Chandrayaan 3 Successful Landing: ചന്ദ്രനെ തൊട്ട് 140 കോടി ജനങ്ങളുടെ സ്വപ്നം; വിക്രം ലാൻഡർ ചന്ദ്രനിലിറങ്ങി

5.45ന് ആരംഭിച്ച സോഫ്റ്റ് ലാൻഡിങ് പ്രക്രിയ 19 മിനിറ്റുകൾ നീണ്ടു. ലാൻഡിങ് പ്രക്രിയ ആരംഭിക്കുന്നതിന് രണ്ട് മണിക്കൂർ മുൻപ് അവസാനഘട്ട കമാൻഡുകൾ പേടകത്തിലേക്ക് അയച്ചിരുന്നു. ദക്ഷിണധ്രുവത്തിന് സമീപമാണ് ചന്ദ്രയാൻ 3 വിജയകരമായി സോഫ്റ്റ് ലാൻഡിംഗ് നടത്തിയത്. ദക്ഷിണധ്രുവത്തിന് സമീപം ലാൻഡിങ് നടത്തുന്ന ആദ്യ രാജ്യമാണ് ഇന്ത്യ.
വൈകിട്ട് 6.04 ഓടെ ലാൻഡിങ് നടക്കുമെന്ന് ഐഎസ്ആർഒ അറിയിച്ചിരുന്നു. 5.44ന് ലാൻഡിങ് പ്രക്രിയ ആരംഭിച്ച് വൈകിട്ട് 6.04 ഓടെ ലാൻഡിങ് നടക്കുമെന്നാണ് ഐഎസ്ആർഒ വ്യക്തമാക്കിയത്. ഇതിൻ്റെ ഭാഗമായി ലാൻഡർ ചന്ദ്രനിൽ ഇറങ്ങാൻ സജ്ജമാണോ എന്ന പരിശോധനകൾ പൂർത്തിയായിരുന്നു. കൃത്യമായ സമയത്താണ് ചന്ദ്രയാൻ 3 സോഫ്റ്റ് ലാൻഡിങ് നടത്തിയത്.
പൂർണമായും കമ്പ്യൂട്ടർ സംവിധാനങ്ങളുടെയും സെൻസറുകളുടെയും ആർട്ടിഫിഷ്യൽ ഇൻ്റലിജൻസ് പ്രോഗ്രാമിൻ്റെയും സഹായത്തോടെയാണ് അവസാന ലാൻഡിങ് നടന്നത്. ദൗത്യം അവസാനഘട്ടത്തിലേക്ക് എത്തിയതോടെ വിവിധ രാജ്യങ്ങളിലെ ബഹിരാകാശ ഏജൻസികൾ ഇന്ത്യയ്ക്ക് ആശംസകൾ നേർന്നിരുന്നു.

വൈകിട്ട് 6.04 ഓടെ ലാൻഡിങ് നടക്കുമെന്ന് ഐഎസ്ആർഒ അറിയിച്ചിരുന്നു. 5.44ന് ലാൻഡിങ് പ്രക്രിയ ആരംഭിച്ച് വൈകിട്ട് 6.04 ഓടെ ലാൻഡിങ് നടക്കുമെന്നാണ് ഐഎസ്ആർഒ വ്യക്തമാക്കിയത്. ഇതിൻ്റെ ഭാഗമായി ലാൻഡർ ചന്ദ്രനിൽ ഇറങ്ങാൻ സജ്ജമാണോ എന്ന പരിശോധനകൾ പൂർത്തിയായിരുന്നു. കൃത്യമായ സമയത്താണ് ചന്ദ്രയാൻ 3 സോഫ്റ്റ് ലാൻഡിങ് നടത്തിയത്.

Read Latest National News and Malayalam News

Updating…