ടൈം മാഗസിന്റെ എഐ രംഗത്തെ ഏറ്റവും സ്വാധീനമുള്ള നൂറ് പേരില്‍ യുഎഇ മന്ത്രി അല്‍ ഒലാമയും
Samayam Malayalam | Updated: 8 Sep 2023, 11:53 am
2017ല്‍ ലോകത്തില്‍ ആദ്യമായി ആര്‍ട്ടിഫിഷ്യല്‍ ഇന്റലിജന്‍സ് മന്ത്രിയായി നിയമിതനായതുമുതല്‍ നൂതന സാങ്കേതികവിദ്യയുടെ സാധ്യതകള്‍ ഉപയോഗപ്പെടുത്താനുള്ള യുഎഇയുടെ നീക്കത്തിന്റെ മുന്‍നിരയിലാണ് അല്‍ ഒലാമ.
ഹൈലൈറ്റ്:
- ലോകത്തില്‍ ആദ്യ എഐ മന്ത്രിയാണിദ്ദേഹം
- 2007ലാണ് മന്ത്രിയായി നിയമിതനായത്
- അല്‍ ഒലാമയെ അഭിനന്ദിച്ച് ഷെയ്ഖ് മുഹമ്മദ്
ആര്‍ട്ടിഫിഷ്യല്‍ ഇന്റലിജന്‍സ്, ഡിജിറ്റല്‍ ഇക്കോണമി, റിമോട്ട് വര്‍ക്ക് ആപ്ലിക്കേഷനുകള്‍ എന്നിവയുടെ സഹമന്ത്രിയായി സേവനമനുഷ്ഠിക്കുകയാണിദ്ദേഹം. 2020 ജൂലൈയിലാണ് ഡിജിറ്റല്‍ എക്കണോമിയും റിമോട്ട് വര്‍ക്ക് ആപ്ലിക്കേഷനുകളും ഉള്‍പ്പെടുത്തി അദ്ദേഹത്തിന്റെ ചുമതല വിപുലീകരിച്ചത്.
GMUP School Areacode: സംസ്ഥാനത്തെ മികച്ച പിടിഎ കമ്മിറ്റിക്കുള്ള അവാർഡ് നേടി അരീക്കോട് ജിഎംയുപി സ്കൂൾ
ടൈം മാഗസിന്റെ എഐ ‘ഷേപ്പര്‍’ വിഭാഗത്തിലാണ് 33കാരന്‍ ഇടംപിടിച്ചത്. എഐയും അതിന്റെ പ്രയോഗവും വളരെ പ്രധാനമാണെന്നതിനാല്‍ സമഗ്രമായ വീക്ഷണത്തോടെ അതിനെ നോക്കിക്കാണുന്ന ഭരണകര്‍ത്താക്കള്‍ ഉണ്ടാവേണ്ടത് പ്രധാനമാണെന്നും വിവിധ സ്ഥാപനങ്ങള്‍ക്കിടയില്‍ എഐയുടെ ഏകോപനം ഉറപ്പാക്കുക കൂടി ചെയ്യുന്ന ഒരാളാണ് അല്‍ ഒലാമയെന്നും ടൈം മാഗസിന്‍ അഭിപ്രായപ്പെട്ടു.
ടൈം മാഗസിന്റെ എഐ രംഗത്തെ ഏറ്റവും സ്വാധീനമുള്ള 100 ആളുകളുടെ പട്ടികയില്‍ ഇടം നേടിയത് വലിയ അംഗീകാരമാണെന്ന് സെപ്റ്റംബര്‍ ഏഴിന് വ്യാഴാഴ്ച അല്‍ ഒലാമ എക്‌സ് പ്ലാറ്റ്‌ഫോമില്‍ (പഴയ ട്വിറ്റര്‍) കുറിച്ചു. നിര്‍മിതബുദ്ധി മേഖലയിലെ യുഎഇയുടെ മുന്നേറ്റത്തിന്റെയും നവീകരണത്തോടുള്ള തങ്ങളുടെ പ്രതിബദ്ധതയുടെയും തെളിവാണിതെന്നും അദ്ദേഹം എക്‌സില്‍ എഴുതി. സാങ്കേതികവിദ്യയുടെ മുന്‍നിരയിലേക്ക് യുഎഇയെ കൊണ്ടുവരാനുള്ള കാഴ്ചപ്പാടുംപിന്തുണയും നല്‍കിയ മുഹമ്മദ് ബിന്‍ സായിദ്, ഷെയ്ഖ് മുഹമ്മദ് എന്നിവര്‍ക്ക് ഈ മഹത്തായ നേട്ടം സമര്‍പ്പിക്കുന്നു. അറബ് സമൂഹത്തെയും ലോകമെമ്പാടുമുള്ള ഭരണകര്‍ത്താക്കളെയും പ്രതിനിധീകരിക്കുന്നതില്‍ അഭിമാനിക്കുന്നു-അദ്ദേഹം കൂട്ടിച്ചേര്‍ത്തു.
പട്ടികയില്‍ ഇടം നേടിയ ഉമര്‍ സുല്‍ത്താന്‍ അല്‍ ഒലാമയെ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം സോഷ്യല്‍ മീഡിയ സന്ദേശത്തില്‍ അഭിനന്ദിച്ചു. അല്‍ ഒലാമയുടെ നേട്ടങ്ങളെയും അദ്ദേഹം പ്രകീര്‍ത്തിച്ചു.
‘ടൈം മാഗസിന്റെ ആര്‍ട്ടിഫിഷ്യല്‍ ഇന്റലിജന്‍സ് മേഖലയിലെ ഏറ്റവും സ്വാധീനമുള്ള 100 വ്യക്തികളുടെ പട്ടികയില്‍ ലോകത്തിലെ ആദ്യത്തെ ആര്‍ട്ടിഫിഷ്യല്‍ ഇന്റലിജന്‍സ് മന്ത്രി ഒമര്‍ സുല്‍ത്താന്‍ അല്‍ ഒലാമയും ഇടം നേടി. തങ്ങളുടെ മികവും ശുഷ്‌കാന്തിയുള്ള പ്രവര്‍ത്തനവും കൊണ്ട് ആഗോളതലത്തില്‍ രാജ്യത്തിന്റെ പ്രതിച്ഛായ ഉയര്‍ത്താന്‍ സംഭാവന ചെയ്യുന്ന ഓരോ എമിറാത്തിയിലും ഞാന്‍ അഭിമാനിക്കുന്നു’-ഷെയ്ഖ് മുഹമ്മദ് എക്‌സിലെ ഒരു പോസ്റ്റില്‍ പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക