അടിവസ്ത്രത്തിനും ഒരു ദിനമോ? ഓഗസ്റ്റിലെ ‘വെറൈറ്റി’ ദിവസങ്ങൾ അറിയാം

ഓഗസ്റ്റ് മാസം എന്ന് കേട്ടാൽ നമ്മൾ ഇന്ത്യക്കാർക്ക് ഒരു പക്ഷെ ആദ്യം ഓർമ്മ വരുന്ന ദിവസം 15 ആയിരിക്കും. ഇന്ത്യ മഹാരാജ്യത്തിന് സ്വാതന്ത്രം കിട്ടിയ ഓഗസ്റ്റ് 15 ഓരോ ഭാരതീയനും അഭിമാന ദിനമാണ്. അതുപോലെ ഈ മാസം പ്രാധാന്യമർഹിക്കുന്ന ഒരു ദിവസമാണ് സൗഹൃദ ദിനം. ഇത്തവണ ഓഗസ്റ്റ് മാസം ആരംഭിച്ചത് തന്നെ സൗഹൃദങ്ങൾക്കായുള്ള ദിവസമായാണ്. എല്ലാ വർഷവും ഓഗസ്റ്റ് മാസത്തിലെ ആദ്യ ഞായറാഴ്ചയാണ് ഇന്ത്യയിൽ സൗഹൃദ ദിനമായി ആചരിക്കുന്നത്. എന്നാൽ ഓഗസ്റ്റ് മാസത്തിൽ ചില വെറൈറ്റി ദിവസങ്ങളും ലോകരാഷ്രങ്ങൾ ആഘോഷിക്കുന്നത്.

ഒരുപക്ഷെ കേട്ടാൽ ‘ഇതിനൊക്കെ ഒരു ദിവസമോ’ എന്ന് നാം ചിന്തിക്കും ഇത്തരം വിചിത്രമായ ദിവസങ്ങളെപ്പറ്റി അറിയുമ്പോൾ. ഉദാഹരണത്തിന് ഓഗസ്റ്റ് 5 ആണ് ‘അടിവസ്ത്ര ദിനം’. അതെ ദിവസം ‘പട്ടിയെപ്പോലെ പണിയെടുക്കേണ്ട ദിവസം’ ആയും ആചരിക്കുന്നു. ഓഗസ്റ്റ് 1ന് അമേരിക്കയിലെ ജനങ്ങൾ ‘ദേശീയ കാമുകി (ഗേൾഫ്രണ്ട്) ദിനം’ ആഘോഷിക്കുന്നു. ഒരു സ്ത്രീയുടെ സ്ത്രീ സുഹൃത്തിനെ നിർവ്വചിക്കാൻ 1863-ൽ യുവാക്കൾക്കിടയിൽ ആണത്രേ ഗേൾഫ്രണ്ട് എന്ന വാക്ക് ഉപയോഗിച്ച് തുടങ്ങിയത്. എന്നാൽ 1920-കൾക്ക് ശേഷം ഈ വിശേഷണം കാമുകിക്ക് ചാർത്തപ്പെട്ടു.

എന്നെ ട്രോളാൻ എനിക്കറിയാം! സെൽഫ് ട്രോൾ വീഡിയോയുമായി ബോചെക്കുട്ടൻ
കഴിഞ്ഞില്ല, ഓഗസ്റ്റ് 3 ‘നിങ്ങളുടെ തറ വൃത്തിയാക്കൽ’ ദിവസം. അന്നേ ദിവസം തന്നെയാണ് രാത്രി കറങ്ങി നടക്കാനുള്ള ‘നെറ്റ് ഔട്ട്’ ഡേ. കാലിലെ വിരലുകൾ മുകളിലേക്കും താഴേക്കും ചലിപ്പിക്കാനുള്ള ‘വിഗ്ഗിൽ യുവർ ടോസ് ഡേ’ ഈ മാസം ആറിനാണ്. ഈ മാസം 10നാണ് ‘മടി ദിവസം’. അലസരായ ആളുകളെ ആദരിക്കുന്നതിനുള്ള ദിവസമാണിതത്രേ.

മൂന്ന് മക്കളുണ്ടെങ്കിൽ രണ്ടാമതായി ജനിച്ച കുട്ടിക്കുള്ള ‘മിഡിൽ ചൈൽഡ്‌സ് ഡേ’ ആണ് ഓഗസ്റ്റ് 12. വേറെ ആരെയെങ്കിലും കുറ്റപ്പെടുത്താനുള്ള ദിവസമാണ് ഓഗസ്റ്റ് 13. ടാറ്റൂ ഒഴിവാക്കാനും ഈ മാസം ഒരു ദിവസമുണ്ട്, ഓഗസ്റ്റ് 14. ഒരു തമാശ പറയാനുള്ള ‘ടെൽ എ ജോക്ക്’ ദിനമാണ് ഓഗസ്റ്റ് 16.

സൗജന്യ വൈദ്യുതി വേണ്ട, എംഎൽഎയെ മതിയെന്ന് യുവതി; മാസ്സ് മറുപടി
തല്ലിപ്പൊളി കവിതയ്ക്കായി നീക്കിവച്ചിരിക്കുന്ന ദിവസമാണ് ഓഗസ്റ്റ് 18. ചുംബിക്കാനും മേക്കപ്പ് ചെയ്യാനുമുള്ള ദിവസമാണ് ഓഗസ്റ്റ് 25. മേല്പറഞ്ഞവയിൽ പലതും നാം ആഘോഷിക്കാറില്ല. എങ്കിലും നമുക്ക് ചുറ്റും നടക്കുന്ന ഇത്തരം കാര്യങ്ങളെക്കുറിച്ച് അറിയുന്നത് രസകരമാണ്. അല്ലേ?