ആരോഗ്യകരമായി ഒരു പ്രോട്ടീൻ പൗഡർ വീട്ടിൽ തയാറാക്കാം
Authored by റ്റീന മാത്യു | Samayam Malayalam | Updated: 23 Aug 2023, 6:33 pm
നാച്യുറലായ രീതിയിൽ എളുപ്പത്തിൽ വീട്ടിൽ തയാറാക്കാൻ കഴിയുന്ന പ്രോട്ടീൻ പൗഡറാണിത്. വളരെ സിമ്പിളായി തയാറാക്കാവുന്നതാണ്.
ഫിറ്റ്നസിൽ ശ്രദ്ധിക്കുന്നവർ വലിയ രീതിയിൽ പ്രോട്ടീൻ പൗഡർ ഉപയോഗിക്കാറുണ്ട്. എന്നാൽ ഇത് ആരോഗ്യത്തിന് നല്ലതാണോ എന്ന് പലരും ചിന്തിക്കാറില്ല. ജിമ്മിൽ പോകുമ്പോൾ ആദ്യം ട്രെയിനർ നിർദേശിക്കുന്നതും ഡയറ്റിൽ പ്രോട്ടീൻ പൗഡർ ഉൾപ്പെടുത്താനാണ്. അവർ തന്നെ ഏന്തെങ്കിലും സപ്ലിമെൻ്റ് തരാറാണ് പതിവ്. എന്നാൽ തികച്ചും നാച്യുറലായ രീതിയിൽ ശരീരത്തിന് ആവശ്യമായ പോഷകങ്ങൾ ചേർത്ത് ഒരു പ്രോട്ടീൻ പൗഡർ വീട്ടിൽ തയാറാക്കുന്നത് പല തരത്തിലുള്ള ഗുണങ്ങളാണ് നൽകുന്നത്.
Also Watch
ആരോഗ്യമുള്ള ശരീരഭാരം നിലനിർത്താൻ ശ്രദ്ധിക്കാം ചില കാര്യങ്ങൾ
പ്രോട്ടീൻ പൗഡർ നല്ലതാണോ?
പലപ്പോഴും പ്രോട്ടീൻ പൗഡർ നല്ലതാണോ എന്ന സംശയം പലർക്കും ഉണ്ടാകാറുണ്ട്. ശരീരത്തിലെ ടിഷ്യുകളുടെ വളർച്ചയെ പരിപാലിക്കുന്നതിൽ പ്രധാന പങ്ക് വഹിക്കുന്ന ഒരു അവശ്യ മൈക്രോ ന്യൂട്രിയൻ്റാണ് പ്രോട്ടീൻ. പാൽ വെള്ളം, സോയ, കടല, അരി അല്ലെങ്കിൽ ചണ തുടങ്ങിയ സസ്യ അധിഷ്ഠിത സ്രോതസ്സുകൾ തുടങ്ങി നിരവധി പ്രോട്ടീൻ സ്രോതസ്സുകളിൽ നിന്ന് ഉണ്ടാക്കുന്ന ഒരു ഭക്ഷണ സപ്ലിമെന്റാണിത്. ഭക്ഷണത്തിൽ കൂടുതൽ പ്രോട്ടീൻ ചേർക്കാൻ ആഗ്രഹിക്കുന്നവരാണ് ഇത് സാധാരണയായി ഉപയോഗിക്കുന്നത്. സാധാരണയായി, ആളുകൾ അവരുടെ ആവശ്യങ്ങൾക്കനുസരിച്ച് ഒന്നോ രണ്ടോ സ്‌കൂപ്പുകളോ അതിലധികമോ പ്രോട്ടീൻ പൗഡർ എടുക്കാറുണ്ട്. മറ്റ് പ്രിസർവേറ്റീവ്സ് ഒന്നുമില്ലാതെ വീട്ടിൽ തന്നെ എളുപ്പത്തിൽ ഒരു പ്രോട്ടീൻ പൗഡർ എങ്ങനെയാണ് തയാറാക്കുന്നതെന്ന് നോക്കാം.
ആവശ്യമായ ചേരുവകൾ
ഒരു കപ്പ് ഓട്സ്
അര കപ്പ് മത്തങ്ങ വിത്ത് അല്ലെങ്കിൽ സൂര്യകാന്തി വിത്ത്
1/2 കപ്പ് – പയർ, ചേന പയർ തുടങ്ങിയ ഉണങ്ങിയ പയർ വർഗങ്ങൾ
അര കപ്പ് ഉണങ്ങിയ തേങ്ങ കഷണങ്ങൾ
1/4 കപ്പ് – ചിയ വിത്തുകൾ അല്ലെങ്കിൽ ഫ്ളാക്സ് വിത്തുകൾ
1-2 ടേബിൾസ്പൂൺ കൊക്കോ പൗഡർ
രുചിക്ക് കറുവാപ്പട്ട
മധുരത്തിന് മേപ്പിൾ സിറപ്പ് അല്ലെങ്കിൽ തേൻ
തയാറാക്കുന്ന വിധം
ആദ്യം ഓട്സും പയർ വർഗങ്ങളും മത്തങ്ങ വിത്തും സൂര്യകാന്തി വിത്തും ചേർത്ത് ഒരു പാനിലിട്ട് നന്നായി ചൂടാക്കുക. അല്ലെങ്കിൽ ഓവനിൽ വച്ച് ചൂടാക്കാവുന്നതാണ്. തണുത്ത ശേഷം ഈ മിശ്രിതം ഒരു മിക്സിയിലോ ബ്ലെൻഡറിലോ ഇടുക. ഇതിലേക്ക് തേങ്ങ കഷണങ്ങളും ചിയ വിത്തുകളും ചേർത്ത് നന്നായി പൊടിച്ച് എടുക്കുക. ഇതിലേക്ക് കൊക്കോ പൗഡറും ചേർത്ത് കറുവപ്പട്ട പൊടിയും ചേർത്ത് യോജിപ്പിക്കുക. വലിയ കഷണങ്ങളുണ്ടെങ്കിൽ ഈ പൊടി അരിച്ച് എടുത്ത് സൂക്ഷിക്കാവുന്നതാണ്. കാറ്റ് കയറാതെ ഇത് സൂക്ഷിക്കാൻ ശ്രദ്ധിക്കുക. ഇത് പാലിലും സ്മൂത്തിയിലുമൊക്കെ ചേർത്ത് കഴിക്കാവുന്നതാണ്.
റ്റീന മാത്യു നെ കുറിച്ച്
റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക