മനംപുരട്ടല്‍ ഒഴിവാക്കാന്‍ വഴികള്‍ അറിയാം

പലപ്പോഴും നാം ഭക്ഷണം കഴിയ്ക്കുന്ന രീതിയാണ് ഇത്തരം പ്രശ്‌നമുണ്ടാക്കുന്നത്. വലിയ അളവില്‍ കഴിയ്്ക്കാതെ കുറേശെ വീതം കഴിയ്ക്കാം. ചവച്ചരച്ച് കഴിയ്ക്കാം. ഭക്ഷണം വിഴുങ്ങുന്ന രീതിയിലും ഒപ്പം കുറേ ഗ്യാസ് ഉള്ളിലേയ്‌ക്കെത്തുന്ന അവസ്ഥയും ഒവിവാക്കുക. സമയത്തിന് ഭക്ഷണം കഴിയ്ക്കാം. അല്ലെങ്കില്‍ ഗ്യാസ്, അസിഡിറ്റി പ്രശ്‌നങ്ങള്‍ക്ക് സാധ്യതയേറെയാണ്. ചില പ്രത്യേക ഭക്ഷണങ്ങള്‍ ഈ പ്രശ്‌നമുണ്ടാക്കുന്നുവെങ്കില്‍ ഇവ ഒഴിവാക്കുക.

ഇഞ്ചി ഇത്തരത്തില്‍ ഒന്നാണ്. ഇഞ്ചിയിൽ ഫൈറ്റോകെമിക്കലുകളും ഫൈറ്റോ ന്യൂട്രിയന്റുകളും അടങ്ങിയിട്ടുണ്ട്, ഇത് ഓക്കാനം കുറയ്ക്കാൻ സഹായിക്കും. ഇഞ്ചിച്ചായ കുടിക്കുന്നത് ഓക്കാനം അകറ്റാൻ സഹായിക്കും.മനംപിരട്ടലുണ്ടാകുമ്പോള്‍ ചെറിയ കഷ്ണം ഇഞ്ചി വായിലിട്ട് ചവയ്ക്കുന്നതും നല്ലതാണ്. ദഹനസംബന്ധമായ പ്രശ്‌നങ്ങള്‍ കൊണ്ടുണ്ടാകുന്ന മനംപിരട്ടലിനും ഇതേറെ ഗുണകരമാണ്.

മനംപിരട്ടല്‍ ഒഴിവാക്കാന്‍ പുതിനയില ഗുണകരമാണ്. ഗ്യാസ്, അസിഡിറ്റി പ്രശ്‌നങ്ങള്‍ക്കും ദഹനാരോഗ്യത്തിനും ഇതേറെ ഉത്തമമാണ്. പുതിനയിൽ കാണപ്പെടുന്ന പ്രകൃതിദത്ത എണ്ണ കുടലിന് ആശ്വാസമേകുകയും ദഹനനാളത്തിൽ നിന്ന് ഗ്യാസ് നീക്കം ചെയ്യുകയും ചെയ്യുന്നു. കൂടാതെ, ഇത് കുടലിൽ ഉണ്ടാവുന്ന രോഗാവസ്ഥ ഒഴിവാക്കുന്നു, വയറിളക്കം, വായുകോപം, ഓക്കാനം എന്നിവ കുറയ്ക്കുകയും ചെയ്യുന്നു.

ചെറുനാരങ്ങ മനംപിരട്ടല്‍ ഒഴിവാക്കാന്‍ ഗുണം നല്‍കുന്ന ഒന്നാണ്. അതിൽ അടങ്ങിയിരിക്കുന്ന ന്യൂട്രലൈസിംഗ് ആസിഡുകൾ വയറിന് ഗുണം ചെയ്യും. പിഴിഞ്ഞെടുത്ത നാരങ്ങ നീര് വെള്ളത്തിൽ ചേർത്ത് ദിവസം മുഴുവൻ കുടിക്കുക. ചെറുചൂടുള്ള വെള്ളത്തിൽ ചെറുനാരങ്ങാനീര് ചേർത്ത് കുടിക്കുന്നത് കുടലിന്റെ ആരോഗ്യം മെച്ചപ്പെടുത്താൻ സഹായിക്കും.