എഐ ഉപയോഗിച്ച് പെൺകുട്ടികളുടെ അശ്ലീല വിഡിയോകൾ നിർമിച്ച് പ്രചരിപ്പിച്ചു; പോലീസ് ഉദ്യോഗസ്ഥൻ്റെ മക്കൾ അറസ്റ്റിൽ
Edited by ജിബിൻ ജോർജ് | Samayam Malayalam | Updated: 24 Aug 2023, 9:12 am
ആർട്ടിഫിഷ്യൽ ഇൻ്റലിജൻസ് സാങ്കേതിക വിദ്യയുപയോഗിച്ച് സ്ത്രീകളുടെയും പെൺകുട്ടികളുടെയും അശ്ലീല ദൃശ്യങ്ങൾ നിർമിച്ച് സമൂഹമാധ്യമങ്ങളിലൂടെ പ്രചരിപ്പിച്ച യുവാക്കൾ അറസ്റ്റിൽ
ഹൈലൈറ്റ്:
- എഐ ഉപയോഗിച്ച് പെൺകുട്ടികളുടെ അശ്ലീല വീഡിയോകൾ നിർമിച്ചു.
- പരാതിയിൽ സഹോദരന്മാർ അറസ്റ്റിൽ.
- മഹാരാഷ്ട്രയിലെ പാൽഘർ ജില്ലയിലാണ് സംഭവം.
എ ഐ സാങ്കേതികവിദ്യ ഉപയോഗിച്ച് നിർമിച്ച വ്യാജ വീഡിയോകൾ പ്രചരിപ്പിച്ച സംഭവത്തിൽ രണ്ട് പെൺകുട്ടികളാണ് പോലീസിൽ പരാതി നൽകിയത്. വീഡിയോയുമായി ബന്ധപ്പെട്ട് ചോദ്യം ചെയ്തപ്പോൾ യുവാക്കൾ പെൺകുട്ടികളെ മർദിക്കുകയായിരുന്നു. തുടർന്ന് ഇരുവരും പോലീസിൽ പരാതി നൽകി. കേസെടുത്ത് അന്വേഷണം നടത്തിയ പോലീസ് ഇരുവരെയും ചൊവ്വാഴ്ച അറസ്റ്റ് ചെയ്തു.
Flower Sale in Thirunnakkara: പൂ കച്ചവടത്തിനെത്തിയ വ്യാപാരികൾ പ്രതിസന്ധിയിൽ
അറസ്റ്റിലായവർ 19, 21 വയസ് പ്രായമുള്ളവരാണെന്നും ഇവർ മുംബൈയിലെ ഒരു പോലീസ് ഉദ്യോഗസ്ഥന്റെ മക്കളാണെന്നും അർനാല മറൈൻ പോലീസ് സ്റ്റേഷനിലെ സീനിയർ ഇൻസ്പെക്ടർ കല്യാൺ കാർപെ പറഞ്ഞു. എ ഐ സാങ്കേതികവിദ്യ ഉപയോഗിച്ച് അശ്ലീല വീഡിയോകൾ നിർമിക്കുന്ന സംസ്ഥാനത്തെ ആദ്യ സംഭവമായിരിക്കും ഇതെന്ന് അധികൃതർ ബുധനാഴ്ച പറഞ്ഞു.
സൈബർ കുറ്റകൃത്യത്തിന് എ ഐ സാങ്കേതികവിദ്യ ഉപയോഗിക്കുന്ന ആദ്യ കേസാണിതെന്ന് പോലീസ് കമ്മീഷണറേറ്റിലെ സൈബർ സെല്ലിലെ സീനിയർ ഉദ്യോഗസ്ഥനായ സുജിത് ഗുഞ്ച്കർ പറഞ്ഞു. യുവാക്കളുടെ അറസ്റ്റ് രേഖപ്പെടുത്തിയെന്നും അന്വേഷണം തുടരുകയാണെന്നും പോലീസ് പറഞ്ഞു. പീഡനം, പോക്സോ വകുപ്പിലെ വിവിധ വകുപ്പുകളും പ്രതികൾക്കെതിരെ ചുമത്തി. കൂടുതൽ ദൃശ്യങ്ങൾ ഇത്തരത്തിൽ പ്രതികൾ നിർമിച്ചോ എന്ന് പോലീസ് പ്രധാനമായും അന്വേഷിക്കുന്നുണ്ട്.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക