‘അരമണിക്കൂറിനിടെ മൂന്നുതവണ കുക്കർ ഉപയോഗിച്ച് ദേവയുടെ തലയ്ക്കടിച്ചു’; യുവതിക്ക് മറ്റൊരാളുമായി ബന്ധമുണ്ടെന്ന് സംശയം, വൈഷ്ണവ് കുറ്റം സമ്മതിച്ചു
Edited by ജിബിൻ ജോർജ് | Samayam Malayalam | Updated: 28 Aug 2023, 3:39 pm
ഒപ്പം താമസിച്ചിരുന്ന ദേവയെ പങ്കാളി വൈഷ്ണവ് കൊലപ്പെടുത്തിയത് കുക്കർ ഉപയോഗിച്ച് തുടർച്ചയായി തലയ്ക്കടിച്ചെന്ന് പോലീസ്. യുവതി മരിച്ചെന്ന് ഉറപ്പാക്കിയ ശേഷം പ്രതി വീട് വിട്ടു പോകുകയായിരുന്നു
ഹൈലൈറ്റ്:
- ദേവയെ വൈഷ്ണവ് കൊലപ്പെടുത്തിയത് കുക്കർ ഉപയോഗിച്ച് മുന്നുതവണ തലയ്ക്കടിച്ചെന്ന് പോലീസ്.
- അരമണിക്കൂറിനിടെയാണ് യുവാവ് യുവതിയെ കുക്കർ ഉപയോഗിച്ച് ക്രൂരമായി മർദിച്ചത്.
- സംഭവത്തിൽ അന്വേഷണം തുടരുകയാണെന്ന് പോലീസ്.
ശനിയാഴ്ച വൈകിട്ടാണ് തിരുവനന്തപുരം വട്ടിയൂർക്കാവ് സ്വദേശിനി എസ് ദേവയെ (24) ഒപ്പം താമസിച്ചിരുന്ന പങ്കാളി വൈഷ്ണവ് തലയ്ക്കടിച്ച് കൊലപ്പെടുത്തിയത്. വഴക്കിനിടെ വൈഷ്ണവ് കുക്കർ ഉപയോഗിച്ച് ദേവയുടെ തലയ്ക്കടിക്കുകയായിരുന്നു. അരമണിക്കൂറിനിടെ മൂന്നുതവണ ദേവയ്ക്ക് അടിയേറ്റെന്ന് പോലീസ് പറഞ്ഞു. സംഭവദിവസം വൈകിട്ട് നാലിനും നാലരയ്ക്കുമിടയിലാണ് കൊലപാതകം നടന്നതെന്നാണ് പ്രാഥമിക നിഗമനം. കുക്കറിൽ നിന്ന് ചോറ് ഒരു പ്ലേറ്റിലേക്ക് മാറ്റിയശേഷം ദേവയെ ആക്രമിക്കകയായിരുന്നു. കിടപ്പുമുറിയിൽ വെച്ചാണ് ദേവയ്ക്ക് നേരെ അക്രമണമുണ്ടായത്.
Guruvayur Temple: ഗുരുവായൂർ ക്ഷേത്രത്തിൽ കാഴ്ചക്കുലകൾ സമർപ്പിച്ച് ഭക്തർ
കുക്കർ ഉപയോഗിച്ചുള്ള മർദനമേറ്റ ദേവയുടെ മരണം ഉറപ്പിച്ച ശേഷം വൈഷ്ണവ് വീട്ടിൽ നിന്ന് പുറത്തേക്ക് പോയി. അന്വേഷണത്തിനിടെ ഞായറാഴ്ച ഇയാൾ പിടിയിലായി. ചോദ്യം ചെയ്യലിൽ യുവാവ് കുറ്റം സമ്മതിച്ചതായി പോലീസ് പറഞ്ഞു. പ്രതിയുടെ അറസ്റ്റ് രേഖപ്പെടുത്തിയിരുന്നു. സംഭവസ്ഥലത്ത് പോലീസും ഫോറൻസിക് സംഘവും പരിശോധന നടത്തി. യുവതിയുടെ മരണത്തിൽ ബേഗൂർ പോലീസിൻ്റെ അന്വേഷണം തുടരുകയാണ്.
ദേവയുടെ സഹോദരി മൊബൈൽ ഫോണിൽ വിളിച്ച് അയൽക്കാരോട് പറഞ്ഞപ്പോഴാണ് വിവരം പുറത്തറിഞ്ഞത്. ഇരുവരും തമ്മിൽ സംഭവദിവസം രാവിലെ വഴക്കിട്ടിരുന്നതായി സഹോദരി പോലീസിനോട് പറഞ്ഞു. ദേവയ്ക്ക് മറ്റൊരാളുമായി ബന്ധമുണ്ടെന്ന സംശയമാണ് കൊലപാതകത്തിൽ കലാശിച്ചത്.
കൊല്ലം കൊട്ടാരക്കാര സ്വദേശി വൈഷ്ണവും തിരുവനന്തപുരം സ്വദേശി ദേവയും കേരളത്തിൽ വെച്ചാണ് പരിചയത്തിലായത്. മൂന്നുവർഷം മുൻപ് ഇരുവരും ഒരുമിച്ച് താമസം ആരംഭിച്ചു. ഒന്നരവർഷം മുൻപാണ് രണ്ടുപേരും ബെംഗളൂരു ന്യൂ മൈക്കോ ലേഔട്ടിൽ താമസം തുടങ്ങിയത്. യുവതിയും യുവാവും തമ്മിലുള്ള തർക്കമാണ് കൊലപാതകത്തിൽ കലാശിച്ചത്.
യുവതി കൊല്ലപ്പെട്ട ദിവസം വീട്ടിൽ നിന്ന് വലിയ ശബ്ദം കേട്ടതായി സമീപവാസികൾ പോലീസിന് മൊഴി നൽകി. ബെംഗളൂരുവിലെ സ്വകാര്യ സ്ഥാപനത്തിലെ ജീവനക്കാരായിരുന്നു ഇരുവരും. പോസ്റ്റ് മോർട്ടം നടപടികൾക്ക് ശേഷം യുവതിയുടെ മൃതദേഹം കഴിഞ്ഞ ദിവസം തന്നെ ബന്ധുക്കൾക്ക് കൈമാറിയിരുന്നു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക