ട്രക്കിലേക്ക് മിനിവാൻ ഇടിച്ചുകയറി; ഒരുവയസ്സുകാരിയടക്കം ഒരു കുടുംബത്തിലെ ആറുപേർക്ക് ദാരുണാന്ത്യം
Edited by ജിബിൻ ജോർജ് | Samayam Malayalam | Updated: 6 Sep 2023, 10:24 am
നിർത്തിയിട്ട ട്രക്കിന് പിന്നിലേക്ക് മിനിവാൻ ഇടിച്ചുകയറിയുണ്ടായ അപകടത്തിൽ ഒരു കുട്ടിയടക്കം ആറുപേർക്ക് ദാരുണാന്ത്യം. തമിഴ്നാട്ടിലെ സേലത്ത് ഇന്ന് പുലർച്ചെയാണ് അപകടം
ഹൈലൈറ്റ്:
- നിർത്തിയിട്ട ട്രക്കിലേക്ക് മിനിവാൻ ഇടിച്ചുകയറി.
- ഒരു വയസുള്ള കുട്ടിയടക്കം ആറുപേർക്ക് ദാരുണാന്ത്യം.
- തമിഴ്നാട്ടിലെ സേലം ജില്ലയിൽ ശങ്കരി ബൈപാസിലാണ് അപകടം.
ഈറോഡ് ജില്ലയിലെ പെരുന്തുരയ്ക്കടുത്ത് കുട്ടംപാളയത്ത് നിന്നുള്ളവരാണ് അപകടത്തിൽപ്പെട്ടത്. ശങ്കരിക്കടുത്ത് ചിന്നഗൗണ്ടനൂർ ഗ്രാമത്തിന് സമീപം റോഡരികിൽ നിർത്തിയിട്ടിരുന്ന ട്രക്കിൻ്റെ പിൻഭാഗത്ത് മിനിവാൻ ഇടിച്ച് കയറുകയായിരുന്നു. അപകടത്തിൽ ആറ് പേർക്ക് ജീവൻ നഷ്ടമായതായി പോലീസ് അറിയിച്ചു.
പളനിസ്വാമിയുടെ മകൾ ആർ പ്രിയ (21), അറുമുഖൻ്റെ മകൻ വിക്കി എന്ന വിഗ്നേഷ് (25) എന്നിവർക്കാണ് പരിക്കേറ്റത്. പ്രിയയുടെ മകളാണ് മരിച്ച ഒരുവയസുകാരി. പ്രിയയുടെ ഭർത്താവിൻ്റെ വീട്ടിൽ എത്തിയ ശേഷം കുടുംബം മടങ്ങുന്നതിനിടെയാണ് അപകടം. മരിച്ചവരെല്ലാം ഒരു കുടുംബത്തിലെ അംഗങ്ങളാണെന്നാണ് റിപ്പോർട്ട്.
അപകടത്തിൻ്റെ സിസിടിവി ദൃശ്യം പോലീസ് ശേഖരിച്ചു. വിഗ്നേഷനാണ് വാഹനം ഓടിച്ചിരുന്നത്. ഇയാൾ ഉറങ്ങിപ്പോയതാണ് അപകടകാരണമെന്നാണ് നിഗമനം. അപകടത്തിൽ വാൻ പൂർണമായി തകർന്നു. വാഹനത്തിൽ നിന്ന് ആളുകളെ പുറത്തെടുക്കാൻ ഏറെ സമയം വേണ്ടിവന്നു.
കേസ് രജിസ്റ്റർ ചെയ്ത് അന്വേഷണം ആരംഭിച്ചതായി ശങ്കരി പോലീസ് അറിയിച്ചു. പരിക്കേറ്റ പ്രിയ, വിക്കി എന്നിവരെ സേലം മോഹൻ കുമാരമംഗലം മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റ് മോർട്ടം നടപടികൾക്കായി മൃതദേഹങ്ങൾ ശങ്കരി സർക്കാർ ആശുപത്രിയിലേക്ക് മാറ്റിയതായി പോലീസ് അറിയിച്ചു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക