സ്കൂളിലെ ബെഞ്ചിൽ താളം പിടിച്ച് വിദ്യാർത്ഥികൾ, വൈറലായി വീഡിയോ

ഈ കൊച്ചു കലാകാരന്മാരുടെ കാര്യത്തിലും അത് തന്നെയാണ് സംഭവിച്ചിരിക്കുന്നത്. കുട്ടികളുടെ ഈ കലാബോധത്തെ ഒരു അധ്യാപിക തന്നെയാണ് വീഡിയോ ആയി പകർത്തിയത്. പെൻസിൽ ബോക്സും പേനയും വെറും കൈയ്യുമൊക്കെ ഉപയോഗിച്ച് ഏറെ രസകരമായാണ് കുട്ടികൾ താളം പിടിക്കുന്നത്. ക്ലാസ് കഴിഞ്ഞുള്ള ഒഴിവ് സമയത്തായാണ് ഈ വീഡിയോ ചിത്രീകരിച്ചിരിക്കുന്നത്.

സ്കൂളിലെ അനുസ്മിത ടീച്ചറാണ് വീഡിയോ എടുത്തിരിക്കുന്നത്. ഇൻസ്റ്റഗ്രാമിലൂടെ പുറത്ത് വന്ന വീഡിയോ എന്തായാലും നിമിഷ നേരം കൊണ്ടാണ് വൈറലായത്. 2.8 മില്യൺ ആളുകളാണ് ഇതുവരെ വീഡിയോ കണ്ടത്. നിരവധി ആളുകളാണ് ഈ വീഡിയോ കണ്ട് സ്വന്തം കുട്ടിക്കാലത്തെ ഓർമ്മൾ അയവ് ഇറക്കുന്നത്. പണ്ട് സ്കൂളിൽ ഇത്തരത്തിൽ താളം പിടിച്ചതിന് ടീച്ചർ വഴക്ക് പറഞ്ഞ ഓർമ്മയും പലർക്കുമുണ്ട്.