ആഭ്യന്തര സംഘര്‍ഷങ്ങളും അശാന്തിയും അസ്ഥിരതയും മൂലം വലയുന്ന രാജ്യങ്ങള്‍ സന്ദര്‍ശിക്കുന്നതിന് മുമ്പ് പോലീസ് ഉദ്യോഗസ്ഥര്‍ പ്രത്യേക അനുമതി വാങ്ങല്‍ നിര്‍ബന്ധമാണ്. ആഭ്യന്തര മന്ത്രാലയം അണ്ടര്‍ സെക്രട്ടറി ലെഫ്റ്റനന്റ് ജനറല്‍ അന്‍വര്‍ അല്‍ ബര്‍ജാസ് ഇതുസംബന്ധിച്ച നിര്‍ദേശങ്ങളടങ്ങിയ സര്‍ക്കുലര്‍ പുറപ്പെടുവിച്ചു. സാഹചര്യങ്ങള്‍ക്കനുസരിച്ച് സെക്ടര്‍ മേധാവിയോ അസിസ്റ്റന്റ് അണ്ടര്‍സെക്രട്ടറിയോ ഡയറക്ടര്‍ ജനറലോ ഉള്‍പ്പെടുന്ന ബന്ധപ്പെട്ട മേലുദ്യോഗസ്ഥരില്‍ നിന്ന് മുന്‍കൂര്‍ അനുമതിയില്ലാതെ ഈ രാജ്യങ്ങള്‍ സന്ദര്‍ശിക്കുന്നതില്‍ നിന്ന് പോലീസ് ഉദ്യോഗസ്ഥര്‍ക്ക് ഇപ്പോള്‍ വിലക്കുണ്ട്.
GMUP School Areacode: സംസ്ഥാനത്തെ മികച്ച പിടിഎ കമ്മിറ്റിക്കുള്ള അവാർഡ് നേടി അരീക്കോട് ജിഎംയുപി സ്കൂൾ
പോലീസ് ഉദ്യോഗസ്ഥരുടെ സുരക്ഷയും സുരക്ഷയും ഉറപ്പാക്കാനും രാജ്യത്തെ ക്രമസമാധാനപാലന ചുമതലയുള്ളവരുടെ ക്ഷേമം സംരക്ഷിക്കാനുമാണ് ഈ തീരുമാനം. യാത്രാ നിയന്ത്രണങ്ങള്‍ ലംഘിച്ചാല്‍ നിയനപടി നേരിടേണ്ടിവരുമെന്നും മന്ത്രാലയം മുന്നറിയിപ്പ് നല്‍കി. പോലീസ് സേനയിലെ അംഗങ്ങള്‍ക്കുള്ള സ്റ്റാന്‍ഡിങ് ഓര്‍ഡറുകളുമായും ബന്ധപ്പെട്ട നിര്‍ദ്ദേശങ്ങളുമായും അഡ്മിനിസ്‌ട്രേറ്റീവ് ഓര്‍ഡര്‍ നമ്പര്‍ 3/1994ലെ വ്യവസ്ഥകള്‍ പ്രകാരവും നടപടി ഉണ്ടാവുമെന്ന് സര്‍ക്കുലറില്‍ പറയുന്നു.
വിദേശിയെ ആക്രമിച്ച് രണ്ടംഗ സംഘം പണം തട്ടിയെടുത്തു
കുവൈത്ത് സിറ്റി: ഒറ്റക്ക് നടന്നുപോവുകയായിരുന്ന വിദേശിയെ പകല്‍ നേരത്ത് രണ്ടംഗ സംഘം ആക്രമിച്ച് പണവും വിലപിടിച്ച വസ്തുക്കളും തട്ടിപ്പറിച്ചു. ഇതിന്റെ ദൃശ്യങ്ങള്‍ അടങ്ങിയ വീഡിയോ സമീപത്തെ കെട്ടിടത്തിന്റെ മുകള്‍ നിലയിലെ ജനല്‍ വഴി കുവൈത്തി യുവതി ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു.
ഉച്ചനേരത്ത് റോഡരികിലൂടെ നടന്നുപോകുമ്പോഴാണ് കവര്‍ച്ചയ്ക്ക് ഇരയായത്. ധാരാളം വാഹനങ്ങള്‍ നിര്‍ത്തിയിട്ട റെസിഡന്‍ഷ്യല്‍ കെട്ടിടങ്ങള്‍ക്കു സമീപത്തു കൂടി നടക്കവെയാണ് സംഭവം. വാഹനത്തിലാണ് കവര്‍ച്ചക്കാര്‍ എത്തിയത്. ഇരയുടെ സമീപത്ത് ആരുമില്ലെന്ന് മനസിലാക്കി കാറിലുണ്ടായിരുന്ന കവര്‍ച്ചക്കാരിലെ ഒരാള്‍ അടുത്തെത്തി അക്രമിക്കുകയായിരുന്നു. പണവും മൊബൈല്‍ ഫോണും മറ്റും പിടിച്ചുപറിക്കാനും ശ്രമിച്ചു.
ഈ സമയം വിദേശി അക്രമിയെ ശക്തമായി പ്രതിരോധിച്ചു. ഇതോടെ അക്രമിയുടെ കൂടെയുണ്ടായിരുന്ന കാറിലെ ഡ്രൈവറും സ്ഥലത്തെത്തി ആക്രമണത്തില്‍ പങ്കുചേര്‍ന്നു. ഇരുവരും ചേര്‍ന്നുള്ള അപ്രതീക്ഷിത ആക്രമണത്തില്‍ പ്രവാസിക്ക് പിടിച്ചുനില്‍ക്കാനായില്ല. വിദേശിയെ അടിച്ച് നിലത്ത് തള്ളിയിട്ട് പണവും മറ്റും പിടിച്ചുപറിച്ച് കവര്‍ച്ചക്കാര്‍ കടന്നുകളയുകയും ചെയ്തു.