‘ഇന്ത്യാ’ സഖ്യത്തിൽ നിരവധി പ്രധാനമന്ത്രി സ്ഥാനാർത്ഥികൾ, പക്ഷെ എൻഡിഎയിൽ ഒരാൾ മാത്രം; ഉദ്ധവ് താക്കറെ

വ്യത്യസ്ത ആശയങ്ങളുള്ള പ്രതിപക്ഷ സഖ്യത്തിലെ പാർട്ടികളെക്കുറിച്ചുള്ള ചോദ്യത്തിന് മറുപടി പറയുകയായിരുന്നു അദ്ദേഹം. “പ്രധാനമന്ത്രിയുടെ മുഖത്തിനായി ഞങ്ങൾക്ക് നിരവധി ആളുകളെ തെരഞ്ഞെടുക്കാൻ സാധിക്കും, പക്ഷേ എൻ‌ഡി‌എയ്ക്ക് വേറെ ആരാണുള്ളത്?” താക്കറെ ചോദിച്ചു.

“കർണാടകത്തിൽ എന്താണ് സംഭവിച്ചതെന്ന് നമ്മൾ കണ്ടതാണ്. അവർക്ക് ബജ്‌റംഗ് ബാലിയെ കൊണ്ടുവരേണ്ടി വന്നെങ്കിലും അദ്ദേഹം അവരെ അനുഗ്രഹിച്ചില്ല. അതുകൊണ്ട് ചോദ്യം ഇതാണ് ആരാകും“ അദ്ദേഹം ചോദിച്ചു.

ബിജെപി ഭരണത്തെ അദ്ദേഹം ബ്രിട്ടീഷ് രാജുമായി താരതമ്യം ചെയ്യുകയും ചെയ്തു. “ബ്രിട്ടീഷുകാരും നിരവധി വികസന പ്രവർത്തനങ്ങൾ ചെയ്തിട്ടുണ്ട്. പക്ഷേ അവരെ മുഴുവൻ ശക്തിയോടെ തുരത്തിയില്ലെങ്കിൽ നമുക്ക് സ്വാതന്ത്ര്യം ലഭിക്കുമായിരുന്നില്ല. നമുക്ക് വികസനം വേണം പക്ഷെ അതിനൊപ്പം നമുക്ക് സ്വാതന്ത്ര്യവും വേണം“ അദ്ദേഹം പറഞ്ഞു. വാർത്താ സമ്മേളനത്തിൽ എൻസിപി നേതാവ് ശരദ് പവാറും പങ്കെടുത്തിരുന്നു.

എൻസിപി നേതാക്കളുടെ അഴിമതിയെക്കുറിച്ച് പ്രധാനമന്ത്രി മോദിയുടെ ആരോപണത്തിൽ പവാർ പ്രതികരിച്ചു. “അദ്ദേഹം പരാമർശിച്ച ജലസേചന കുംഭകോണത്തെക്കുറിച്ച് സമഗ്രമായി അന്വേഷിച്ച് സത്യം പുറത്തുവിടാൻ ഞാൻ പ്രധാനമന്ത്രി മോദിയോട് അഭ്യർത്ഥിക്കുന്നു.”

Also Read : എറണാകുളത്ത് ഇന്നും മഴ; രണ്ട് ജില്ലകളിൽ യെല്ലോ അലേർട്ട്

‘ഇന്ത്യ’ സഖ്യത്തിന്റെ മൂന്നാമത്തെ സമ്മേളനം മുംബൈയിൽ ഇന്നും നാളെയുമായി മുംബൈയിൽ വച്ച് നടക്കും. യോഗത്തിൽ പങ്കെടുക്കാൻ നേതാക്കളിൽ പലരുമെത്തിക്കഴിഞ്ഞു. മഹാസഖ്യത്തിന് കൂടുതൽ ദിശാബോധം നൽകുന്ന സമ്മേളനമായിരിക്കുമിതെന്ന് നേതാക്കൾ പറഞ്ഞു. സഖ്യത്തിന്റെ ലോഗോ യോഗത്തിൽ പ്രകാശനം ചെയ്യും. കൺവീനറെ കണ്ടെത്താനും ശ്രമം നടക്കുമെന്നാണ് അറിയിച്ചത്.

Read Latest Kerala News and Malayalam News