സെറ്റ് സാരിയിൽ സ്കേറ്റിങ്; കൊച്ചു സുന്ദരിയുടെ വീഡിയോ വൈറൽ
Authored by റ്റീന മാത്യു | Samayam Malayalam | Updated: 30 Aug 2023, 11:58 am
ഇൻസ്റ്റഗ്രാമിലൂടെ ആണ് വീഡിയോ പുറത്ത് വന്നത്. നിരവധി പേരാണ് വീഡിയോയ്ക്ക് കമൻ്റുമായി എത്തിയിരിക്കുന്നത്.
ഹൈലൈറ്റ്:
- കൊച്ചി സ്വദേശിനിയാണ് അയ്റ
- സ്കെയ്റ്റിങ്ങിനോട് പ്രത്യേക താത്പര്യമാണ് ഈ മിടുക്കിക്ക്
വീഡിയോ കാണാം
അഞ്ച് വയസുള്ള അയ്റ അയ്മൻ ഖാനാണ് കസവ് സാരിയിൽ സ്കെയ്റ്റിങ് ബോർഡിൽ നല്ല കിടുക്കൻ പെർഫോമൻസ് കാഴ്ച വച്ച മിടുക്കി. ഫോട്ടോഗ്രാഫർ നവാസ് ഷറഫുദ്ദീനാണ് ഈ മുടിക്കിയുടെ പ്രകടനം ക്യാമറയിൽ ഒപ്പിയെടുത്ത് സോഷ്യൽ മീഡിയയിൽ പങ്കുവെച്ചത്. തിരുവോണ ദിനത്തിന് മുൻപ് പങ്കുവെച്ച വീഡിയോ സോഷ്യൽ മീഡിയയിൽ നിമിഷ നേരം കൊണ്ടാണ് വൈറലായത്.
സെറ്റ് സാരി ഉടുത്ത് സുന്ദരിയായ കൊച്ചുമിടുക്കി നല്ല ആത്മവിശ്വാസത്തോടെ ആണ് സ്കെയ്റ്റിങ് ബോർഡിൽ പ്രകടനങ്ങൾ നടത്തുന്നത്. നിരവധി പേരാണ് ഈ മിടുക്കിയുടെ പെർഫോമൻസ് കണ്ട് അഭിനന്ദനവുമായി എത്തിയിരിക്കുന്നത്. അതിഗംഭീര പ്രകടനത്തിനൊപ്പം കസവ് സാരിയും കൂടെ ആയപ്പോൾ സംഗതി പൊളിച്ചുവെന്ന സോഷ്യൽ മീഡിയയുടെ അഭിപ്രായം. അയ്റ ദീർഘകാലമായി സ്കെയ്റ്റിങ് പഠിക്കുന്നുണ്ട്. കൊച്ചിക്കാരിയായ അയ്റ ഇൻസ്റ്റഗ്രാമിൽ ഇതിന് മുൻപും സ്കെയ്റ്റിങ് വീഡിയോകൾ പങ്കുവെച്ചിട്ടുണ്ട്. എന്തായാലും ഓണത്തിൻ്റെ വീഡിയോ വൈറലായിരിക്കുകയാണ്.
റ്റീന മാത്യു നെ കുറിച്ച്
റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക