിക അന്വേഷണത്തിൽ പ്രതിയും പെൺകുട്ടിയും പരിചയത്തിലായിരുന്നുവെന്ന് പോലീസ് പറഞ്ഞു. യുവാവ് പ്രണയാഭ്യർഥന നടത്തിയതോടെ പെൺകുട്ടി പിന്മാറുകയായിരുന്നു. പെൺകുട്ടി എത്തുന്ന സമയവും സ്ഥലവും മനസിലാക്കിയാണ് യുവാവ് ആക്രമണം ആസൂത്രണം ചെയ്തത്. പെൺകുട്ടി വീട്ടിലെത്തുന്ന സമയമറിയാൻ യുവാവ് സമീപവാസികളെ സമീപിച്ചിരുന്നു. പ്രതിയെ വൈദ്യപരിശോധനയ്ക്ക് ഹാജരാക്കിയതായി പോലീസ് പറഞ്ഞു. പെൺകുട്ടിയുടെ മരണത്തിൽ വിശദമായ അന്വേഷണം തുടരുകയാണെന്ന് പോലീസ് അറിയിച്ചു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക