യുപിയിലെ മീററ്റിലെ കൊവിഡ് ഐസിയുവിലാണ് 18 വയസ്സുള്ള പെൺകുട്ടിയെ അര്‍ധരാത്രിയിൽ ആശുപത്രി ജീവനക്കാരൻ കുത്തിവെച്ച് ബോധം കെടുത്തിയ ശേഷം പീഡിപ്പിച്ചത്.
പ്രതീകാത്മക ചിത്രം Photo: Bangalore Mirror/File
ഹൈലൈറ്റ്:
- ഒരാള്‍ അറസ്റ്റിൽ
- സിസിടിവി ഓഫ് ചെയ്തിരുന്നതായി പോലീസ്
- പരാതിയുമായി പെൺകുട്ടിയുടെ കുടുംബം
മീററ്റ്: യുപിയിലെ ആശുപത്രിയിൽ കൊവിഡ് ഐസിയുവിൽ നിന്ന് നടക്കുന്ന പീഡന വാര്‍ത്ത. കൊവിഡ് രോഗിയായ 18കാരിയെ ആശുപത്രിയിലെ ജീവനക്കാരൻ കുത്തിവെച്ച് ബോധം കെടുത്തിയ ശേഷം പീഡനത്തിനിരയാക്കിയെന്നാണ് റിപ്പോര്‍ട്ടുകള്‍. മീററ്റിലെ ലിസാരി ഗേറ്റ് പോലീസ് സ്റ്റേഷൻ പരിധിയിലാണ് സംഭവമുണ്ടായത്. സംഭവത്തിനു പിന്നാലെ വിവരം മൂടി വെക്കാനും ആശുപത്രി അധികൃതര്‍ ശ്രമിച്ചു.
സംഭവത്തിൽ വീട്ടുകാര്‍ നര്‍കിയ പരാതിയിയുടെ അടിസ്ഥാനത്തിൽ ആശുപത്രിയിലെ വാര്‍ഡ് ബോയിയെ പോലീസ് അറസ്റ്റ് ചെയ്തെന്നാണ് ഹിന്ദി മാധ്യമമായ ഹിന്ദുസ്ഥാൻ്റെ റിപ്പോര്‍ട്ട്. മജീദ്നഗര്‍ സ്വദേശിയായ പെൺകുട്ടിയാണ് പീഡനത്തിന് ഇരയായതെന്നാണ് റിപ്പോര്‍ട്ടിൽ പറയുന്നത്. മെയ് 27ന് കടുത്ത പനിയെത്തുടര്‍ന്ന് പെൺകുട്ടിയെ ആശുപത്രിയിൽ പ്രവേശിപ്പിക്കുകയായിരുന്നു.
ഐസിയുവിൽ വെച്ച് പുലര്‍ച്ചെ മൂന്ന് മണിയോടെ തന്നെ സമീപിച്ച പ്രതി കുത്തിവെയ്പ്പ് നല്‍കി ബോധം കെടുത്തുകയായിരുന്നുവെന്നാണ് പെൺകുട്ടി നല്‍കിയ മൊഴി. പീഡനവിവരം ആരോടെങ്കിലും പറഞ്ഞാൽ വിഷം കുത്തിവെക്കുമെന്നും പ്രതി ഇരയെ ഭീഷണിപ്പെടുത്തിയെന്നാണ് റിപ്പോര്‍ട്ടിൽ പറയുന്നത്.
സഹോദരൻ്റെ ഭാര്യയോട് പെൺകുട്ടി സംഭവം തുറന്നു പറഞ്ഞതോടെയാണ് വിവരം പുറംലോകമറിഞ്ഞത്. ഇതോടെ കുടുംബം ലിസാരി ഗേറ്റ് പോലീസ് സ്റ്റേഷനിൽ പരാതി നല്‍കുകയായിരുന്നു. സംഭവത്തിൽ ഘോസിപൂര്‍ ഗ്രാമക്കാരനായ ഖാസിം എന്ന യുവാവാണ് അറസ്റ്റിലായത്. ഇയാളെ പോലീസ് ചോദ്യം ചെയ്തു വരികയാണ.
Also Read: കുഴൽപ്പണക്കേസ് നി‍ര്‍ണായക ഘട്ടത്തിൽ; കെ സുരേന്ദ്രൻ്റെ മൊഴിയെടുക്കാൻ അന്വേഷണസംഘം
സംഭത്തിനു പിന്നാലെ പെൺകുട്ടിയുടെ ബന്ധുവായ യുവാവ് ആശുപത്രിയിലെത്തുകയും സിസിടിവി ദൃശ്യങ്ങള്‍ പരിശോധിക്കുകയും ചെയ്തു. പുലര്‍ച്ചെ മൂന്ന് മണിയോടെ പ്രതി പെൺകുട്ടിയെ പീഡിപ്പിക്കുന്നത് ദൃശ്യങ്ങളിൽ കണ്ടെന്നാണ് ഇയാള്‍ പറയുന്നത്. എന്നാൽ പീഡനം നടക്കുന്ന സമയത്ത് 40 മിനുട്ടോളം സിസിടിവി ഓഫ് ചെയ്തിരുന്നതായും റിപ്പോര്‍ട്ടിൽ പറയുന്നു. സംഭവം പുറത്തറിയാതിരിക്കാൻ പ്രതി തന്നെ സിസിടിവി ഓഫ് ചെയ്തതാകാമെന്നാണ് പോലീസ് സംശയിക്കുന്നത്.
അതേസമയം, സംഭവം മൂടിവെക്കാൻ ലോക്കൽ പോലീസ് ശ്രമിച്ചതായും ആരോപണമുണ്ട്. കുടുംബം പോലീസിൽ പരാതി നല്‍കിയതിനു ശേഷവും ലോക്കൽ സ്റ്റേഷൻ ഹൗസ് ഓഫീസര്‍ സര്‍ക്കിള് ഓഫീസര്‍ അമിത് റായിയോട് പരാതി ലഭിച്ചിട്ടില്ലെന്ന് അറിയിച്ചു. സംഭവം ഒത്തുതീര്‍പ്പാക്കാൻ പോലീസ് കൂട്ടുനിന്നെന്നാണ് ആരോപണം. പരാതി പിൻവലിക്കണമെന്ന് പ്രതിയുമായി ബന്ധമുള്ളവരും കുടുംബത്തോട് ആവശ്യപ്പെട്ടിരുന്നുവെന്നാണ് റിപ്പോര്‍ട്ട്.
സൗജന്യമായി ടിക്കറ്റ് തിയതി മാറ്റാമെന്ന് എയർ ഇന്ത്യ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : up hospital ward boy allegedly molested 18 year old girl patient after sedation with injection
Malayalam News from malayalam.samayam.com, TIL Network
Podcast: Play in new window | Download