ശതാബ്ദിയ്ക്ക് പകരം വന്ദേ ഭാരത് എത്തും; ഐടി നഗരത്തിലേക്ക് മൂന്ന് വന്ദേ ഭാരതുകൾ കൂടി; ഇനി ഹൈദരാബാദിലേക്ക് ഇനി കുതിച്ചെത്താം

ഇപ്പൊ തെരഞ്ഞെടുപ്പ് നടത്തിയാൽ ആര് ജയിക്കും? മോദിയോ രാഹുലോ? സർവേ ഫലം പുറത്ത്

നിലവിൽ കച്ചേഗുഡ – യശ്വന്ത്പുർ റൂട്ടിൽ വന്ദേ ഭാരത് സർവീസ് ആരംഭിക്കുന്നത് കാത്തിരിക്കുകയാണ് യാത്രക്കാർ. രണ്ട് ഐടി നഗരങ്ങളായ ഹൈദരാബാദിനെയും ബെംഗളൂരുവിനെയും കണക്ട് ചെയ്യുന്ന സർവീസാണ് ഇത്. നിലവിൽ ഹൈദരാബാദിൽനിന്ന് ബെംഗളൂരുവിലെത്താൻ 10 മുതൽ 12 മണിക്കൂർവരെയാണ് സൂപ്പർഫാസ്റ്റ് എക്സ്പ്രസ് ടെയിനുകൾ എടുക്കുന്നത്. വന്ദേ ഭാരത് സർവീസ് ആരംഭിക്കുന്നതോടെ ഇത് 8:30 മണിക്കൂറായി കുറയുമെന്നാണ് പ്രതീക്ഷിക്കുന്നത്.

കച്ചേഗുഡ റെയിൽവേ സ്റ്റേഷനിൽനിന്ന് രാവിലെ 6 മണിക്ക് സർവീസ് ആരംഭിച്ച് യശ്വന്ത്പുരിൽ ഉച്ചയ്ക്ക് 2:30ന് എത്തുന്ന രീതിയിലാണ് വന്ദേ ഭാരതിന്‍റെ സർവീസ് ക്രമീകരിച്ചിരിക്കുന്നത്. തിരികെയുള്ള സർവീസ് യശ്വന്ത്പുരിൽ നിന്ന് ഉച്ചയ്ക്ക് മൂന്നുമണിക്ക് ആരംഭിച്ച് രാത്രി 11:30 ഓടെ കച്ചേഗുഡയിൽ എത്തിച്ചേരും.

പ്രഗ്യാൻ റോവർ ചന്ദ്രോപരിതലത്തിൽ ഇറങ്ങിയത് ഇങ്ങനെ; ദൃശ്യങ്ങൾ, റോവർ ഒരു കിലോമീറ്റർ സഞ്ചരിക്കും

സെക്കന്തരാബാദ് പൂനെ ശതാബ്ദി സൂപ്പർഫാസ്റ്റ് എക്സ്പ്രസിനു പകരം വന്ദേ ഭാരത് കൊണ്ടുവരാനും ഇന്ത്യൻ റെയിൽവേ ആലോചിക്കുന്നുണ്ട്. നിലവിൽ 8:25 മണിക്കൂറാണ് ഈ റൂട്ടിൽ ശതാബ്ദിയ്ക്ക് വേണ്ടത്. വന്ദേഭാരത് എത്തിയാൽ യാത്രാ സമയത്തിൽ കുറവുണ്ടാകും. ഏകദേശം രണ്ട് മണിക്കൂറോളം യാത്രാസമയം ലാഭിക്കാമെന്ന പ്രതീക്ഷയാണ് ഈ നീക്കത്തിനുപിന്നിലുള്ളതെന്നാണ് റിപ്പോർട്ട് പറയുന്നത്.