കടലമാവ്
അടുക്കളയിൽ പാചകത്തിന് ഉപയോഗിക്കുന്ന കടലമാവ് ചർമ്മത്തിൻ്റെ അടുത്ത കൂട്ടുകാരൻ ആണെന്ന് തന്നെ പറയാം. ചർമ്മത്തിലെ കരിവാളിപ്പ് മാറ്റി നല്ല നിറം നൽകാൻ കടലമാവ് ഏറെ സഹായിക്കും. എണ്ണമയമുള്ളവർക്ക് ഉപയോഗിക്കാൻ കഴിയുന്നതാണ് കടലമാവ്. ചർമ്മത്തിലെ സുഷിരങ്ങൾ തുറന്ന് വ്യത്തിയാക്കാൻ ഇത് സഹായിക്കും. ചർമ്മത്തിലെ അഴുക്കും ബാക്ടീരിയയുമൊക്കെ പുറന്തള്ളാൻ ഇത് നല്ലതാണ്.
മുഖകാന്തി മെച്ചപ്പെടുത്താൻ റോസ് പെറ്റൽസ് ഫേസ് പാക്ക്
മുഖകാന്തി മെച്ചപ്പെടുത്താൻ റോസ് പെറ്റൽസ് ഫേസ് പാക്ക്
കാപ്പിപൊടി
ചർമ്മത്തിൻ്റെ മിക്ക പ്രശ്നങ്ങൾക്കുമുള്ള പരിഹാരം കാപ്പിപൊടിയിലുണ്ട്. ചർമ്മത്തിലെ നിർജ്ജീവ കോശങ്ങളെ പുറന്തള്ളാൻ സഹായിക്കുന്ന മികച്ച ചേരുവയാണ് കാപ്പിപൊടി. ഇതിൽ അടങ്ങിയിരിക്കുന്ന പല ഘടകങ്ങളും ചർമ്മത്തിന് നല്ല നിറം നൽകാൻ സഹായിക്കും. ആണുങ്ങൾക്കും പെണ്ണുങ്ങൾക്കും ഒരുപോലെ ഉപയോഗിക്കാൻ കഴിയുന്നതാണ് കാപ്പിപൊടി. ഇതിൽ അടങ്ങിയിരിക്കുന്ന ആൻ്റി ഓക്സിഡൻ്റ് ഘടകങ്ങൾ ചർമ്മത്തിന് തിളക്കം നൽകാൻ സഹായിക്കുന്നതാണ്. പ്രായമാകുന്നതിൽ നിന്ന് സംരക്ഷണം നൽകുന്നതാണ് കാപ്പിപൊടി. നിറ വ്യത്യാസം മാത്രമല്ല കണ്ണിന് ചുറ്റുമുള്ള കറുപ്പും മറ്റ് പ്രശ്നങ്ങളുമൊക്കെ ഇല്ലാതാക്കാൻ കാപ്പിപൊടി ഏറെ നല്ലതാണ്.
തേൻ
ചർമ്മ സംരക്ഷണത്തിലെ ഏറ്റവും മികച്ചൊരു ഘടകമാണ് തേൻ. പ്രകൃതിദത്തമായ തേൻ പാർശ്വഫലങ്ങളില്ലാതെ ചർമ്മത്തിൽ ഉപയോഗിക്കാവുന്നതാണ്. ചർമ്മം മൃദുവാക്കാനും തിളക്കം കൂട്ടാനും ഏറെ നല്ലതാണ് തേൻ എന്ന് തന്നെ പറയാം. ആൻ്റി ബാക്ടീരിയൽ ഗുണങ്ങളാൽ സമ്പുഷ്ടമാണ് തേൻ. മുഖക്കുരുവിനെ പ്രതിരോധിക്കാനും പാടുകൾ മാറ്റാനും തേൻ ഉപയോഗിക്കാവുന്നതാണ്.
പാൽ
പാൽ കുടിക്കുന്നത് ആരോഗ്യത്തിന് ഏറെ നല്ലതാണെന്ന് എല്ലാവർക്കുമറിയാം. ചർമ്മം തിളങ്ങാനും പാൽ വളരെ നല്ലതാണ്. ഇതിൽ അടങ്ങിയിരിക്കുന്ന ബയോട്ടിൻ, കാൽസ്യം, പൊട്ടാസ്യം, ലാക്റ്റിക് ആസിഡ്, മഗ്നീഷ്യം, സെലിനീയം എന്നിവയെല്ലാം ധാരാളമായി അടങ്ങിയിട്ടുണ്ട്. നല്ലൊരു ക്ലെൻസറായി പാൽ പ്രവർത്തിക്കും. ചർമ്മത്തിന് തിളക്കവും അതുപോലെ ജലാംശവും വർധിപ്പിക്കാനും പാൽ ഏറെ സഹായിക്കും.
പായ്ക്ക് തയാറാക്കാൻ
ഒരു സ്പൂൺ കടലാവ്, ഒരു സ്പൂൺ കാപ്പിപൊടിയും എടുക്കുക. ഇതിലേക്ക് അൽപ്പം തേനും പാലും ചേർത്ത് യോജിപ്പിക്കുക. ഈ മാസ്ക് മുഖത്തിട്ട് 20 മിനിറ്റിന് ശേഷം ഉണങ്ങി കഴിയുമ്പോൾ കഴുകി വ്യത്തിയാക്കാവുന്നതാണ്. ചർമ്മത്തിൻ്റെ പല പ്രശ്നങ്ങളും ഇല്ലാതാക്കാൻ ഈ പായ്ക്ക് ഏറെ നല്ലതാണ്. ആഴ്ചയിൽ ഒരു തവണയോ അല്ലെങ്കിൽ രണ്ടാഴ്ച കൂടുമ്പോൾ ഈ പായ്ക്ക് മുഖത്തിടാവുന്നതാണ്.
റ്റീന മാത്യു നെ കുറിച്ച്
റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More